16 KiB
Bhal pora koidia
Cultural models ase dimag te noksa thaka khan juntu pora manu laga jibon laga kunba hisa nohoilebi manu khan kineka niom khan cholaikena thake itu buji bole para. Itu noksa khan pora amikhan ke itu khan sob bujibole modot kure. Udharan te bujibo pare, Americans bisi jinis khan te ineka bhabona kure, sadi aru dosti kura te, itukhan sob tu ekta machine nisina hoi. Tai khan ineka kobo pare, “Tai laga sadi toh bhangi ase” nohoilebi, “taikhan laga dosti to bisi jor pora age jai ase.”
Manu khan kineka niom khan cholaikena thake, nohoilebi dimag te thaka noksa khan, Baibel te thaka iyate likhi kena ase. Poila ase, Isor laga models, itu pichete manukhan laga models, aru manu laga jibon te ki hoithake itukhan ase. Sob model toh dangor akhor te likhikena ase. Kotha chola sob verse nathakibo pare, hoilebi itu kotha laga ki motlob ase itu toh thake.
Isor ke ekta MANU nisina bonaikena ase
Baibel te Isor toh manu nohoi koikena bhal pora koikena ase, hoilebi bisi bar tai toh manukhan pora ki kure itu khan nisina kuri thaka likhikena ase. Hoilebi Isor toh manu nohoe, itu nimite jetia Baibel koi Isor kotha kuri ase, amikhan itu nabhabi bo lage tai awaj ulai kena kotha koi ase. Aru jetia itu likhi kena thake tai tailaga hath pora kiba kam kuri ase koikena, amikhan itu tai laga mangso laga hath ase ineka bhabibo nalage.
Jodi amikhan laga Jehovah laga awaj hunithakile , amikhan morijabo. (Deuteronomy 5:25 ULT)
Ami ke moilaga Isor Jehovah laga hath pora takot paise (Ezra 7:28 ULT)
Isor laga hath Judah laga uporte ahise, tai khan ke ekta mon pora raja laga hokom manibole aru Jehovah laga kotha ke manibole nimite (2 Chronicles 30:12 ULT)
Itu kotha “hath” laga motlob ase Isor laga takot laga metonym ase. (See: Metonymy)
Isor ke RAJA nisina dikhaikena ase
Kilemane Isor he prithibi sob uporte Raja ase ; (Psalm 47: 7 ULT)
Kilemane rajyo toh Jehovah laga ase; Tai he dusra deshkhan uporte raj kure . (Psalm 22: 28)
Apuni laga singhason Isor, ketiabi khotom nahoa hodae nimite ase; ekta hokom laga khuri ki bhal ase itu nimite cholaithaka he apuni laga rajyo laga hokom laga khuri ase. (Psalm 45:6 ULT)
Jehovah pora ineka koi ase, “Sorgo toh moi laga singhason, aru prithibi amilaga bhori rakha jaga . (Isaiah 66:1 ULT)
Isor he sob deshkhan uporte raj kure; Isor tai laga pobitro singhason te bohi thake. manu laga dangor khan ekta jagate joma hoise Abraham laga Isor laga manukhan logote; kilekoile prithibi ke bachabole para jinis khan to Isor laga ase; tai laga nam bisi utcha hoise. (Psalm 47:8-9 ULT)
Isor ekta bhera roikha nisina aru tai laga manukhan bhera nisina dikhai ase
Jehovah ami laga bhera roikha ase ; ami aru eku nalagibo. (Psalm 23:1 ULT)
Tai laga manukhan bhera ase.
kilekoile tai amikhan laga Isor ase, aru amikhan tai laga PASTURE te thaka manukhan ase aru tai laga hath te amikhan bhera ase. (Psalm 95:7 ULT)
Tai pora tai laga manukhan ke bhera nisina rasta dikhai.
Tai pora tai laga manukhan ke bhera nisina loi jaise aru taikhan ke bhera nisina jongol majote rasta dikhaikene loi jaise. (Psalm 78:52 ULT)
Tai laga bhera khan nimite muribole bi taiyar ase.
Moi bhal mer roikhya ase, aru Moi nijor mer ke jane, aru moilaga mer khan bhi Moike jane. Jineka, Pitri Moike jane, Moi bhi Pitri ke jane, aru Moi mer karone Moi nijor jibon di ase. Aru Moilaga dusra mer bhi ase jun eitu mer-jaga te na thake. Taikhan ke bhi Moi anibolage, aru taikhan Moi laga awaz hunibo, aru tetia sob ekta mer jaga te aru mer roikhya bhi ekta te hobo. (John 10:14-15 ULT)
Isor toh ekta LORAI TE JAI THAKA MANU nisina dikhaikene ase
Jehovah ekta lorai te jai thaka manu ase ; (Exodus 15:3 ULT)
Jehovah ekta lorai te jai thaka manu nisina jabo ; tai lorai kura manu nisina agete jabo . Tai pora tai laga mon dangor kuribo. Tai jor pora hoi kobo aru tai laga dangor awaj pora lorai nimite awaj dibo ; tai pora laga dushman khan ke tailaga takot dikhabo . (Isaiah 42:13 ULT)
Apuni laga dyna hath, Jehovah, takot aru mohima ase ; apuni laga dyna hath Jehovah, pora apuni laga dushman ke bhangai dise. (Exodus 15:6 ULT)
Hoilebi Isor apuni pora taikhan ke tir pora maribo ; achanak pora taikhan apuni laga tir por jhokhom hoi jabo. (Psalm 65:7 ULT)
aru apuni pora tai khan ke wapas ghurai dibo; apuni taikhan laga agete apuni laga tir ulabo (Psalm 21:12 ULT)
Ekta cholauta ke BHERA ROIKHIA nisina aru kun khan ke tai loi jai utu khan ke BHERA nisina dikhaikena ase
“Bisi dukh ase juntu bhera roikhiakhan pora ami laga PASTURE te thaka bhera khan ke khotom kuridikene sob jagate polabole diye – itu Jehovah laga kotha ase.” (Jeremiah 23:1 ULT)Tetia Israel laga jati khan sob Hebron te David laga ghor te ahise aru koise, “Sabi… jetia Saul amikhan uporte raj kurithakise, apuni pora he Israel laga sipoi khan ke age loi jaise. Jehovah pora apuni ke koise, ‘apuni he amilaga manu Israel laga roikhia hobo, aru ek din apuni he Israel uporte cholauta kobo.’ ” (2 Samuel 5:1-2 ULT)
Itu karone apunikhan nijor bhi sai thakibi, aru Pobitro Atma he apunikhan ke saai thakibole dia utu ke bhi hoshiar hobo dibi. Hosiar pora roikhaia Isortai nijor bacha khoon para kini rakhise, utu girja ke roikhya koribi. Kelemane moi jani ase moi juwa pichete jungli kara-kukur apuni majote ahibo, aru utu khan apuni bisi thaka khan ke na charibo . Aru apuni nijor bhitor parabhi missa koa ulaabo aru biswasi khan ke taikhan phale kori loi lobo. (Acts 20:28-30 ULT)
Suku ke SAKHI nisina dikhaise
Itu nisina alag-alag bisi likha ase, aru BIA SUKU laga kotha prithibi laga bisi jagate te jani ase. Baibel te bhi itu models khan te itukotha khan pabo:
Manu khan kiba jinis dikhe, utu usorte ujala thaka nimite nohoi, hoilebi taikhan laga suku te thaka ujala pora utu jinis uporte ahija nimite ase.
Suku tu apuni laga gao te sakhi ase. Etu nimite, jetia apuni laga suku tu thik thakibo, apuni laga gaw te bi pura ujala hobo. (Matthew 6:22 ULT)
Suku te thaka ujala chomki thaka toh utu manu laga niom koi diye.
bia manu khan bia kuribole bhuk laga thake; tai laga ghor usorte thaka manu pora tai laga suku te eku morom nadikhe . (Proverbs 21:10 ULT)
Suku joli thaka aru gali dia ke BIA SUKU pora manuke sai ase koikena dikhai ase, aru bhal nimite kam kura toh BHAL SUKU pora kunba ke sai ase dikhai ase.
Kun manu logote bia suku ase tailaga bhabona te hinsa ase. Greek bhasa pora “hinsa” Mark 7 te “suku” ineka bodli kurikene ase, juntu ke bisi manu pora itu toh bia suku ase koi ase.
Tai koise, “Aru Tai koise, ki mon para ulai, eitu he manu ke letra kori diye. Kelemane manu laga mon para beya bhabna…, suku jola …. (Mark 7:20-22 ULT)
Matthew 20: 15 laga kotha te suku jola laga bhabona koi kena ase. “Apuni laga suku bia ase naki?” motlob ase “Apuni suku joli ase naki?”
Itu niom nohoe amilaga ki ase itu para ami ki khusi itu he koribo? Na apuni suku juli ase, kilekoile ami bhal ase? (Matthew 20:15 ULT)
Judi ekjon laga suku bia ase koile, utu manu toh dusra manu laga dhon sai kena suku jole.
Suku tu apuni laga gao te sakhi nisena ase. Etu nimite, jitia apuni laga suku tu thik thakibo , apuni laga gao te bi pura ujala hobo. Kintu jetia apuni laga suku tu letera thakibo , apuni laga pura gao bi letera thakibo. Etu nimite, juntu ujala apuni bhitor te thaka tu andhera ase koile, etu andhar tu kiman bi dangor ase! Kun manu bi duita malik ke seva kuribo naparibo, kile koile tai ekta malik ke morom kuribo aru ekta malik ke ghin kuribo pare, nohoile bi ekjon ke mon dibo aru ekjon ke mon nadibo. Apni Isor aru dhon ke seva kuribo naparibo. Apuni Isor aru dhon sampoti duita ke bhi seva kuribo naparibo. (Matthew 6:22-24 ULT)
Kun manu suku joli thake tai dusra ke bia suku pora saikene he shrap nohoilebi kiba bia jadu kuridibo pare.
Galatians laga okora manu khan, kun laga bia chuku pora apunikhan ke bia kurise? (Galatians 3:1 ULT)
Kun manu laga suku bhal ase tai ini sai kene he dusra kea sis dibo pare.
Judi ami apuni laga suku te apuni laga monjuri paise koile…(1 Samuel 27:5 ULT)
Jibon to KHOON nisina dikhaikene ase
Itu laga model te manu aru janwar laga khoon laga motlob ase jibon.
Hoilebi tumi jibon thaka laga mangso nakhabolage– itu motlob janwar laga khoon thaka mangso nakhabo lage. (Genesis 9:4 ULT)
Judi khoon phelai ase koile, itu laga motlob ase kunba manu ke muraidise.
kun pora manu laga khoon bahabo , dusra manu pora he tai laga khoon baha bo , (Genesis 9:6 ULT)
Ineka pora, jetai tok kun pora manu ke moraidise taike sabha laga agete khara nakura tok, tai pora morai dia laga khoon bahaidia laga bodla loa manu laga hath pora namuribo. (Joshua 20:9 ULT)
Judi khoon kandi ase, itu laga motlob ase kun ke moraidise tai laga bodla lobole khoon kandi ase. (Itu te khoon he manu ekta nisina dikhaiase, kile mane ekta manu pora kanda nisina khoon kandi ase. SaboPersonification )
Jehovah koise, “Apuni ki kurise? apuni laga bhai laga khoon mati te gira toh kandikene moike mati ase . (Genesis 4:10 ULT)
Ekta desh ke MAIKI nisina dikhaise, aru itu laga isorkhan tai laga MOTA nisina dikhaise.
Aru ineka hoise, Gideon murija logote, Israel laga manukhan arubi pap rasta te ghurai jaise aru nijor bisi bia kam kurise aru Baal ke puja kuri jaise. Taikhan Baal Berith ke taikhan laga isor banai loise. (Judges 8:33 ULT)
Israel laga desh ke ISOR LAGA PUTRO nisina dikhaise.
Jetia Israel ekta jawan chokora asile Ami taike morom thakise, aru Ami pora Moi laga putro ke Egypt desh pora bahar te ulaise. (Hosea 11:1 ULT)
Suraj ke EKTA JIBON THAKA JINIS JUN RATI TE BORTON EKTA BHITORTE THAKA nisina dikhaise.
Hoilebi pura prithibi te taikhan laga kotha jaise aru tai khan pora koa kotha khan prithibi laga kinar tok jaise. Tai pora suraj nimite apuni majote ekta tripol ghor uthaise. Aru suraj toh ekta shadi kuribole thaka mota pora tai laga kamra bahar ulaithaka nisina dikhai ase aru ekta takot thaka manu pora khusi pora polai thaka te jita nisina ase. (Psalm 19:4-5 ULT)
Psalm 110 te phojir te suraj naula agete peth bhitorte thaka nisina dikhaise.
peth bhitor pora apuni laga jowan shuru hobo, phojir laga pani nisina. (Psalm 110:3 ULT)
kuntu jinis khan bisi joldi jabo pare itukan ke PANKHI thaka nisina dikahise.
Kuntu jinis hawa aru khula akash te berai thaka taikhan nimite itu hosa kotha ase.
Suraj laga pankhi thaka nisina dikhai ase, aru itu pora tai din-te purab pora dakshin phale ‘uribole’ pare. Psalm 139 te, “phojir laga pankhi” laga motlob ase suraj. Malachi 4 te Isor pora Tai nijor ke “dharmikta laga suraj” matise aru Tai koise suraj laga pankhi ase.
Judi Ami phojir laga pankhi te uri jai aru samundar par kurikena dur jagate thaki jai… (Psalm 139:9 ULT)
Hoilebi tumi jun Moi laga nam ke bhoe kure, dharmikta laga suraj tai nimite uthibo, tai laga pankhi te changai loikene. (Malachi 4:2 ULT)
Hawa bisi joldi polai thake aru tailaga pankhi thaka nisina dikhai ase
Tai hawa laga pankhi te uri thaka dikhise . (2 Sam. 22:11 ULT)
Tai cherub laga uporte bohikene uri jaise; Tai hawa laga pankhi te urikene jaise. (Psalm 18:10 ULT)
apuni hawa laga pankhi te berai thake (Psalm 104:3 ULT)
LAB NATHAKA kam/jinis toh HAWA pora loija nisina dikhai ase.
Itu model te, ki bosti/jinis laga eku lab nai itukhan ke hawa pora loi jai aru nathaki jai.
Psalm 1 aru Job 27 te bia manu khan kam nai aru tai khan bisi deri jinda nathakibo koikene dikhai ase.
bia manu khan ineka nohoi, Hoilebi ulta taikhan hawa pora loija dhan chamara nisina ase . (Psalm 1:4 ULT)
purab laga hawa pora taike uthaikene loijai aru tai jai jai; tai laga jaga pora uthai loi jai. (Job 27:21 ULT)
Ecclesiastes likha pora koise sob eku lab nai.
hawa laga pani nisina , ekta thanda hawa nisina , sob harai jai, bisi kotha hutibole charikena. Manu khan bisi dukh kurikena bisi dhup te kam kura laga ki lab ase? (Ecclesiastes 1:2-3 ULT)
Job 31: 15 te Job laga sonman aru tai laga saman sob nathaka hoise koikene kandi thaka likhi kene ase.
Ami phale bhoi kuribole pothai ase; amilaga sonman toh hawa pora khetai loi ja ninina ase ; moi laga saman khan sob ekta badal ke hawa pora loi ja nisina hoise. (Job 30:15 ULT)
Manukhan lorai kura toh ISORKHAN LORAI kura nisina dikhaiase.
Jetai duita desh majote lorai hoi thake, tetia manu khan biswas kuri thakise itu desh laga isorkhan bi lorai kuri ase koikene.
Itu ineka he hoise jetia Egypt manukhan thaikhan laga dangor chokorakha murija ke kobor di thaikise, kun Jehovah pora apuni khan majote moraidise, kilekoile Tai pora taikhan laga isorkhan ke bhi sajai dise. (Numbers 33:4 ULT)
Aru dusra kun desh apuni laga manu Israel nisina ase, prithibi te thaka ekta desh, juntu, Isor jaikene nijor nimite bachailoise?... Apuni pora deshkhan aru taikhan laga isorkhan ke apuni laga manu age pora khetai dise, kunkhan ke Apuni Egypt pora bachaise. (2 Samuel 7:23 ULT)
Aram laga raja pora taike koise, “ taikhan laga isor toh pahar laga isor ase. Itu nimite taikhan toh amikhan pora bisi takot ase. hoilebi itia amikhan taikhan logote sida mati te lorai kuribo, aru ki hoilebi amikhan he taikhan pora bisi takot thakibo.” (1 Kings 20:23 ULT)
jibon laga dukh-digdar ke BERA nisina dikhai ase.
Nichete thaka shabd asol bera khan laga kotha koa nai hoilebi jibon te dukh thaka aru dukh nathaka laga kotha koi ase.
Tai pora ekta bera bonaikene amike bon kurise, aru moi polabole napare. Tai pora moi laga theng te bhari loha laga rosi pora bandidise. (Lamentations 3:7 ULT)
Tai pora amilaga rasta ke bhanga pathor laga bera pora bon kuridise; moi ja rasta sob tera ase. (Lamentations 3:9 ULT)
naph kuri thaka line ami bhal poa jagate ami nimite rakhi dise. (Psalm 16:6 ULT)
Khatarnak jaga khan ke BISI CHUTU JAGAKHAN ineka dikhai ase
Psalm 4 te David pora Isor ke taike bachabi koise.
Amike jawab dibi jetia moi matibo, moilaga dharmikta laga Isor; amike jaga dibi jetia ami apuni usorte ahe . amike daya dikhabi aru ami laga prathna hunibi. (Psalm 4:1 ULT)
Bisi mon dukh laga somoi ke JONGOL nisina dikhai ase
Jetia Job laga jibon te mon dukh hobole bisi lok paise, tai ekta jongol te thaka nisina laga kotha koise. Jongli-kuta janwar aru ostrich jongol te thaka janwarkhan ase
Ami laga mon bisi dukh hoi ase aru aram nohoi; dukh laga din moi uporte ahise. Moi laga chamara kala hoikene bahar jai ase hoilebi shup nimite nohoi; Moi sabha te khara kurikene modot nimite kandi ase. Moi jongli kuta janwar laga bhai ase, ostrich chiriya laga sathi ase .(Job 30:27-29 ULT)
Sob bhal ase koa toh GAW SAPHATHAKA aru bia toh GAW LETERA thaka nisina dikhaise.
Leprosy ekta bis bemar ase. Judi ekta manu itu bemar hoise koile, tai toh letera ase koi thake.
Sabi, ekjon leprosy bimar thaka manu Tai laga usorte ahi se aru Tai agete matha jukhi kena, eneka koise,"Prabhu, Apni icha ase koile, apuni moike sapa kuribole paribo ." Jisu tai osorte jai kena tai ke choi kena, koise,"Moi laga icha ase. Sapha hobi." Aru tai loge-loge tai laga bimar para sapha hoi jaise.
Ekta “letera atma” koa toh bia atma koi ase.
jetai ekta bia atma ekta manu laga gaw pora jai jai, tai pani nathaka jaga par kurikene jai aru aram kuribole bisare, hoilebi itu napai. (Matthew 12:43 ULT)