3.8 KiB
3.8 KiB
लेवी, लेवीहरू
तथ्यहरूः
लेवी याकूबका साइँलो छोरो थिए । तिनी लेआका साइँलो छोरो थिए । तिनका सन्तानहरू इस्राएका कुलहरूमध्ये एक भए ।
- तिनका सन्तानहरूलाई "लेवी कुल" वा "लेवीहरू" भनेर चिनिन्थ्यो ।
- लेवी नाम हिब्रू शब्द "सगँ जोडिनु"सँग मिल्दोजुल्दो छ ।
- अन्य कुलहरूजस्तो, लेवी कुलले कनानमा एकिकृत भूमिको उत्तराधिकार पाएनन् । बरु, तिनीहरूले अन्य जातिहरूका क्षेत्रहरूमा छरिएका विभिन्न सहरहरू पाए ।
- लेवीको कुलले पवित्र वासस्थान (र पछि, मन्दिर) को हेरचाह गर्न र इस्राएली मानिसहरूको लागि बलिदान चढाउने र प्रार्थनाहरू गर्ने लगायतका धार्मिक विधिहरू संचालन गर्न जिम्मेवार थियो ।
- पुरानो करारमा, "लेवी" शब्दले सामान्यतया लेवीको वंशलाई जनाउँछ वा विशेष गरी मन्दिरमा पुजारीहरूलाई मदत गर्ने व्यक्तिलाई जनाउँछ भन्ने सदैव स्पष्ट छैन ।
- परानो करारको व्यवस्थाले ठहराएअनुसार सबै पुजारीहरू लेवी कुलबाट छान्नुपर्थ्यो । लेवी पुजारीहरूलाई मन्दिरमा परमेश्वरको सेवा गर्ने विशेष कामको लागि अलग र अर्पण गरिन्थ्यो ।
- "लेवी" नाम गरेको अरू दुई जना मानिस येशूका पुर्खाहरू थिए । तिनीहरूका नामहरू लूकाको सुसमाचारको पुस्तकको वंशावलीमा उल्लेख गरिएका छन् ।
- येशूका चेला मत्तीलाई पनि लेवी पनि भनिन्थ्यो ।
(यो पनि हेर्नुहोस्: इस्राएलका बाह्र कुलहरू, पुजारी, बलि, मन्दिर, याकूब, लेआ, मत्ती)
बाइबलका सन्दर्भहरूः
शब्द तथ्याङ्क:
- Strong’s: H3878, H3879, H3881, G30170, G30180, G30190, G30200