5.2 KiB
5.2 KiB
यहूदा इस्करियोत
तथ्यहरूः
यहूदा इस्करियोत येशूका बाह्र जना प्रेरितमध्ये एक थियो । येशूलाई विश्वासघात गरेर यहूदी अगुवाहरूकहाँ सुम्पिने त्यही नै थियो ।
- “इस्करियोत” नाउँको अर्थ “करियोतबाट वा को” हुन सक्छ, सायद यसले यहूदा त्यो सहरमा हुर्केका थिए भन्ने दर्शारहेको छ ।
- यहूदा इस्करियोतले प्रेरितहरूको रुपियाँ-पैसाको बन्दोवस्त गर्थ्यो र त्यसबाट आफ्नो निम्ति प्रयोग गर्न नियमित रूपमा चोर्ने गर्थ्यो ।
- येशू कहाँ हुनुहुन्थ्यो भनी धार्मिक अगुवाहरूलाई जानकारी गराएर यहूदाले येशूलाई धोका दियो ताकि तिनीहरूले उहाँलाई पक्रनु सकून् ।
- धार्मिक अगुवाहरूले येशूलाई मृत्युदण्ड दिएपछि येशूलाई धोका दिएकोमा यहूदाले पछुतो लाग्यो, त्यसैले, त्यसले विश्वासघातको रुपियाँ-पैसा यहूदी अगुवाहरूलाई दियो आत्महत्या गर्यो ।
- येशूका अन्य प्रेरितहरूमध्ये एक जना याकूबका छोरा यहूदा थिए । उनी यहूदा इस्करियोत होइनन् ।
- येशूको एक जना भाईको नाउँ पनि यहूदा थियो । पछि उनी "यहूदा" भनेर चिनिए । उनी पनि यहूदा इस्करियोत थिएनन् ।
(अनुवादका निम्ति सुझावहरू: नाहरू अनुवाद गर्नु)
(यो पनि हेर्नुहोस्: प्रेरित, विश्वासघात गर्नु, यहूदी अगुवाहरू, याकूबका छोरा यहूदा)
बाइबलका सन्दर्भहरूः
बाइबलका कथाहरूबाट लिइएका उदाहरणहरूः
- ३८ः२ येशूका चेलाहरूमध्ये एक जनाको नाउँ यहूदा थियो । … येशू र चेलाहरू यरूशलेम आइपुगेपछि यहूदा यहूदी अगुवाहरूकहाँ गयो र रुपियाँ-पैसा पाउने सर्तमा त्यसले येशूलाई धोका दिने प्रस्ताव राख्यो ।
- ३८ः३ प्रधान पूजाहारीद्वारा नेतृत्व गरिएका यहूदी अगुवाहरूले येशूलाई धोका दिन __यहूदा__लाई चाँदीका तिस टुक्रा दिए ।
- ३८ः१४ यहूदा यहूदी अगुवाहरू, सिपाहीहरू र ठुलो भिड लिएर आयो । तिनीहरू सबैले तरवार र लाठाहरू बोकेका थिए । यहूदा येशूकहाँ र भन्यो, “गुरुज्यू, अभिवादन !” र त्यसले उहाँलाई चुम्बन गर्यो ।
- ३९ः८ त्यति नै खेर धोकेबाज __यहूदा__ले यहूदी अगुवाहरूले येशूलाई मृत्युदण्डको लागि सुम्पिएको देख्यो । त्यो शोकाकुल भयो अनि गएर त्यसले आत्महत्या गर्यो ।
शब्द तथ्याङ्क:
- Strong’s: G24550, G24690