4.7 KiB
Biswas laga Anuvad khan
Ekta anuvad ke bonabole junto Bible logote biswas ase, tumi sob raajnetik, jati, bhabona, samaaj, sanskrti, nohoile biswas khan laga tumar anuvad te. Dorkar kotha khan ke cholabi junto asul biblical basa khan logote biswas ase. Sadharan basa kotha khan ke cholabi biblical laga kotha khan nimite junto Isor Pitri aru Isor Putro laga majote sonban dikhai. Eitu safa hobo, lagi thaka te, padh likha khan nohoile dusra saman khan te.
Tumar laga udeshya ekta Bible laga anuvad kora khan nisina eki sandesh ke jonani koribole junto Bible laga asul likha manuh jonani koribole bhabona ase. Eitu mane junto tumi tumar nijor sandesh ke jonani nokoribole lage, nohoile sandesh junto tumi bhabona kora Bible pora kobole lage, nohoile junto tumar laga girja bhabona kore Bible pora kobole lage. Sob Bible laga maarg nimite, tumi jonani koribole lage ki eitu pora koise, sob eitu pora ki koa laga, aru khali eitu pora ki koise. Tumi digdar khan ke charibole lage tumar nijor laga bojaideya khan nohoile sandesh khan Bible te nohoile sob motlob khan halibi sandesh te junto tate Bible laga maarg te nai. (Ekta Bible laga sandesh jonani laga khobor ke halidei. Sabi Gyan aru Jonani laga Khobor ke Bhabona koribi.)
Tumi bhi dorkar laga kotha khan cholabole lage junto asul biblical laga basa khan logote biswas ase. Anuvad Kotha khan laga purhibi thik bonabole junto tumi eitu kotha khan laga motlob khan bojei. Anuvad koribi karone junto eitu dorkar kotha khan logote eki motlob khan ase, aru taikha ke alak rasta khan te anuvad nokoribi tumar laga pastor ke khusi koribole, tumar bosti laga solawta khan, nohoile tumar nijor.
Hodai biswas pora anuvad kora bisi karaan khan nimite digdar hobo:
- Tumi cholabole pare junto tumar laga girja kunuba Bible laga maarg khan ke bojaidei, aru najane junto tate dusra bojabole khan ase.
- Udahran: Ketia tumi kotha “baptisma” ke anuvad korise, tumi eitu ekta kotha logote anuvad koribole mon thakibo junto mane “philaideya,” kelemane junto tumar laga girja kore. Hoilebi anuvad laga Kotha khan ke purha pachote, tumi shikibo junto kotha logote motlob ase “hilibole,” “ghusibole,” “dhulabole,” nohoile “safa.”
- tumi ekta Bible laga maarg ke anuvad koribole mon thakibo junto tumar sanskrti te ase, eitu laga anusar pora eitu laga motlob ki ase ketia eitu ke likhise.
- Udahran: Eitu Utar American laga sanskrti te sadharan ase maiki nimite kotha kobole aru girja khan te prosar koribole. Ekta anuvad kora khan eitu sanskrti pora digdar 1 Corinthians 14:34 laga kotha ke anuvad koribole ekta rasta te junto Apostle Paul pora taikhan ke likha nisina kara nohoi:”… maiki girja khan te shanti hobole lage.” Hoilebi ekta biswas laga anuvad kora khan Bible maarg laga motlob ke anuvad koribo eitu nisina.
- Tumi kunuba ginis ke bhal nalagibo junto Bible pora koise, aru digdar hobo bodli koribole.
- Udahran: Tumi bhal nalagibo ki Jisu pora John 6:53 te koise, “Hosa, hosa, tumi Manuh laga Putro laga mongso nakha tok aru tar laga khoon pi-koribole, tumi pora tumar nijor logote jeevon nathakibo.” Eitu tumi logote ghin hobo. Hoilebi tumi eitu ke biswas pora anuvad koribole lage, karone junto tumar laga manuh eitu ke purhibole aru bhabona koribo Jisu laga motlob ki ase.
- Tumi bhoi hobo ki dusra khan tumar laga bosti te bhabona koribo nohoile koribi jodi taikhan biswas laga anuvad ke purhibo ki Bible pora koise.
- Udahran: Tumi digdar hobo Isor laga kotha ke Matthew 3:17 te anuvad koribole, “Eitu moi laga sobse morom Putro ase. Ami tai logote bisi khusi ase,” ekta kotha logote junto mane “chokra” nohoi. Hoilebi tumi yaad koribole lage junto tumi logote adhikar bodli koribole ki Bible pora koise.
- Tumi kunuba ginis Bible laga maarg ke bisi janibo junto tumi anuvad korise aru eitu tumar laga anuvad te halibole mon thakibo.
- Udahran: Ketia tumi anuvad korise Mark 10:11, “Kun pora tar laga maiki ke talak dikhena aru dusra maiki ke shadi korise tarr logote byabichar korise,” tumi janibo junto Matthew 19:9 te tate bhi kotha ase,”…khali sorir laga beya kaam nimite…” Karone, eitu kotha ke nahalibi Mark 10:11, kelemane junto ke biswas pora anuvad nokoribo. Arubhi, tumar nijor laga bhabona khan ke narakhibi nohoile shikaideya khan tumar laga girja pora. Khali motlob ke anuvad koribi junto tate Bible laga maarg te ase.
Eitukhan ke rokhabole, ekjun khan junto tumi hoshiar nohobo, tumi anuvad laga Likha khan ke purhibole lage (sabi ), anuvad laga Kotha khan sabi ) aru khulideya Kotha laga Likha khan (sabi ), sob dusra anuvad modot korise junto logote ase. Junto tumi jane Bible maarg ki laga motlob ase, aru tumi ulop anuvad koribo, biswas nathaka rasta te.
(Tumi bhi video te sabole mon thakibo http://ufw.io/guidelines_faithful.)