STR
/
nag_ta
forked from Door43-Catalog/nag_ta
0
0
Fork 0
Files Issues Pull Requests Releases Activity Metadata Preview / PDF
nag_ta/translate/bita-part1/01.md

5.9 KiB
Raw Permalink Blame History

Iyate bhanbona laga kotha khan koikena ase juntu dusra logote bisi komti pora milaikena ase. (Bisi dangor bhabona milaikena thaka iyate sabo pare Biblical Imagery - Cultural Models.*)

Bhal pora Koidia

Sob bhasa te, bisi metaphors bisi alag alag milaidiya laga niom khan ase, juntu te ekta bhabona laga motlob dusra bhabona hoi. Udharan te, kunba bhasakhan te utchai “bisi” aru niche “bisi nohoi” ineka milaithake, ineka kurile utchai laga motlob “bisi” aru niche laga motlob ase “bisi nohoi.” Itu ineka hoi kilemane jetia ekta jagate saman bisi joma hoi jai, utu saman toh utcha te thaki jai. Itu nisina, jodi kiba ekta saman laga dam bisi ase, tetia kunba bhasa te manukhan kobo itu laga dam bisi _utcha _ase, nohoilebi ekta city te manu laga ginti bisi hoijaile, moikhan ineka kobo pare tate manu khan laga gintu uthise. Itu nisina jodi kunba gaw patla hoise aru ujon komti hoise, amikhan kobo pare tai laga ujon niche jaise.

Baibel te niom khan thaka toh Ibri aru Greek bhasa laga bisi khas ase. Itu bisi lab hobo itu niom khan ke chiniloile, kilekoile itu niomkhan hodae nimite bhasa bodli kurithaka khan nimite digdar diye. Jetia bhasa bodli kura khan pora kineka bhasa bodli kuribo itu laga digdarkhan toh bujiloi, taikhan taiyar thakibo.

Ekta udharan, ekta mila laga niom Baibel te thaka ase beraithaka ke “kurithaka” aru ekta rasta ekta kurithaka adat. Psalm 1:1 te, bia manu khan laga kotha manile, itu motlob bia manukhan pora ki kuribi koi ase itu kuri thaka.

Kun pora bia manu laga kotha te naberai tai bisi asis thaka ase (Psalm 1:1 ULT)

Itu laga niom toh Psalm 119: 32 te bi dikhibo pare, kot-te Isor laga adesh te polai ase koa toh Isor pora dia adesh khan sob kurithaka ase. Kilekoile polai thaka toh berai thaka pora bisi tan kam ase, iyate polai thaka laga bhabona to pura mon pora polai thaka laga bhabona koi ase.

Ami polabo Apuni laga niom laga rasta te . (Psalm 119:32 ULT)

Ki nimite bhasa bodli kura toh digdar hoi jai

Itu niomkhan tinta rasta pora digdar hoi thaka kun khan pora itu buji bole kosis kure:

  1. Baibel te kunba metaphor ke saise koile, duita bhabona eki logote mila to ki koi ase itu bujibo napare. Ekta udharan ase, itu bhabona mila toh nabujibo pare, juntu ase, itu Isor he ase, kun pora moi ke takot diye, moi laga peth te kapor bandi kena thaka nisina. (Psalm 18:32 ULT) itu toh kapor aru manu laga bhal niom logote milai kena ase. Iyate, peth te kapor bandikena thaka laga noksa laga motlob ase takot. (sabi “kapor panda laga motlob ase ekta bhal niom thaka” Baibel te Imagery - manu-pora-bona samankhan)

  2. Jetia ekta bhabona ke sabo, bhasa bodli kura pora janibo lage itu laga kiba logote eku motlob ase na nai. Tai laga age aru pichete ki likhikena ase itu sai le he paribo. Udharan te, “sakhi” laga motlob ase tel te rushi thaka laga daba juntu ke jolaikena ujala diye, nohoilebi “sakhi” laga noksa laga motlob ase jivon. (sabi "JUI nohoilebi sakhi laga motlob ase jibon" in Baibel te Imagery - Natural Phenomena)

I Kings 7:50 te ekta deepak ke kati thaka kenchi toh sadha sakhi laga suta ke khata kati thaka laga hatyar ase. 2 Samuel 21:17 te Israel laga sakhi laga motlob ase Raja David laga jivon. Jetia tai laga manukhan mon chinta hoise tai “Israel laga sakhi ke bujhai dibo” tai khan mon chinta hoi thakise tai ke moraidile koikena.

Kapkhan, deepak laga suta khata kati thaka laga hatyarkhan,, bortonkhan, chamus khan aru bhal gun jolaithaka khan sob bisi sapha sona pora bonaise. (1 Kings 7:50 ULT)

Ishbibenob…David ke morabole kurise. Hoilebi Abishai, Zeruiah laga putro pora David ke bachailoise, Philistine ke hamla kurise, aru taike murai dise. Tetia David laga manukhan pora taike ineka koikena kosom kurise, “Apuni amikhan logote lorai te najabo lage, itu hoile apuni Israel laga sakhi ke bujhai nadibo nimite.” (2 Samuel 21:16-17 ULT)

  1. Bhabona khan kuntu itu bhabona khan logote milaikena ase, bisi bar to digdar pora milai thake. Itu logote, taikhan bisi bar toh milai diye-aru kunba te toh itu khan sob-bisi cholaithaka metonymies aru cultural models- logote milaidiye. (sabi Baibel te Imagery – Bisi cholaithaka Metonymies aru Baibel te Imagery - Cultural Models)

Udharan te, 2 Samuel 14:7 laga nichete, “joli thaka koila” laga motlob ase putro laga jivon laga noksa, aru itu laga motlob ase ki nimite manukhan pora tai laga baba ke yad kuribo. Itu nimite iyate dui kisim laga mila toh dikhi ase: joli thaka koila putro laga jibon logote mila toh, aru putro ke tai laga baba laga yad kuribole logote mila toh.

Taikhan koi, ‘Kun manu pora tai laga bhai ke moraise itu manu amikhan laga hath te didibi, aru amikhan pora taike morai dibo, tai pora tai laga bhai laga jivon loi diya nimite.’ Aru taikhan pora kun HEIR ase, taike bhi morai dibo. Itu hoile, tai khan pora joli thaka koila kuntu ami rakhise ituke bujhai dibo, aru taikhan itu prithibi uporte moi laga mota nimite nam aru khandan narakhibo. (2 Samuel 14:7 ULT)

Baibel te noksa thaka khan itu jag ate sabo pare

Iyate paijabo knba bhabona kuntu Baibel te dusra motlob thaka laga bhabona khan koi diye, itu logote Baibel laga udharan bhi di kena ase. itu khan alag alag noksa hisab te ineka rakhi kena ase: