5.7 KiB
5.7 KiB
इसहाक
तथ्यहरूः
इसहाक अब्राहाम र साराका एक मात्र छोरो थिए । तिनीहरू धेरै वृद्धवृद्धा भइसकेका भए तापनि परमेश्वरले तिनीहरूलाई एउटा छोरो दिने प्रतिज्ञा गर्नुभएको थियो ।
- “इसहाक” नाउँको अर्थ “ऊ हाँस्छ” हुन्छ । साराले एउटा छोरो जन्माउछिन् भनी परमेश्वरले अब्राहामलाई बताउनुहुँदा अब्राहाम हाँसेका थिए, किनकि तिनीहरू दुवै जना निकै वृद्ध भइसकेका थिए । केही समयपश्चात् यो खबर सुन्दा सारा पनि हाँसिन् ।
- तर परमेश्वरले आफ्नो प्रतिज्ञा पूरा गर्नुभयो, अनि अब्राहाम र साराले आफ्नो बुढेस्कालमा इसहाक जन्माए ।
- परमेश्वरले अब्राहामसँग बाँध्नुभएको करार इसहाक र तिनका सन्तानहरूका निम्ति पनि सदासर्वदा रहनेछ भनी परमेश्वरले अब्राहामलाई बताउनुभयो ।
- इसहाक जवान भएपछि तिनको बलिदान गर्न आज्ञा गरेर परमेश्वरले अब्राहामको विश्वासको जाँच गर्नुभयो ।
- इसहाकका छोरा याकूबका बाह्र जना छोरा थिए, जोपछि इस्राएल जातिका बाह्र कुल बने ।
(अनुवादका निम्ति सुझावहरू: नामहरू कसरी अनुवाद गर्ने)
(यो पनि हेर्नुहोस्: अब्राहाम, सन्तान, अनन्तता, पूरा हुनु, याकूब, सारा, इस्राएलका बाह्र कुल)
बाइबलका सन्दर्भहरूः
- गलाती ४ः२८-२९
- उत्पत्ति २५ः९-११
- उत्पत्ति २५ः१९
- उत्पत्ति २६ः१
- उत्पत्ति २६ः८
- उत्पत्ति २८ः१-२
- उत्पत्ति ३१ः१८
- मत्ती ८ः११-१३
- मत्ती २२ः३२
बाइबलका कथाहरूबाट लिइएका उदाहरणहरूः
- ५ः४ “तिम्री पत्नी साराईले एउटा छोरा जन्माउनेछिन्, जो प्रतिज्ञाको छोरा हुने छ । तिनको नाउँ इसहाक राख्नू ।”
- ५ः६ इसहाक जवान भएपछि परमेश्वरले यसो भन्दै अब्राहामको जाँच गर्नुभयो, “तिम्रा एक मात्र छोरा __इसहाक__लाई लिएर जाऊ र तिनलाई मेरो निम्ति बलिदानस्वरूप चढाऊ ।”
- ५ः९ परमेश्वरले __इसहाक__को सट्टामा बलिदानको लागि भेडा उपलब्ध गराउनुभयो ।
- ६ः१ अब्राहाम निकै वृद्ध भएपछि र उनका छोरा इसहाक जवान भएपछि अब्राहामका पुत्र __इसहाक__को निम्ति पत्नी खोज्न तिनले आफ्नो एक जना नोकरलाई आफ्ना आफन्तहरू बसेको देशमा पठाए ।
- ६ः५ __इसहाक__ले रिबेकाको निम्ति प्रार्थना गरे, र परमेश्वरले उनलाई जुम्ल्याहासहित गर्भवती बन्ने तुल्याउनुभयो ।
- ७ः१० त्यसपछि इसहाक मरे, अनि याकूब र एसावले तिनलाई गाडे । परमेश्वरले अब्राहाम अनि त्यसपछि __इसहाक__सित गर्नुभएका प्रतिज्ञाहरू अब याकूबमा सरे ।
शब्द तथ्याङ्क:
- Strong’s: H3327, H3446, G24640