7.0 KiB
7.0 KiB
ଦକ୍ଷିଣ ହସ୍ତ
ପରିଭାଷା:
“ଦକ୍ଷିଣ ହସ୍ତ” ଶବ୍ଦଟି ଜଣେ ବ୍ୟକ୍ତିର ଶରୀରର ଡାହାଣ ହାତକୁ ବୁଝାଏ । ବାଇବେଲରେ, ଏହି ଶବ୍ଦଟି ଶରୀରର ଅନ୍ୟ ଅଂଶକୁ ଜଣେ ବ୍ୟକ୍ତିର ଡାହାଣ ପାର୍ଶ୍ୱରେ, ଜଣେ ବ୍ୟକ୍ତିର ଡାହାଣ ଦିଗକୁ, ଦକ୍ଷିଣ ଦିଗକୁ କିମ୍ବା ଶାସକଙ୍କ ଡାହାଣ ପାର୍ଶ୍ୱରେ ସମ୍ମାନ କିମ୍ବା ଶକ୍ତି ସ୍ଥାନକୁ, କିମ୍ବା ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ବ୍ୟକ୍ତି ଦର୍ଶାଇବାକୁ ପ୍ରାୟତଃ ସାଙ୍କେତିକ ଭାବରେ ବ୍ୟବହୃତ ହୁଏ I
- ଦକ୍ଷିଣ ହସ୍ତ କ୍ଷମତା, ଅଧିକାର, ବା ଶକ୍ତିର ପ୍ରତୀକ ଭାବରେ ବ୍ୟବହୃତ ହୋଇପାରେ I
- ବାଇବେଲ ବର୍ଣ୍ଣନା କରେ ଯେ ଯୀଶୁ ବିଶ୍ୱାସୀମାନଙ୍କର ଶରୀରରୂପ ମଣ୍ଡଳୀର ମସ୍ତକ ଭାବରେ ପିତା ଈଶ୍ୱରଙ୍କ “ଦକ୍ଷିଣ ପାର୍ଶ୍ୱରେ” ଉପବେଶନ କରିଅଛନ୍ତି ଏବଂ ସମସ୍ତ ସୃଷ୍ଟିକୁ ନୀୟନ୍ତ୍ରଣାଧିନ କରୁଛନ୍ତି I
- ସାଧାରଣତଃ ଜଣେ ବ୍ୟକ୍ତିର ଦକ୍ଷିଣ ହସ୍ତ ବିଶେଷ ସମ୍ମାନକୁ ଦର୍ଶାଇଥାଏ, ଯେତେବେଳେ ତାହା ଜଣକର ମସ୍ତକ ଉପରେ ଆଶୀର୍ବାଦ ଭାବରେ ରଖାଯାଏ (ଯେପରି ପିତୃପୁରୁଷ ଯାକୁବ ଯୋଷେଫଙ୍କ ପୁତ୍ର ଇଫ୍ରୟିମଙ୍କୁ ଆଶୀର୍ବାଦ କଲେ) I
- ଜଣକର “ଦକ୍ଷିଣ ପାର୍ଶ୍ୱରେ” ରହି ସେବା କରିବା ଅର୍ଥ, ସେହି ବ୍ୟକ୍ତି ପ୍ରତି ତାହାର ସେବା ବିଶେଷ ଭାବରେ ସାହାଯ୍ୟକାରୀ ଏବଂ ମହତ୍ଵପୂର୍ଣ୍ଣ ଅଟେ ବୋଲି ବୁଝାଏ I
ଅନୁବାଦ ପ୍ରସ୍ତାବଗୁଡ଼ିକ:
- ବେଳେବେଳେ “ଦକ୍ଷିଣ ହସ୍ତ” ଶବ୍ଦ ଆକ୍ଷରିକ ଭାବରେ ଜଣେ ବ୍ୟକ୍ତିର ଦକ୍ଷିଣ ହସ୍ତକୁ ସୂଚାଏ, ଠିକ ଯେପରି ରୋମୀୟ ସୈନ୍ୟମାନେ ପରିହାସ କରିବା ନିମନ୍ତେ ଯୀଶୁଙ୍କ ଦକ୍ଷିଣ ହସ୍ତରେ ଗୋଟିଏ ଦଣ୍ଡ ଧରାଇ ଦେଲେ I ଯେଉଁ ଶବ୍ଦକୁ ସ୍ଥାନୀୟ ଭାଷା ଏହି ହସ୍ତକୁ ସୂଚାଇବା ପାଇଁ ବ୍ୟବହାର କରେ ସେହି ଶବ୍ଦକୁ ବ୍ୟବହାର କରି ଅନୁବାଦ କରାଯିବା ଉଚିତ I
- ଆଳଙ୍କାରିକ ବ୍ୟବହାର ସମ୍ପର୍କରେ, ଯଦି ଏକ ଅଭିବ୍ୟକ୍ତି ଏହି ଶବ୍ଦ “ଦକ୍ଷିଣ ହସ୍ତ” ଅନ୍ତର୍ଭୁକ୍ତ କରେ ଏବଂ ତାହା ସ୍ଥାନୀୟ ଭାଷାରେ ସମାନ ଅର୍ଥବୋଧକ ନୁହେଁ, ତେବେ ବିଚାର କରନ୍ତୁ ଯେ, ସେହି ଭାଷାରେ ସେହି ଅର୍ଥକୁ ପ୍ରକାଶ କରୁଥିବା ଭିନ୍ନ ଅଭିବ୍ୟକ୍ତି କିମ୍ବା ଶବ୍ଦ ଅଛି କି ନାହିଁ I
- “ଦକ୍ଷିଣ ହସ୍ତରେ” ଅଭିବ୍ୟକ୍ତିକୁ “ଦକ୍ଷିଣ ପାଖରେ” କିମ୍ବା “ସମ୍ମାନର ସ୍ଥାନ ପାଖରେ” କିମ୍ବା “ଶକ୍ତିର ପଦବୀରେ” କିମ୍ବା “ସାହାଯ୍ୟ କରିବା ନିମନ୍ତେ ପ୍ରସ୍ତୁତ” ବୋଲି ଅନୁବାଦ କରାଯାଇପାରେ I
- “ତାହାଙ୍କ ଦକ୍ଷିଣ ହସ୍ତ ସହ” ବକ୍ୟାଂଶକୁ “ଅଧିକାର ସହ” କିମ୍ବା “ଶକ୍ତି ପ୍ରୟୋଗ କରି” କିମ୍ବା “ତାହାଙ୍କର ଆଶ୍ଚର୍ଯ୍ୟ ଶକ୍ତି ସହ” ବୋଲି ଅନୁବାଦ କରାଯାଇପାରେ I
- “ତାହାଙ୍କର ଦକ୍ଷିଣ ହସ୍ତ ଏବଂ ତାହାଙ୍କ ପରାକ୍ରମୀ ବାହୁ” ର ଆଳଙ୍କାରିକ ଅଭିବ୍ୟକ୍ତି ଈଶ୍ୱରଙ୍କ କ୍ଷମତା ଏବଂ ମହାନ ଶକ୍ତିକୁ ଦୁଇ ପ୍ରକାରେ ଗୁରୁତ୍ୱ ଦେବା କ୍ଷେତ୍ରରେ ବ୍ୟବହାର ହୁଏ I ଏହି ଅଭିବ୍ୟକ୍ତିକୁ “ତାଙ୍କର ଆଶ୍ଚର୍ଯ୍ୟଜନକ ଶକ୍ତି ଏବଂ ମହାନ ପରାକ୍ରମ” ବୋଲି ଅନୁବାଦ କରାଯାଇପାରେ । (ସମାନ୍ତରାଳ: ଦେଖନ୍ତୁ)
- “ସେମାନଙ୍କ ଦକ୍ଷିଣ ହସ୍ତ ମିଥ୍ୟାଅଟେ” ଅଭିବ୍ୟକ୍ତିକୁ “ଏପରିକି ସେମାନଙ୍କ ସମ୍ପର୍କରେ ଅତିଶୟ ସମ୍ମାନଜନକ ବିଷୟ ମିଥ୍ୟାଗୁଡ଼ିକ ଦ୍ୱାରା କଳୁଷିତ ବା ଭ୍ରଷ୍ଟ ହୋଇଛି” କିମ୍ବା “ସେମାନଙ୍କ ସମ୍ମାନର ସ୍ଥାନ ପ୍ରତାରଣା ଦ୍ୱାରା ଭ୍ରଷ୍ଟ ବା ଦୁଷିତ ହୋଇଅଛି” କିମ୍ବା “ସେମାନେ ଆପଣାମାନଙ୍କୁ ଶକ୍ତିଶାଳୀ କରିବା ନିମନ୍ତେ ମିଥ୍ୟାର ଆଶ୍ରୟ ନିଅନ୍ତି” ବୋଲି ଅନୁବାଦ କରାଯାଇପାରେ I
(ଅଭିଯୋଗ, ମନ୍ଦ, ସମ୍ମାନ, ପରାକ୍ରମୀ, ଦଣ୍ଡ ଦେବା, ବିଦ୍ରୋହ: ଦେଖନ୍ତୁ)
ବାଇବେଲ ପଦପର୍ବ:
- ପ୍ରେରିତ 2:33
- କଲସୀୟ 3:1
- ଗାଲାତୀୟ 2:9
- ଆଦିପୁସ୍ତକ 48:14
- ଏବ୍ରୀ 10:12
- ବିଳାପ ଗୀତ 2:3
- ମାଥିଉ 25: 33
- ମାଥିଉ 26:64
- ଗୀତସଂହିତା 44:3
- ପ୍ରକାଶିତ ବାକ୍ୟ 2: 1-2
ଶବ୍ଦବିନ୍ୟାସ :
- Strong’s: H3225, H3231, H3233, G11880