9.1 KiB
Thik koribole Sabole nimite Tarika khan
Eitu Girja Samaaj nimite tarika ase picha koribole ketia Thik koribole Saideya te. Eitu tarika bhabona kore junto saideya khan anuvad kora nohoile anuvad kora khan logote sida jabole ase, aru chehera-pora-chehera te hudibole pare saideya khan aru anuvad kora khan anuvad ke eki logote sai. Jodi eitu naparile, tetia saideya khan anuvad kora khan sabole hudibole khan likhibole lage. Eitu likha anuvad laga chuni loa te hobo, nohoile ekta khagos, nohoile, bassi loa te, anuvadcore laga likha khan cholaikena.
Nasaideya Agete
- Somoi agete bisaribi kunto kisah khan nohoile kunto Bible laga maarg tumi sabole.
- Maarg ke kunuba dusra khan te sob basa khan te purhibi tumi boji thaka, asul basa khan ke halikena, jodi parile.
- Maarg ke ULT aru UST te purhibi, aru Likha khan aru anuvad laga Kotha khan ke purhibi.
- Sob hissa khan laga likhibi junto tumi bhabona kore anuvad koribole digdar hobo.
- Eitu maarg khan ke anuvad te bisaribi aru likha khan, likha khan bonabole ki tumi pora bisarise.
Ketia Saideya te
- Thik laga maarg. Thik laga Saman ke anuvad laga Core te cholabi maarg ke asul basa logote thik koribole. Thik kora laga parinam te, tumi anuvad laga hissa khan laga hudibole thakibo. Eitu laga likhibi anuvadCore laga likha khan te karone junto tumi anuvad kora khan ke taikhan laga hudibole ketia tumi log koribo, nohoile karone junto anuvad kora khan sabole aru taikhan ke kotha koribole tumi log nokora agete. Salah khan nimite thik korideya saman laga, Thik kora laga Saman logote jabi.
- Hudibi. Ketia tumi anuvad kora khan logote ase aru tumi kunuba ginis ke jonaidibole mon ase junto tumi bhabona kore anuvad te digdar hobole, anuvad kora khan logote ekta bayan nabonabi junto tate anuvad te ekta digdar ase. Jodi tymi basa laga kotha nokorile, tetia tumi najane jodi tate ekta digdar hobo. Tumi basa laga kotha nokoilebi, eitu bisi nomro hobo hudibole ekta bayan bonabole pora junto kunuba ginis golti ase. Tumi kunuba ginis hudibole pare, “Tumi ki laga bhabona koribo eitu koa laga?” aru tetia ekta alak rasta salah koribo eitu ke anuvad koribole. Tetia eki logote tumi alak anuvad laga bhabona khan ke kotha koribo, aru tumi kaaran khan dibo kele tumi ekta anuvad ke bhabona korise dusra pora bhal hobo. Tetia, alak khan laga bhabona kora pachote, anuvad kora nohoile anuvad kora khan bhabona koribole lagibo kunto rasta bhal ase. Vishay khan nimite hudibole ketia ekta Bible laga anuvad ke saideya te, sabi Kisim Ginis khan Sabole.
- Basa aru sanskrti ke bisaribi. Hudibole khan junto tumi hudi thaka bisaribo kotha laga motlob ki ase basa laga saman te. Ekdom bhal hudibole khan ekta ase junto anuvad kora khan ke bhabona koribole modot koribo kotha laga motlob ki ase aru eitu ke keneka cholabole. Kaam thaka hudibole khan, “Ki halat khan te eitu kotha ke tumar laga basa te cholaise?” nohoile “Kun bisi bak eneka ginis khan laga koise, aru taikhan kele koise?” Eitu bhi kaam ase anuvad kora khan ke bhabona koribole modot kora te ki ekta manuh tar laga bosti pora kobo jodi eki halat te manuh Bible te nisina.
- Anuvad kora ke shikabi. Tumi kotha laga motlob bisara pachote basa aru sanskrti te, tumi anuvad kora khan ke kobole pare basa bosto aru sanskrti te kotha laga motlob ki ase. Tetia eki logote tumi bhabona koribole pare jodi kotha anuvad te nohoile kotha tai bhabona kora laga logote eki motlob ase nohoile nohoi.
Anuvad ke Sida Sabole
Jodi tumi basa laga saman koile, tetia tumi anuvad ke purhibo nohoile hunibole pare aru anuvad kora khan ke eitu laga sida hudibi.
Piche Anuvad laga Likha khan ke Cholaikena
Jodi tumi basa laga saman nokoi, tetia tumi thik koribole naparibo. Hoilebi tumi Bible laga ekta shastri hobole paribo kun Duar rasta laga Basa koi aru tumi anuvad kora khan ke modot koribole paribo taikhan laga anuvad ke bhal koribole. Eitu mamla te, tumi piche laga anuvad pora kaam koribole lagio Duar rasta laga Basa te. Eitu ke anuvad pora alak likhibole pare, nohoile eitu ke eta likha khan nisina likhibole pare, junto ase, piche anuvad laga dagi logote anuvad laga sob dagi te likha. Eitu anuvad ke piche laga anuvad logote tulona koribole asani ase ketia taikhan ke likha khan nisina likhise, aru eitu ekta piche laga anuvad ke purhibole asani ase junto alak likhise. Sob tarika logote nijor laga taqot ase. Manuh kun piche laga anuvad ke bonaise kunuba jun hobole lage kun anuvad ke bonaideya te thakanai. Sabi Piche Anuvad bisi khobor khan nimite.
- Jodi parile, piche laga anuvad ke sabi likha laga roop te anuvad kora nohoile anuvad kora khan logote chehera-pora-chehera te log nokora agete. Eitu tumike somoi dibo maarg laga bhabona koribole aru hudibole khan laga bisi bisaribole junto uthei kelemane piche laga anuvad pora ki koise. Eitu bhi bisi somoi bachabo ketia tumi anuvad kora khan logote log koribo, kelemane tate bisi likha khan thakibo junto tumi kotha nokobo lage kelemane tumi piche laga anuvad te purhise aru digdar khan thakanai. Ketia tumi eki logote log korise, tumi bisi dibole laga thakise kelemane tumi pora tumar laga sob somoi didgar laga jagah khan te philaidise.
- Tumi piche laga anuvad khan te kaam kora te, hudibole khan laga likhibi junto tumi anuvad kora khan ke hudibole mon ase, safa koribole nohoile anuvad kora ke digdar khan ke paribole laga bhabona kora te modot koribole anuvad logote.
- Anuvad kora ke anuvad laga dusra nimite hudibi (jodi eitu likha khan nohoi), karone junto tumi anuvad ke piche laga anuvad logote tulona korible junto basa laga saman cholaise aru dusra kaam khan laga junto piche laga anuvad logote nidikhibo. Anuvad te dikha ke bhi jagah khan ke janibole modot hobo kote piche laga anuvad anuvad ke thik dikhabole naparibo, udahran te, kote eki kotha khan anuvad te cholaise hoilebi taikhan piche laga anuvad te alak ase. Eitu mamla te, eitu bhal ase anuvad kora khan ke hudibole kele piche laga anuvad alak ase, aru jodi eitu thik koribole lage.
- Jodi tumi piche laga anuvad ke sabole napare anuvad kora logote log nokora agete, tetia kama koribi anuvad kora logote, hudibole khan aru digdari khan nisina tumi eki logote kaam kora. Bisi bak, piche laga anuvad ke anuvad logote tulona korise, anuvad kora bhi digdari khan ke anuvad logote bisaribo.
Eta Koideya Piche laga Anuvad Cholaikena
Jodi tate eku piche anuvad laga likha khan nai, tetia kunuba jun kun basa laga saman ke jane aru ekta basa ke bhi junto tumi bojei tumi nimite eta koideya piche laga anuvad bonaise. Eitu ekta manuh hobole lage kun anuvad kora te thakanai. Tumi koideya piche laga anuvad ke huni thaka te, kotha khan laga likhibi nohoile kotha khan junto golti motlob ke jonani koribole dikhe nohoile eitu dusra digdari khan. Manuh maarg ke katha anuvad koribole pare, sob hissa laga majote karone junto tumi pora tumar laga huda laga ke hudibole pare tumi sob huni loa pachote.
Saideya Pachote
Kunuba hudibole khan pachote nimite rakhibo, saideya pachote. Thik hobi ekta somoi bhabona koribole ako log koribole jowab khan eitu huda laga khan logote kotha koribole. Eitu hobo:
- Hudibole khan junto tumi nohoile kunuba jun bisaribo lage, bisi bak kunuba ginis biblical likha khan laga junto tumi bisaribo, junto ase eki motlob khan biblibal kotha khan laga nohoile kotha khan, nohoile sonban biblical manuh nohoile biblical jagah khan laga prakrti majote.
- Hudibole khan basa laga dusra kotha koa khan ke hudi thakibole. Eitu thik bonabole junto kunuba kotha khan thik pora jonani kore, nohoile kunuba kotha khan laga sanskrti ke bisare basa laga saman te. Eitu hudibole khan junto anuvad kora khan manuh laga hudibole lage ketia taikhan samudaay te wapas aha te.
Dangor Kotha khan
Thik bonabi junto anuvad kora khan Dangor Kotha khan laga likha khan rakhise (dorkar kotha khan, anuvad laga Kotha khan bhi jane) Bible laga maarg khan pora junto taikhan anuvad korise, kotha basa laga saman te junto taikhan bhabona korise sob dorkar kotha khan nimite cholabole. Tumi aru anuvad kora khan hobole pare eitu likha khan laga halibole aru kotha khan ke basa laga saman pora bonabole tumi Bible laga anuvad te jae thaka. Ketiaba tate ekta Dangor Kotha ase Bible te, thik bonabi junto anuvad kotha nohoile kotha khan ke cholai junto ke bassi loise eitu Dangor Kotha nimite, aru thik bonabi junto eitu sob somoi te bhabona bonai. Jodi eitu bhabona nabonai koile, tetia tumi kotha koribole lage kele eitu kunuba jagah khan te ase hoilebi dusra khan logote nohoi. Tetia tumi chuni loa kotha ke bonabole nohoile bodli koribole pare, nohoile ekta kotha pora bisi cholabole bhabona koribole lage basa laga saman te alak rasta khan te milibole junto Dangor Kotha ke cholaise. Ekta kaam thaka rasta eitu koribole sob dorkar kotha laga rakhibole ekta khagos te, dagi khan basa kotha laga bosto nimite, basa kotha laga saman, alak kotha khan aru Bible laga maarg khan kote tumi sob kotha ke cholabo. Amikhan akha kore junto eitu anuvad Jagah laga ahi thaka laga dusra khan te thakibo.
Ketia tumi ekta Bible laga kitab nimite Thik koribole Sabole kotom koribo, huda laga ke jowab dibi: Thik koribole Sabole nimite Hudibole khan.