nag_ta/translate/figs-explicit/01.md

• Assumed Knowledge laga motlob ase jetia kotha koi thaka manu pora jani kene ase tai ki kobole ase itu taike huni thaka khan pora jani kene ase, aru tai kunba kotha taikhan ke, duita rasta pora janai diye:
• ** Explicit Information** laga motlob ase kotha kura manu pora ki koi ase.
• Implicit Knowledge ase kotha kura manu pora juntu kotha tai laga mukh pora nokoi hoilebi kunkhan tai ke huni ase taikhan kotha koa manu laga kotha pora he buji jabo lage ineka bhabe.

Bhal pora koidia

Jetia kunba kotha koi, nohoile likhe, tai pura manu nimite kiba janibole kotha, kuribole kotha nohoile bhabibole kotha koi/likhe. Tai itu inebi kobo pare. Ituke explicit information koi.

Kotha koi thaka manu pora jani kene ase tai ki kobole ase itu huni thakakhan pora olop-solop janiase. Ineka nisina somoite, tai manukhan ke sida kotha nokoi, kilekoile taikhan jani loise. Ituke assumed knowledge ineka ma-te.

Kotha kura manu toh tai laga mukh pora sob nokoi juntu kotha tai laga hisab te taike huni thaka khan tai koa somoite janibo lage. Tai kobole thaka pora tai khan janibo dibo koa toh implicit information ma-te.

Bisi bar, hunithaka khan pora itu implicit information toh taikhan ki janiase (assumed knowledge) itu logote milai kene buji loi juntu kotha koa manu pora taikhan ke koithake explicit information.

Ki nimite itu bodli kura te digdar hoithake

Itu tin-ta kisim kotha khan toh kotha koa manu laga kothakhan ase. Judi tin-ta majote ekta nathakise koile, hunithaka manukhan kotha buji napabo. Kilekoile jintu bhasa te Baibel kotha bodli kuri ase itu bisi alag ase aru jun manukhan dusra bisi alag somoi aru jaga te thakisele taikhan nimite likha ase, aru itia thaka kun khan huni ase tai khan bi bisi alag somoi aru jaga laga ase, bisi bar assumed knowledge aru implicit information toh kotha te nathake. Alag kotha te, aji kali puri thaka khan pora poila manu khan laga sob kotha toh najane. Jetia itu khan janile aru bisi bhal pora bujibole pare, tetia apni itukhan janaidia kotha nohoile footnote te likhi dibo pare.

Baibel pora udharankhan

Etu pichete ekjon likhi-thaka manu Tai logote ahise aru koise, "Hikaithaka manu, Apuni kote jai ami bi apuni pichete jabo." Jisu tai ke koise,"Shial khan chenda bhitor te thake, akash laga chiria khan pata para bona ghor te thake, kintu Manu laga Bacha nimite thakibole ghor nai." (Matthew 8:20 ULT)

Jisu toh shial aru chiriakhan ki nimite chenda aru ghor cholai itu koa nohoi, kilekoile tai janithakise likhi-thaka manu toh itu janikene ase. Itu ke assumed knowledge koi.

Jisu tai nijor ke “Ami Manu laga Putro” ase ineka koa nai, hoilebi judi likhi-thaka manu pora itu jana nai koile, itu kotha toh implicit information hobo kilemane Jisu nijor pora koa pichete he tai itu janise. Aru Jisu nijor pora koa nai Tai dusra jaga khan te safar kure koikene aru tai rati te ghumabole ghor nai. Itu ase implicit information juntu likhi-thaka manu janibo jetia Jisu koise tai laga matha rakhibole bi jaga nai koa somoi te.

"Mon dukh lage apunikhan ke, Chorazin! Mon dukh lage apunikhan ke, Bethsaida! Jodi enika asorit kam juntu apuni khan ke kuri disele ene ka kam Tyre aru Sidon nimite kuri se koile, tai khan poila para bosta laga kapur aru jui laga koila lagai kena mon ghuri lobole thaki se. Kintu moi apuni khan ke koi ase, bichar laga din te apuni khan para bi Tyre aru Sidon nimite he bisi aram hobo. (Matthew 11:21, 22 ULT)

Jisu bujikene thakise tai kun khan ke kotha koi ase taikhan jane Tyre aru Sidon toh bisi bia kam kura deshkhan ase, aru bichar laga din te Isor pora sob manu ke bichar kuribo. Jisu itu bi jani thakise kun tai laga kotha huni ase taikhan bhal manu ase koikene aru taikhan mon ghurabole nalage. Jisu itu kothakhan loikene taikhan ke koa nai. Itu ase assumed knowledge.

Iyate ekta khas kotha implicit information laga thaka toh kilemane Tai kotha koi thaka manu khan mon ghura nai, itu nimite taikhan uporte bisi jor pora Tyre aru Sidon pora bi bisi dangor bichar hobo.

Kile Apuni laga chela khan burakhan banai dia niom khan bhangai thake? Kile koile jetia taikhan ruti khai taikhan haat nadhulai kena khai. (Matthew 15:2 ULT)

Buramanu khan laga niom te kha-loa kuribole nijor hath dhulabo lage, ineka hoile dhorom laga niom hisab pora ekjon sapha hoijai. Manu khan bhabise judi taikhan itu niom cholai se koile taikhan bi dharmic hoi jabo. Itu ase assumed knowledge Pharisee khan laga juntu taikhan hisab te Jisu janibo lage. Taikhan itu kotha khan koikene chelakhan toh dhorom laga niom khan namane aru itu nimite taikhan dharmic nohoi ineka koi asile. Itu ase juntu taikhan bhabise Jisu bujibolage taikhan laga kotha koa pora.

Bodli kuribole laga rastakhan

Jodi purithaka khan logote kotha buji bole nimite assumed knowledge ase koile toh, implicit information aru explicit information logote milaikene, ineka hoile implicit information ke ineka hi rakhidibi. Judi ekta nathaka pora manu khan kotha buji napai koile, itu rastakhan sai sabi:

1. judi purithaka khan pora kotha nabuje kile koile taikhan logote kiba assumed knowledge nai, tetia utu laga explicit information koi dibi.
2. judi purithaka khan pora kotha nabuje kile koile taikhan logote kiba implicit knowledge nai, tetia itu kotha ki ase itu sida pora koi dibi, hoilebi likha laga asol manukhan nimite itu kotha notun ase ineka nalagibole nisina kuribi.

Bodli kura laga rastakhan chola laga udharan khan

1. judi purithaka khan pora kotha nabuje kile koile taikhan logote kiba assumed knowledge nai, tetia utu laga explicit information koi dibi.

• **Jisu tai ke koise, "Shial khan chenda bhitor te thake, akash laga chiria khan pata para bona ghor te thake, kintu Manu laga Putro nimite thakibole ghor nai." **(Matthew 8:20 ULT) - Assumed knowledge ase shial khan chenda bhitorte ghumai aru chiriakhan taikhan laga ghas ghor te.

• Jisu taike koise, "Shial khan thakibole chenda ase, akash laga chiria khan thakibole pata para bona ghor ase, kintu Manu laga Putro nimite matha rakhikene ghumabole ghor nai."

• bichar laga din te apuni khan para bi Tyre aru Sidon nimite he bisi aram hobo. (Matthew 11:21, 22 ULT) – Assumed knowledge ase Tyre aru Sidon laga manu khan bisi bisi bia ase. itu ke sida kobo pare.

• … apnikhan pora utu desh Tyre aru Sidonkhan bisi aram hobo, kun laga manukhan bisi bia thakise, bichar laga din te.

• nohoilebi:

• apnikhan pora toh utu bisi bia deshTyre aru Sidon khan nimite he bisi aram hobo bichar laga din te.

• Kile Apuni laga chela khan burakhan banai dia niom khan bhangai thake? Kile koile jetia taikhan ruti khai taikhan haat nadhulai kena khai. (Matthew 15:2 ULT) - Buramanu khan laga niom te kha-loa kuribole nijor hath dhulabo lage, ineka hoile dhorom laga niom hisab pora ekjon sapha hoijai. Manu khan bhabise judi taikhan itu niom cholai se koile taikhan bi dharmic hoi jabo. Itukhan ajikali amikhan leterakhan nakhabole hath sapha kura aru dhulaikene kha-loa kura nimite taikhan dhula nohoi.

• Kile Apuni laga chela khan burakhan banai dia niom khan bhangai thake? Kile koile taikhan dhorom laga niom hisab te dharmic hobole hath nadhulai kena khai.

1. judi purithaka khan pora kotha nabuje kile koile taikhan logote kiba implicit knowledge nai, tetia itu kotha ki ase itu sida pora koi dibi, hoilebi likha laga asol manukhan nimite itu kotha notun ase ineka nalagibole nisina kuribi.

• Etu pichete ekjon likhi-thaka manu Tai logote ahise aru koise, "Hikaithaka manu, Apuni kote jai ami bi apuni pichete jabo." Jisu tai ke koise,"Shial khan chenda bhitor te thake, akash laga chiria khan pata para bona ghor te thake, kintu Manu laga Bacha nimite thakibole ghor nai." (Matthew 8:19, 20 ULT) - Implicit information as Jisu nijor he Manu laga Putro ase. dusra implicit information ase judi itu manu Jisu laga piche ahibo mon ase koile, tai bhi Jisu nisina ghor nathakibo.

• Jisu taike koise,"Shial khan chendaghor ase, aru akash laga chiria khan laga pata para bona ghor ase, hoilebi Ami, Manu laga Bacha nimite aram kuribole ghor nai. Judi tumi moi ke piche kuribole mon ase koile, tumi bi Ami thaka nisina thakibo "

• Kintu moi apuni khan ke koi ase, bichar laga din te apuni khan para bi Tyre aru Sidon nimite he bisi aram hobo. (Matthew 11:21, 22 ULT)- Implicit information ase Isor pora khali bichar nakuribo; Tai pora taikhan ke sajai dibo. Ituke sida kotha pora kobo pare.

• Bichar laga din te, Isor pora Tyre aru Sidon, juntu desh khan laga manukhan bisi bia thakise, <> tumi khan pora taikhan ke komti sajai dibo.

• Bichar laga din te, Isor pora, Isor pora tumike bisi dangor sajai dibo Tyre aru Sidon pora bhi, juntu deshkhan laga manukhan bisi bia thakise.

Aji kali pura manu khan pora buji napabo pare poila manukhan pora janithaka kotha khan toh. Itu pora likha/koi thaka manu pora ki koi ase itu bujibole tan hobo pare, aru tai ke implicit rakhise itu bujibo napribo pare. Bhasa bodli kam kura khan pora itu nisina kunba khan explicit pora koi dibo lage.