nag_ta/translate/figs-events/01.md

Bhal pora koidia

Baibel te khisa khan ki somoi te hoi se itu hisab te likhi rakha nai. Ketiaba likha manu toh tai kiba ekta hoa laga kotha koa somoi te arubi poila ki hoi jai se itu laga kotha kobole mon thake. Itu pora purithaka manu ke matha ghurai dibo pare.

** Ki nimite itu bodli kura te digdar hoithake.** Likhikene rakha hisab te purithaka manu khan bhabibo ki hoise sob toh ekta pichete ekta ineka hoise bhabibo. Ki pichete ki hoise itu taikhan ke janibo dibo lage.

Baibel pora udharankhan

Hoilebi tetia Herod… John ke jail te bon koridise. Etu homoi ahi jaise, jetia John pora sob manu ke baptisma di thakise, Jisu bi baptisma korise. (Luke 3:20-21 ULT)

Itu hisab te John toh jail te bon kuridiya pichete Jisu ke baptisma dise, hoilebi John pora Jisu ke tai jail te bon nakura age te baptisma dise.

Kineka Joshua pora manukhan ke koise, sat jon pujarikhan pora bhera laga shingh pora bona sat-ta basi Jehovah usorte anise, aru jetia taikhan agete jaise, taikhan basi pora dangor awaj hala kurise… Hoilebi Joshua pora manukhan ke hokom dise, aru koise, “Hala nakuribi. Moi tumikhan ke hala kuribi koa din tok, tumikhan laga mukh pora ekta awaj bi na ulabi. Itu pichete he tumikhan hala kuribo lage.” (Joshua 6:8-10 ULT)

Itu hisab te ineka bujibo pare Joshua pora tai laga sipoikhan ke hala nakuribi koa kotha toh taikhan age jai thaka somoi te koa nisina dikhe, hoilebi tai itu hokom toh taikhan naula age te di dise.

Kun eitu kitab laga chin tu bhangi bole nimite yogi ahse?" (Revelation 5:2 ULT)

Itu hisab te ekjon pora poila kitab toh khulibo aru itu pichete he chin ke bhanga bo, hoilebi chin pora kitab ke bon kurikene thake itu nimite ituke poila bhangailehi kitab ke khulibo paribo.

Bodli kuribole laga rastakhan

1. Judi apuni laga bhasa te kotha ase juntu pora ki somoi pichete ki hoise itu kobo pare koile, itu cholabi.
2. Judi apuni laga bhasa pora verb cholai juntu pora hoija laga age te arubi ki hoise itu dikhabo pare koile, itu cholabi. (Sabi: section on Aspect on Verbs)
3. Judi apuni laga bhasa pora ki hoise itu khan ekta laga piche ekta ineka kobo pare koile, ki hoise itukhan sob bhal pora itu hisab te mila bole koshis kuribi. Ineka pora duita tinta nisina verses khan milabo lagibo pare. (Sabo: Verse Bridges)

Bodli kura laga rastakhan chola laga udharan khan

1. Judi apuni laga bhasa te kotha ase juntu pora ki somoi pichete ki hoise itu kobo pare koile, itu cholabi.

• ²⁰ Hoilebi Herod pora …John ke jail te bon koridise. ²¹ Etu homoi ahi jaise, jetia sob manu baptisma loise, Jisu bhi baptisma korise. (Luke 3:20-21 ULT)

• ²⁰ Hoilebi Herod pora …John ke jail te bon koridise. ²¹ John ke jail te loi naja agete, jetia sob manu John logot pora baptisma loi thakise, Jisu bhi baptisma korise.

• **Kun eitu kitab laga chin tu bhangi bole nimite yogi ahse?" ** (Revelation 5:2 ULT)

• Kun kitab khulibo nimite yogi ahse itu laga chin bhangai pichete?

1. Judi apuni laga bhasa pora verb cholai juntu pora hoija laga age te arubi ki hoise itu dikhabo pare koile, itu cholabi. (Sabi: section on Aspect on Verbs)

• ** ⁸ Kineka Joshua pora manukhan ke koise, sat jon pujarikhan pora bhera laga shingh pora bona sat-ta basi Jehovah usorte anise, aru jetia taikhan agete jaise, taikhan basi pora dangor awaj hala kurise… ¹⁰ Hoilebi Joshua pora manukhan ke hokom dise, aru koise, “Hala nakuribi. Moi tumikhan ke hala kuribi koa din tok, tumikhan laga mukh pora ekta awaj bi na ulabi. Itu pichete he tumikhan hala kuribo lage.”** (Joshua 6:8-10 ULT)
• ⁸ Kineka Joshua pora manukhan ke koise, sat jon pujarikhan pora bhera laga shingh pora bona sat-ta basi Jehovah usorte anise, aru jetia taikhan agete jaise, taikhan basi pora dangor awaj hala kurise… ¹⁰ Hoilebi Joshua pora manukhan ke hokom di kene thakise, aru koise, “Hala nakuribi. Moi tumikhan ke hala kuribi koa din tok, tumikhan laga mukh pora ekta awaj bi na ulabi. Itu pichete he tumikhan hala kuribo lage.

Judi apuni laga bhasa pora ki hoise itu khan ekta laga piche ekta ineka kobo pare koile, ki hoise itukhan sob bhal pora itu hisab te mila bole koshis kuribi. Ineka pora duita tinta nisina verses khan milabo lagibo pare.

• ** ⁸ Kineka Joshua pora manukhan ke koise, sat jon pujarikhan pora bhera laga shingh pora bona sat-ta basi Jehovah usorte anise, aru jetia taikhan agete jaise, taikhan basi pora dangor awaj hala kurise… ¹⁰ Hoilebi Joshua pora manukhan ke hokom dise, aru koise, “Hala nakuribi. Moi tumikhan ke hala kuribi koa din tok, tumikhan laga mukh pora ekta awaj bi na ulabi. Itu pichete he tumikhan hala kuribo lage.”** (Joshua 6:8-10 ULT)

• ⁸ Joshua pora manukhan ke koise, “Hala nakuribi. Moi tumikhan ke hala kuribi koa din tok, tumikhan laga mukh pora ekta awaj bi na ulabi. Itu pichete he tumikhan hala kuribo lage.” Aru Joshua pora itu kotha taekhanke koa logote, sat jon pujarikhan pora bhera laga shingh pora bona sat-ta basi Jehovah usorte anise, aru jetia taikhan agete jaise, taikhan basi pora dangor awaj hala kurise…

• **Kun eitu kitab laga chin tu bhangi bole nimite yogi ahse?" ** (Revelation 5:2 ULT)

• kun he yogi ahse chin bhangaikene kitab khulibo nimite?

Apni ekta video sabo pare- http://ufw.io/figs_events.