nag_ta/translate/figs-exmetaphor/01.md

Bhal pora koidia

Extended Metaphor tetia hoi jetia ekjon pora kiba ekta hoa laga kotha toh dusra kiba hoa nisina koi. Tai ineka kure juntu pora poile te ki hoise itu bhal pora kobo le aru dusra ki hoise itu bi poila nisina ase kobole nimite. Dusra ula te “noksa” bisi thake juntu pora poila te kun manu, ki saman aru ki kam hoise itu sob koi diye.

Ki nimite itu bodli kura te digdar hoithake

• Manu khan buji napabo pare itu noksa khan dusra motlob nimite di kene ase.
• manu khan noksa te ki dikhai kene ase itukhan najanibo pare.
• extended metaphors laga motlob ke aram pora bujibo napare, aru bhasa bodli kam kura manu pora itu laga sob motlob bhal pora koidibo napare.

Bodli kuribole laga Niomkhan

• extended metaphor laga motlob asol te likha manukhan nimite kineka aram pora bujibole likhise, ineka he nijor laga manukhan pora buji pabole nimite sapha pora likhibi.
• Asol te likha manukhan nimite kineka aram pora bujibole likhise, ituke aru nijor laga manukhan pora buji pabole nimite bisi sapha pora na likhibo lage.
• Jetia kunba pora extended metaphor cholai ase, tai kuntu noksakhan cholai ase, itu khan sob tai ki kobo mon ase itu laga bisi khas bhag ase.
• Judi nijor manukhan pora kunba noksakhan buji napai koile, apuni kiba upai kurikena taikhan ke pura extended metaphor bujibo dibole kuribo lage.

Baibel pora udharankhan

Psalm 23: 1-4 te likha manu pora koi ase kineka Isor pora Tailaga manukhan khan nimite tai chinta aru morom thaka toh ekta bhera roikhia pora tai laga bherakhan nimite chinta thaka nisina koi ase. Bhera roikhia khan bhera pora ki lage itu dithake, taikhan ke eku khatra lok kuribo nadiye, taikhan ke bachai, rasta dikhai aru bia pora bachaikene rake. Isor pora Tailaga manukhan nimite ki kure itukhan sob bhera roikha laga kam nisina khan ase.

¹Jehovah moilaga roikhia ase; Ami eku nalagibo. ² Tai moike bhal ghas thaka jagate rukhibole diye; Tai moike loija pani thaka jagate. ³Tai moi laga jibon wapas ani diye; Tai moike loijai bhal rasta te Tai laga nam nimite. ⁴ Aru ami bisi andhar thaka laga jaga te berai le bi, Moi bhoi nakuribo kilekoile Apni moi logote ase; Apni laga lathi aru Apni laga khuri pora moi laga mon aram diye. (ULT)

Isaiah 5: 1-7, Isaiah pora likha toh kineka ekta kheti kura manu tai laga angur bagan te bhal pora angur nadhurile bisi mon napuncha hoi jai, thik itu nisina Isor Tai laga manukhan uporte mon napuncha laga kotha koi se. Kheti kura manu tai laga bagan ke bhal pora sai, hoilebi jetia bagan pora bia guti dhure, tetia taikhan bagan ke na-sai jai. Verse 1-6 te ekta kheti kura manu aru tai laga bagan laga kotha nisina dikhe, hoilebi 7 te itu Isor aru Tailaga manu laga kotha ase koikene bhal pora buji jai.

¹... Moi pora morom kura manu laga bisi bhal mati thaka pahar te ekta angur bagan asile. ²... tai tate pharwa marise aru pathorkhan sob hatai se, aru tate sob pora bhal bijon halide. Tai itu laga majote ekta rukha ghor bonaise, aru ta-te ros pisa laga jaga bonaise. tai angur ghas pora guti dhuribole rukhise, hoilebi itu pora khali jongli angur dhurise.

³ Itu nimite, Jerusalem te thaka aru Judah laga manukhan; Moi aru moi laga angur bagan majote bichar kuribi. ⁴... Moi pora ki kurise itu pora arubi ki kuribo lagi thakise, kuntu Ami kura nai? Jetia moi itu te angur dhuri se na nai saise, kile itu khali jongli angur dhurise? ⁵... Itiya ami apni ke kobo ami angur bagan ke ki kiribole ase; moi ta-te bon kuri kene thaka bera hatai dibo.; Ami ituke khula jaga bonai dibo; Ami itu laga pathor bera bhangaidibo, aru itu laga uporte chepai dibo. ⁶... Ami ituke eku na ula jaga bonai dibo, aru ituke pharwa nakuribo aru ghas nakatibo. Holebi jongol ghas aru kata khan uthibo, Ami badal khan ke hokom dibo itu uporte borkhon nagiribi koikene.

⁷... Kilekoile Jehovah laga angur bagan toh Israel ghor toh ase, aru Judah laga manukhan toh tai pora khusi pora hala laga ghas khan ase; tai ki thik ase itu hobo nimite rukhise, hoilebi ta-te khali mara-mari he hoise; dharmicta nimite, hoilebi, ulta, modot nimite kanda he hoise. (ULT)

Bodli kuribole laga rastakhan

Judi extended metaphor chola laga motlob nijor bhasa te bhal pora buji pai koile, nijor bhasa te ineka cholabi. Ineka nohoi koile, kunba alag upai sabi:

1. Judi kun nimite bhasa bodli kuri ase tai khan pora noksa diya khan saikene khali itu laga motlob he bujo koile, itu te “itu nisina” kotha cholabi. Aru itu kotha likha laga ekta duita line majote rakhi bo pare.
2. Judi kun nimite bhasa bodli kuri ase tai khan pora noksa buji napabo koile, kineka bodli kurile tai khan itu noksa laga motlob bujibo ineka he kuribi.
3. Judi kun nimite bhasa bodli kuri ase tai khan pora na buje koile, ini sida kotha te likhi dibi.

Bodli kura laga rastakhan chola laga udharan khan

1. Judi kun nimite bhasa bodli kuri ase tai khan pora noksa diya khan saikene khali itu laga motlob he bujo koile, itu te “itu nisina” kotha cholabi. Aru itu kotha likha laga ekta duita line majote rakhi bo pare. Psalm 23: 1-2 sabi.

Jehovah moilaga roikhia ase; Ami eku nalagibo. ** Tai moike bhal ghas thaka jagate rukhibole diye;** ** Tai moike loija pani thaka jagate.** (ULT)

Ituke ineka bodli kuribo pare:

“Jehovah moi nimite ekta bhera roikha nisina ase, itu nimite moi eku nalagibo. nisina</> bhera roikha ekta nisina ase kun pora tai laga bhera ke hari ghas thaka khula jagate bohibole diye aru taikhan ke shanti thaka pani phale loi jai, Jehovah moike shanti pora aram kuribole modot kure.”

1. Judi kun nimite bhasa bodli kuri ase tai khan pora noksa buji napabo koile, kineka bodli kurile tai khan itu noksa laga motlob bujibo ineka he kuribi.

** Moi pora morom kura manu laga bisi bhal mati thaka pahar te ekta angur bagan asile.** ** Tai tate pharwa marise aru pathorkhan sob hatai se, aru tate sob pora bhal bijon halide.** ** Tai itu laga majote ekta rukha ghor bonaise, aru ta-te ros pisa laga jaga bonaise. ** Tai angur ghas pora guti dhuribole rukhise, hoilebi itu pora khali jongli angur dhurise. (Isaiah 5:1-2 ULT)

Ituke ineka bodli kuribo pare:

“Moi pora morom kura manu laga bisi bhal mati te thaka pahar te ekta angur laga bagan asile. Tai mati khundi se aru pathorkhan hataise, aru itu te sob pora bhal bijon halise. Tai rukha ghor itu laga majote bonaise, aru aru ta-te ekta angur ros pisi kene joma kuribole laga daba bi bonaise. Tai itu ghas guti dhuribole rukhise, hoilebi itu jongli angurhe dhurise juntu pora angur ros bonabo napare.

1. Judi kun nimite bhasa bodli kuri ase tai khan pora na buje koile, ini sida kotha te likhi dibi.

Jehovah moilaga roikhiaase; Ami eku nalagibo. (Psalm 23:1 ULT)

• “Jehovah moi ke morom kure ekta bhera roikha pora tailaga bhera ke morom kura nisina, itu nimite moi eku nalagibo.”

** Kilekoile Jehovah laga angur bagan toh Israel ghor toh ase, ** ** aru Judah laga manukhan toh tai pora khusi pora hala laga ghas khan ase;** tai ki thik ase itu hobo nimite rukhise, hoilebi ta-te khali mara-mari he hoise; dharmicta nimite, hoilebi, ulta, modot nimite kanda he hoise. (Isaiah 5:7 ULT)

Ituke ineka bodli kuribo pare: Kilekoile Jehovah laga angur bagan toh Israel ghor laga udharan ase,

aru Judah laga manukhan toh tai pora khusi pora hala laga ghas khan nisina ase; tai ki thik ase itu hobo nimite rukhise, hoilebi ta-te khali mara-mari he hoise; dharmicta nimite, hoilebi, ulta, modot nimite kanda he hoise. (ULT)

Nohoilebi

• Itu nimite kheti kura manu biya guti dhura tai laga angur ros laga bagan ke na-sa hoi jai,
• Jehovah pora Israel aru Judah ke bia pora bachai thaka toh rukhi jabo ,
• kilekoile taikhan pora ki thik ase itu nakure.
• tai ki thik ase itu hobo nimite rukhise, hoilebi ta-te khali mara-mari he hoise;
• dharmicta nimite, hoilebi, ulta, modot nimite kanda he hoise.