3.9 KiB
Baibel te thaka metonymies khan ABC laga hisab te ase. Dangor akhor te likha khan ase ekta bhabona. Noksa chola sob te itu kotha nacholabo pare, hoilebi itu kotha laga ki motlob ase itu toh noksa te thake
EKTA KAP nohoilebi borton laga motlob ase itu laga bhitorte ki ase itu ase.
moilaga kup bhorta hoikena sob giri ase. (Psalm 23:5 ULT)
Moilaga kap te bisi bhorta hoijaikena kap laga upor pora giri ase.
Kile koile hodai jetia apunikhan etu roti aru etu kup para khabo, apunikhan Prabhu mora laga khobor tu prochar kuri thakibo jetia tak Tai wapas nahey. (1 Corinthians 11:26 ULT)
Manukhan kap nakhai. Taikhan kap bhitorte ki ase itu he khai.
MUKH laga motlob ase kothakoa nohoile kothakhan
Ekta pagla laga mukh tai laga sob khotom kuri diye. (Proverbs 18:7 ULT)
< blockquote> Oh, ami laga mukh pora apunikhan ke kineka mon dangor kotha koi dibo! (Job 16:5 ULT)
Ami apuni laga mukh pora Moi laga birodh te kotha koa toh hunise; apuni Moi laga birodh te bisi kotha koise. Ami sob hunise. (Ezekiel 35:13 ULT)
Itu udharan khan te, mukh laga motlob ase ki kotha ekta manu pora koi ase.
EKTA MANU LAGA YAD TE laga motlob ase tai laga khandankhan
Ekta manu key ad kura laga motlob ase tai laga khandankhan, kielkoile taikhan pora he taike yad aru sonman kuribo lage. Jetia Baibel koi ase kunba ke yad kura toh murijai, itu laga motlob ase tai nijor laga khandankhan nai, nohoilebi tai laga khandankhan sob murijaise.
Apuni dusra desh khan ke Apuni laga larai laga awaz pora bhoi khilaise; Apuni pora biakhan ke khotom kurise; Apuni pora taikhan laga yad hodae nimite bon kuridise. Dushman toh purana ghor nisina girijaise jetia apuni citykhan ke nuksan kuri diye. Tai khan laga sob yad toh taikhan nisina khotom hoi jaise. (Psalm 9:5-6 ULT)
Tai laga yad toh prithibi pora khotom hoi jabo(Job 18:17 ULT)
Jehovah toh bia kam kuri thaka khan laga birodh te ase, Tai khan laga yad itu prithibi pora sapha kuri mushaidibole . (Psalm 34:16 ULT)
EKJON MANU laga motlob ase manu laga ekta dol ase
Kilekoile bia manu tai laga mon bhitorte thaka laga echa khan phutani pora koi ase; Tai lalchi kura manu kea sis diye aru Jehovah ke bodnam kure. Psalm 10:3 ULT)
Itu kunba ekjon manu ke koa nohoe, hoilebi kun khan bia manu ase tai khan ke he koi ase.
EKTA MANU LAGA NAM laga motlob ase tai laga khandankhan
Gad- dacoit khan pora tai ke hamla kuribo, hoilebi tai pora taikhan laga theng te hamla kuribo. Asher laga khana toh bisi bhal hobo, aru tai bisi bhal khana khabole dibo. Napthali ekta charidiya nisina horing ase; tai laga bachakhan bisi sundor hobo. (Genesis 49:19-21 ULT)
Gad, Asher aru Napthali laga nam laga motlob khali tai khan nsm he nohoi, hoilebi tai laga khandankhan ase.
EKJON laga motlob ase nijor manu aru tai logote thaka manukhan
Itu hoise jetia Abram Egypt te jaise, Egypt laga manukhan pora Sarai kiman sundor ase itu dikhise. (Genesis 12:14 ULT)
Iyate kun jagate “Abram” koi ase, itu laga motlob ase Abram aru tai logote safar kuri thaka sob manukhan. Abram laga uporte kotha toh rakhi ase.
CHENDA KURI DIA laga motlob ase moraidiya.
Tai laga hath pora chenda kuri dise polai thaka sap nisina. (Job 26:13 ULT)
Itu laga motlob ase tai pora sap ke moraidise.
Sabi, tai badal khan logote ahibo; sob suku pora tai ke sabo, taikhan bhi kunkhan pora taike jhokom kurise itu dikhibo kurise. (Revelation 1:7 ULT)
“Kun pora taike jhokhom kurise” laga motlob ase kun khan pora Jisu ke morai dise.
PAP (NAPUNCHA) laga motlob ase utu papkhan laga sajai toh
Jehovah pora tai uporte amikhan sob laga napunchakhan rakhidise. (Isaiah 53:6 ULT)
Itu laga motlob ase Jehovah pora tai uporte sajai dise kuntu amikhan pora he pabole laga asile.