5.7 KiB

Raw Permalink Blame History

ಸೃಷ್ಟಿಸು, ಸೃಷ್ಟಿಸಲ್ಪಟ್ಟ, ಸೃಷ್ಟಿ, ಸೃಷ್ಟಿಕರ್ತ

ಪದದ ಅರ್ಥವಿವರಣೆ:

“ಸೃಷ್ಟಿಸು” ಎನ್ನುವ ಪದಕ್ಕೆ ಏನನ್ನಾದರೂ ಮಾಡುವುದು ಅಥವಾ ಏನಾದರು ಉಂಟುಮಾಡುವುದು ಎಂದು ಅರ್ಥ. ಏನಾದರು ಸೃಷ್ಟಿಸಲ್ಪಟ್ಟಿದ್ದರೆ ಅದನ್ನು “ಸೃಷ್ಟಿ” ಎಂದು ಕರೆಯುತ್ತಾರೆ. ದೇವರನ್ನು “ಸೃಷ್ಟಿಕರ್ತ” ಎಂದು ಕರೆಯುತ್ತಾರೆ ಯಾಕಂದರೆ ಈ ವಿಶ್ವವನ್ನೆಲ್ಲ ಅಸ್ತಿತ್ವಕ್ಕೆ ಬರುವಂತೆ ಆತನೇ ಮಾಡಿದ್ದಾನೆ.

ದೇವರು ಲೋಕವನ್ನು ಸೃಷ್ಟಿಸಿದ್ದಾನೆ ಎಂದು ಸೂಚಿಸಲು ಈ ಪದವನ್ನು ಉಪಯೋಗಿಸಿದರೆ, ಆತನು ಶೂನ್ಯದಿಂದ ಅದನ್ನು ಮಾಡಿದ್ದಾನೆ ಎಂದು ಅದು ಅರ್ಥನೀಡುತ್ತದೆ.
ಮನುಷ್ಯರು ಏನಾದರು “ಸೃಷ್ಟಿಸಿದರೆ”, ಅವರು ಈಗಾಗಲೇ ಇರುವ ವಸ್ತುವುಗಳನ್ನು ಉಪಯೋಗಿಸಿ ಬೇರೆ ವಸ್ತುವನ್ನು ಮಾಡಿದ್ದರೆ ಎಂದು ಅದರ ಅರ್ಥವಾಗಿರುತ್ತದೆ.
ಕೆಲವೊಮ್ಮೆ “ಸೃಷ್ಟಿಸು” ಎನ್ನುವ ಪದವನ್ನು ಅಮೂರ್ತವಾದ ವಸ್ತುಗಳನ್ನು ವಿವರಿಸಲು ಉಪಯೋಗಿಸುತ್ತಾರೆ, ಉದಾಹರಣೆಗೆ ಶಾಂತಿಯನ್ನು ಸೃಷ್ಟಿಸುವುದು, ಅಥವಾ ಯಾರಲ್ಲಾದರೂ ಪವಿತ್ರವಾದ ಹೃದಯವನ್ನು ಉಂಟುಮಾಡುವುದು.
ದೇವರು ಮೊಟ್ಟಮೊದಲು ಲೋಕದಲ್ಲಿರುವ ಎಲ್ಲವನ್ನು ಸೃಷ್ಟಿಸಿದನ್ನು ಸೂಚಿಸುವಂತೆ “ಸೃಷ್ಟಿ” ಎನ್ನುವ ಪದವನ್ನು ಉಪಯೋಗಿಸಬಹುದು. ದೇವರು ಸೃಷ್ಟಿಸಿದ ಎಲ್ಲವನ್ನು ಸೂಚಿಸಲು ಈ ಪದವನ್ನು ಉಪಯೋಗಿಸಬಹುದು. ಕೆಲವೊಮ್ಮೆ “ಸೃಷ್ಟಿ” ಎನ್ನುವ ಪದವು ಲೋಕದಲ್ಲಿರುವ ಮನುಷ್ಯರನ್ನು ಮಾತ್ರವೇ ಸೂಚಿಸುತ್ತದೆ.

ಅನುವಾದ ಸಲಹೆಗಳು:

ಕೆಲವೊಂದು ಭಾಷೆಗಳಲ್ಲಿ ದೇವರು ಲೋಕವನ್ನು “ಶೂನ್ಯದಿಂದ” ಸೃಷ್ಟಿಸಿದನು ಎನ್ನುವ ಅರ್ಥವನ್ನು ಸ್ಪಷ್ಟಪಡಿಸಲು ಆ ರೀತಿ ನೇರವಾಗಿ ಹೇಳಬೇಕಾಗಿರುತ್ತದೆ.
“ಲೋಕದ ಸೃಷ್ಟಿಯಾದ ಕಾಲದಿಂದ” ಎನ್ನುವ ವಾಕ್ಯಕ್ಕೆ “ದೇವರು ಲೋಕವನ್ನು ಸೃಷ್ಟಿಸಿದ ಕಾಲದಿಂದ” ಎಂದರ್ಥ.
ಅದೇರೀತಿಯಾಗಿ, “ಸೃಷ್ಟಿಯ ಪ್ರಾರಂಭದಲ್ಲಿ” ಎನ್ನುವ ವಾಕ್ಯವನ್ನು “ದೇವರು ಆದಿಯಲ್ಲಿ ಲೋಕವನ್ನು ಸುಷ್ಟಿಸಿದಾಗ”, ಅಥವಾ “ಲೋಕವು ಪ್ರಪ್ರಥಮವಾಗಿ ಸೃಷ್ಟಿಸಲ್ಪಟ್ಟಾಗ” ಎಂದು ಅನುವಾದ ಮಾಡಬಹುದು.
“ಸರ್ವ ಸೃಷ್ಟಿಗೆ” ಶುಭವಾರ್ತೆಯನ್ನು ಹೇಳಬೇಕು ಅಂದರೆ “ಭೂಲೋಕದಲ್ಲಿ ಇರುವ ಎಲ್ಲಾ ಜನರಿಗೆ” ಶುಭವಾರ್ತೆ ಹೇಳಬೇಕು ಎಂದರ್ಥ.
“ಸಮಸ್ತ ಸೃಷ್ಟಿ ಆನಂದಿಸಲಿ” ಎಂದರೆ “ದೇವರು ಸೃಷ್ಟಿಸಿದ ಸಮಸ್ತವು ಆನಂದಿಸಲಿ” ಎಂದರ್ಥ.
ಸಂಧರ್ಭಾನುಸಾರವಾಗಿ, “ಸೃಷ್ಟಿಸು” ಎನ್ನುವ ಪದವನ್ನು “ಮಾಡು” ಅಥವಾ “ಉಂಟುಮಾಡು” ಅಥವಾ “ಶೂನ್ಯದಿಂದ ಉಂಟುಮಾಡು” ಎಂದು ಅನುವಾದ ಮಾಡಬಹುದು.
“ಸೃಷ್ಟಿಕರ್ತ” ಎನ್ನುವ ಪದವನ್ನು “ಎಲ್ಲವನ್ನು ಸೃಷ್ಟಿಸಿದಾತನು” ಅಥವಾ “ಸರ್ವ ಪ್ರಪಂಚವನ್ನು ಉಂಟುಮಾಡಿದ ದೇವರು” ಎಂದು ಅನುವಾದ ಮಾಡಬಹುದು.
“ನಿಮ್ಮ ಸೃಷ್ಟಿಕರ್ತ” ಎನ್ನುವ ಪದಗಳನ್ನು “ನಿಮ್ಮನ್ನುಂಟುಮಾಡಿದ ದೇವರು” ಅಥವಾ “ನಿಮ್ಮನ್ನು ಸೃಷ್ಟಿಸಿದ ದೇವರು” ಎಂದು ಅನುವಾದ ಮಾಡಬಹುದು.

(ಈ ಪದಗಳನ್ನು ಸಹ ನೋಡಿರಿ : ದೇವರು, ಶುಭವರ್ತೆ, ಲೋಕ)

ಸತ್ಯವೇದದ ಅನುಬಂಧ ವಾಕ್ಯಗಳು:

ಪದ ಡೇಟಾ:

Strong's: H3335, H4639, H6213, H6385, H7069, G2041, G2602, G2675, G2936, G2937, G2939, G4160, G5480

5.7 KiB Raw Permalink Blame History