8.9 KiB
8.9 KiB
ପ୍ରଚାର କରିବା, ପ୍ରଚାର, ପ୍ରଚାରକ, ଘୋଷଣା କରିବା, ଘୋଷଣା ପତ୍ର
ପରିଭାଷା:
“ପ୍ରଚାର କରିବା” ଅର୍ଥ ଲୋକମାନଙ୍କୁ କହିବାକୁ, ସେମାନଙ୍କୁ ଈଶ୍ୱରଙ୍କ ସମ୍ପର୍କରେ ଶିକ୍ଷା ଦେବାକୁ ଏବଂ ସେମାନଙ୍କୁ ତାହାଙ୍କ ଆଜ୍ଞା ପାଳନ କରିବାକୁ ଶିକ୍ଷା ଦେବାକୁ ବୁଝାଏ। “ଘୋଷଣା କରିବା” ଅର୍ଥ ସର୍ବ ସାଧାରଣରେ ଏବଂ ସାହସର ସହ କୌଣସି ବିଷୟକୁ ପ୍ରଚାର କରିବାକୁ ବୁଝାଏ।
- ଅନେକ ସମୟରେ ଏକ ବିଶାଳ ଜନତାକୁ ଜଣେ ବ୍ୟକ୍ତି ଦ୍ୱାରା ପ୍ରଚାର କରାଯାଇଥାଏ। ଏହା ସାଧାରଣତଃ ମୌଖିକ ଥାଏ, ଲିଖିତ ନ ଥାଏ।
- “ପ୍ରଚାର କରିବା” ଏବଂ “ଶିକ୍ଷା ଦେବା” ମଧ୍ୟରେ ସାମଞ୍ଜସ ରହିଛି, ସେଗୁଡ଼ିକ ଅବିକଳ ଭାବରେ ସମାନ ନୁହେଁ।
- ମୁଖ୍ୟତଃ “ପ୍ରଚାର କରିବା” ଆତ୍ମିକ କିମ୍ବା ନୈତିକ ସତ୍ୟକୁ ସର୍ବସାଧାରଣରେ ଘୋଷଣା କରିବା ଏବଂ ଶ୍ରୋତାମାନଙ୍କୁ ପ୍ରତ୍ୟୁତ୍ତର ଦେବା ନିମନ୍ତେ ଉତ୍ସାହ କରିବାକୁ ବୁଝାଏ। “ଶିକ୍ଷା ଦେବା” ଏକ ଭାବ ପ୍ରକାଶକ ପଦ ଅଟେ, ଯାହା ଉପଦେଶ ବା ପରାମର୍ଶ ଉପରେ ଗୁରୁତ୍ୱ ଆରୋପ କରିଥାଏ ଯାହା ଲୋକମାନଙ୍କୁ ସତ୍ୟ ଘଟଣାବଳୀ ଜଣାଇବା କିମ୍ୱା କିପରି ଭାବରେ କୌଣସି ଏକ ବିଷୟ କରାଯିବ ସେହି ସମ୍ପର୍କରେ ଶିକ୍ଷା ଦେବାକୁ ବୁଝାଏ।
- “ପ୍ରଚାର କରିବା” ଶବ୍ଦ ସାଧାରଣତଃ “ସୁସମାଚାର” ଶବ୍ଦ ସହିତ ବ୍ୟବହାର କରାଯାଏ I
- ଜଣେ ବ୍ୟକ୍ତି ଅନ୍ୟମାନଙ୍କ ନିକଟରେ ପ୍ରଚାର କରିଥିବା ବିଷୟକୁ ମଧ୍ୟ ତାହାଙ୍କର “ଶିକ୍ଷାଗୁଡ଼ିକ” ଭାବରେ ଉଲ୍ଲେଖ କରାଯାଇପାରେ।
- ବାଇବେଲରେ ଅନେକ ସମୟରେ, “ଘୋଷଣା କରିବା” ଅର୍ଥ ସର୍ବସାଧାରଣରେ ଈଶ୍ୱର ଦେଇଥିବା ଆଜ୍ଞାକୁ ଘୋଷଣା କରିବା ବିଷୟକୁ ସୂଚାଏ, କିମ୍ବା ଈଶ୍ୱରଙ୍କ ବିଷୟରେ ଅନ୍ୟମାନଙ୍କୁ କହିବା ଏବଂ ସେ କେଡେ ମହାନ ବୋଲି ଜଣାଇବାକୁ ବୁଝାଏ।
- ନୂତନ ନିୟମରେ, ପ୍ରେରିତମାନେ ବିଭିନ୍ନ ନଗରରେ ଏବଂ ଅଞ୍ଚଳଗୁଡ଼ିକରେ ଅନେକ ଲୋକମାନଙ୍କ ନିକଟରେ ଯୀଶୁଙ୍କ ସମ୍ୱନ୍ଧୀୟ ସୁସମାଚାର ଘୋଷଣା କଲେ।
- “ଘୋଷଣା କରିବା” ଶବ୍ଦକୁ ରାଜାମାନଙ୍କର ଘୋଷଣାନାମା ନିମନ୍ତେ କିମ୍ୱା ପ୍ରକାଶ୍ୟରେ ମନ୍ଦତାକୁ ବର୍ଜନ ବା ବହିଷ୍କାର କରିବା ଉଦ୍ଦେଶ୍ୟରେ ବ୍ୟବହାର କରାଯାଏ।
- “ଘୋଷଣା କରିବା” ଶବ୍ଦକୁ “ଘୋଷଣାନାମା” କିମ୍ବା “ପ୍ରକାଶ୍ୟରେ ପ୍ରଚାର କରିବା” ବୋଲି ଅନୁବାଦ କରାଯାଇପାରେ।
(ଦେଖନ୍ତୁ: ସୁସମାଚାର, ଯୀଶୁ, ଈଶ୍ୱରଙ୍କ ରାଜ୍ୟ)
ବାଇବେଲ ପଦପର୍ବ:
- ୨ ତୀମଥି ୪:୧-୨
- ପ୍ରେରିତ ୮:୪-୫
- ପ୍ରେରିତ ୧୦:୪୨-୪୩
- ପ୍ରେରିତ ୧୪:୨୧-୨୨
- ପ୍ରେରିତ ୨୦:୨୫
- ଲୂକ ୪:୪୨
- ମାଥିଉ ୩:୧-୩
- ମାଥିଉ ୪:୧୭
- ମାଥିଉ ୧୨:୪୧
- ମାଥିଉ ୨୪:୧୪
- ପ୍ରେରିତ ୯:୨୦-୨୨
- ପ୍ରେରିତ ୧୩:୩୮-୩୯
- ଯୂନସ ୩:୧-୩
- ଲୂକ ୪:୧୮-୧୯
- ମାର୍କ ୧:୧୪-୧୫
- ମାଥିଉ ୧୦:୨୬
ବାଇବେଲ କାହାଣୀରୁ ଉଦାହରଣଗୁଡ଼ିକ:
- ୨୪:୨ ସେ (ଯୋହନ) ସେମାନଙ୍କ ନିକଟରେ ପ୍ରଚାର କରି କହିଲେ, “ମନ ପରିବର୍ତ୍ତନ କର, କାରଣ ଈଶ୍ୱରଙ୍କ ରାଜ୍ୟ ସନ୍ନିକଟ ଅଟେ!“
- ୩୦:୧ ଯୀଶୁ ତାହାଙ୍କର ଶିଷ୍ୟମାନଙ୍କୁ ଅନେକ ବିଭିନ୍ନ ଗ୍ରାମରେ ଲୋକମାନଙ୍କ ନିକଟରେ ପ୍ରଚାର କରିବାକୁ ଏବଂ ଶିକ୍ଷା ଦେବାକୁ ପ୍ରେରଣ କଲେ।
- ୩୮:୧ ପ୍ରାୟ ତିନି ବର୍ଷ ପରେ ଯୀଶୁ ପ୍ରଥମ ଥର ପ୍ରଚାର ଆରମ୍ଭ କଲେ ଏବଂ ସମସ୍ତଙ୍କ ସାକ୍ଷାତରେ ଶିକ୍ଷା ଦେଲେ, ଯୀଶୁ କହିଲେ ଯେ ସେ ଏହି ନିସ୍ତାର ପର୍ବ ସେମାନଙ୍କ ସହ ଯିରୂଶାଲମରେ ପାଳନ କରିବା ପାଇଁ ଇଚ୍ଛା କରୁଛନ୍ତି, ଏବଂ ସେ ସେଠାରେ ବଧ ହେବେ।
- ୪୫:୬ କିନ୍ତୁ ଏହି ସବୁ ବିଷୟ ସତ୍ତ୍ୱେ ସେମାନେ ଯେଉଁଆଡେ ଗଲେ ସେଠାରେ ସର୍ବତ୍ର ଯୀଶୁଙ୍କ ସମ୍ୱନ୍ଧରେ ପ୍ରଚାର କଲେ।
- ୪୫:୭ ସେ (ଫିଲିପ୍ପ) ଶମରିୟାକୁ ଗଲେ ଏବଂ ସେଠାରେ ଯୀଶୁଙ୍କ ସମ୍ୱନ୍ଧରେ ପ୍ରଚାର କଲେ ଏବଂ ଅନେକ ଲୋକମାନେ ପରିତ୍ରାଣ ପ୍ରାପ୍ତ ହେଲେ।
- ୪୬:୬ ସେହିକ୍ଷଣି ଶାଉଲ ଦମ୍ମେଶକରେ ଥିବା ଯିହୂଦୀମାନଙ୍କ ନିକଟରେ ପ୍ରଚାର କରିବା ଆରମ୍ଭ କରି କହିଲେ, “ଯୀଶୁ ଈଶ୍ୱରଙ୍କ ପୁତ୍ର ଅଟନ୍ତି! “
- ୪୬:୧୦ ତା’ପରେ ସେମାନେ ସେମାନଙ୍କୁ ଅନେକ ଅନ୍ୟାନ୍ୟ ସ୍ଥାନମାନଙ୍କରେ ଯୀଶୁଙ୍କ ସୁସମାଚାର ପ୍ରଚାର କରିବା ନିମନ୍ତେ ପ୍ରେରଣ କଲେ I
- ୪୭:୧୪ ପାଉଲ ଏବଂ ଅନ୍ୟାନ୍ୟ ଖ୍ରୀଷ୍ଟିୟାନ ନେତାମାନେ ଯୀଶୁଙ୍କ ସମ୍ୱନ୍ଧରେ ଅନେକ ନଗରମାନଙ୍କରେ ପ୍ରଚାର ଶିକ୍ଷା ଦେବା ନିମନ୍ତେ ଯାତ୍ରା କଲେ।
- ୫୦:୨ ଯେତେବେଳେ ଯୀଶୁ ଏହି ଜଗତରେ ବାସ କରୁଥିଲେ, ସେ କହିଲେ, “ମୋହର ଶିଷ୍ୟମାନେ ଜଗତର ସମସ୍ତ ଲୋକମାନଙ୍କୁ ଈଶ୍ୱରଙ୍କ ରାଜ୍ୟ ସମ୍ୱନ୍ଧରେ ସୁସମାଚାର ପ୍ରଚାର କରିବେ ଏବଂ ତାହାପରେ ଯୁଗାନ୍ତ ହେବ। “
ଶବ୍ଦବିନ୍ୟାସ:
- Strong’s:
- preach: H1319, H7121, H7150, G1229, G2097, G2605, G2782, G2783, G2784, G2980, G4283
- proclaim: H1319, H1696, H1697, H2199, H3045, H3745, H4161, H5046, H5608, H6963, H7121, H7440, H8085, G518, G591, G1229, G1861, G2097, G2605, G2782, G2784, G2980, G3142, G4135