3.2 KiB
Khobor
Avataar baashan laga noksa ase kunto te kunuba jun kiba laga kotha koise eitu bosto khan ke koribole para nisina junto janwar khan nohoile manuh koribole pare. Manuh bisi bak eitu korise kelemane eitu bosto khan laga kotha kobole asan bonaise junto amikhan sabole:
Junto ase budhi:
Budhi namatei? (Proverbs 8:1 ULT)
Nohoile paap:
paap duarja te jhukei (Genesis 4:7 ULT)
Manuh bhi eitu kore keleman eitu ketiaba asan ase manuh laga sonban laga kotha kobole manuh-nohoa laga bosto khan logote, junto ase dhun, taikhan manuh laga majote sonban thaka nisina.
Tumi Isor aru dhun ke seva koribole napare. (Matthew 6:24 ULT)
Karaan khan eitu ekta anuvad laga samasya ase
- Kunuba basa khan avataar ke nacholai
- Kunuba basa khan avataar ke khali kunuba halat khan te cholaise.
Udahran khan Bible pora
Tumi Isor aru dhun ke cholabole napare. (Matthew 6:24 ULT)
Jisu dhun laga kotha koise eitu ekta guru nisina kunke manuh seva koribo. Poisa ke morom kora aru ekta laga bhabona te thaka laga eitu ekta daas nisina tar laga guru ke seva kora.
Budhi namatei? Bojibole tarr laga awas nauthai? (Proverbs 8:1 ULT)
Likha manuh budhi aru bojibole laga kotha koise eitu ekta maiki nisina kun matise manuh ke shikabole. Eitu mane junto taikhan kiba lokhai thaka nohoi, hoilebi kiba thik ase junto manuh mon dibole lage.
Anuvad laga Samaarik
Jodi avataar ke safa pora bojibo, eitu ke cholabole bhabona koribi. Jodi eitu ke nabojei, yate kunuba dusra rasta khan ase eitu ke anuvad koribole.
- Kotha khan nohoile shabh khna ke halibi eitu ke safa bonabole.
- Kotha khan ke cholabi junto ase “eneka” nohoile “nisina” dikhabole junto kotha khan bojibole nohoi.
- Ekta rasta bisaribi avataar nathakena anuvad koribole.
Anuvad Samaarik Halideya laga Udahran khan
- Kotha khan nohoile shabh khna ke halibi eitu ke safa bonabole.
- … paapduarja te jhukei (Genesis 4:7 ULT)- Isor paap laga kotha koise ekta jongoli janwar nisina junto hamla pora moka bisari ase. Eitu dikhaise paap keman khartarnak ase. Eta halideya shabh ke halibole pare eitu ke khatra safa bonabole.
- … paaptumar duarja te, tumike hamla koribole rokhi thaka
- Kotha khan ke cholabi junto ase “eneka” nohoile “nisina” dikhabole junto kotha khan bojibole nohoi.
- …paap duarja te jhukei (Genesis 4:7 ULT)- Eitu ke kotha “nisina” anuvad koribole pare.
- …paap duarja te jhuki ase, ekta jongoli janwar ekta manuh ke hamla koribole rokhi thaka nisina.
- Ekta rasta bisaribi eitu avataar nathakena anuvad koribole.
- …hawa khan aru samundar tai laga kotha manise (Matthew 8:27 ULT)- Manuh “hawa aru samundar laga kotha koise taikhan hunibole para nisina” aru Jisu laga kotha manise manuh kora nisina. Eitu ke bhi anuvad koribole pare kotha mana laga bhabona nathakena Jisu pora taikhan ke hukum te rakha laga kotha koa laga.
- Taihawa khan aru samundar ke hukum te rakhise.
Likha khan: Amikhan moikhan laga “avataar” laga paribasa ke dangor korise “zoomorphism” ke halibole (dusra bosto khan laga kotha koise taikhan janwar laga charitr nisina) aru “anthropomorphism” (manuh-nohoa bosto khan laga kotha koa taikhan manuh laga charitr nisina.)