9.6 KiB
9.6 KiB
ବିଧିସଙ୍ଗତ, ବିଧିସଙ୍ଗତ ନୁହେଁ, ବ୍ୟବସ୍ଥାହୀନ, ଅଧର୍ମ, ବ୍ୟବସ୍ଥା ଲଙ୍ଘନ
ପରିଭାଷା:
“ବିଧିସଙ୍ଗତ” ଶବ୍ଦ ବ୍ୟବସ୍ଥା କିମ୍ବା ଅନ୍ୟ ଆବଶ୍ୟକତା ଅନୁସାରେ କିଛି କାର୍ଯ୍ୟ କରିବାକୁ ଅନୁମତି ପ୍ରଦାନ କରିବାକୁ ବୁଝାଏ। ଏହାର ବିପରୀତ “ବିଧିସଙ୍ଗତ ନୁହେଁ” ଯାହାର ସାଧାରଣ ଅର୍ଥ “ବ୍ୟବସ୍ଥାହୀନ“ ଅଟେ ।
- ବାଇବେଲରେ ଯାହା“ବିଧିସଙ୍ଗତ” ଥିଲା ତାହା ଈଶ୍ୱରଙ୍କ ନୈତିକ ବ୍ୟବସ୍ଥା ଅନୁସାରେ କିମ୍ବା ମୋଶାଙ୍କ ବ୍ୟବସ୍ଥା ଦ୍ୱାରା କିମ୍ବା ଅନ୍ୟ ଯିହୂଦୀୟ ବ୍ୟବସ୍ଥା ଅନୁସାରେ ଅନୁମତି ପ୍ରାପ୍ତ ଥିଲା । କୌଣସି ବିଷୟ ଯାହା “ବିଧିସଙ୍ଗତ ନଥିଲା” ତାହା ସେହି ବ୍ୟବସ୍ଥାଗୁଡ଼ିକ ଦ୍ୱାରା ନିଷେଧ କରାଯାଇ ଥିଲା। “
- “ବ୍ୟବସ୍ଥା ଅନୁସାରେ” କୌଣସି ବିଷୟକୁ କରିବା ଅର୍ଥ ଏହାକୁ “ଯଥାର୍ଥ ରୂପେ” କିମ୍ବା “ସଠିକ ଭାବରେ କରିବା” ଅଟେ ।
- ଅନେକ ବିଷୟ ଯାହାକୁ ଯିହୂଦୀ ବ୍ୟବସ୍ଥାଗୁଡ଼ିକ ବିଧି ସଂଗତ କିମ୍ବା ଆଇନ୍ ସଂଗତ ନୁହେଁ ବୋଲି ଗଣନା କରୁଥିଲା ଯାହା ଈଶ୍ଵରଙ୍କର ବ୍ୟବସ୍ଥାନୁସାରେ ପରସ୍ପରକୁ ପ୍ରେମ କରିବା ନିୟମ ସହ ସହମତ ନ ଥିଲା।
- ପ୍ରସଙ୍ଗ ଉପରେରେ ଆଧାର କରି, “ବିଧିସଙ୍ଗତ” ଶବ୍ଦକୁ “ଅନୁମତି ପ୍ରାପ୍ତ” କିମ୍ବା “ଈଶ୍ୱରଙ୍କ ନୀୟମାନୁସାରେ” କିମ୍ବା “ଆମ୍ଭମାନଙ୍କ ନିୟମ ଅନୁସାରେ ଚାଲିବା” କିମ୍ବା “ଯଥାର୍ଥ ଭାବରେ” କିମ୍ବା “ଉପଯୁକ୍ତ ଭାବେ” ଭାବେ ବୋଲି ଅନୁବାଦ କରାଯାଇପାରେ ।
- “ଏହା କ'ଣ ବିଧିସଙ୍ଗତ ଅଟେ କି? ବାକ୍ୟାଂଶକୁ “କଅଣ ଆମ୍ଭମାନଙ୍କ ନିୟମ ଅନୁମତି ଦିଏ?” କିମ୍ବା “କଅଣ ଏହା ଆମ୍ଭମାନଙ୍କ ନିୟମ ଅନୁମତି ଦିଏ?” ବୋଲି ଅନୁବାଦ କରାଯାଇପାରେ I
“ବିଧିସଙ୍ଗତ ନୁହଁ” ଏବଂ “ବ୍ୟବସ୍ଥାହୀନ” ଶବ୍ଦକୁ ନିୟମ ଖଣ୍ଡନ କରିଥିବା କ୍ରିୟାକୁ ବର୍ଣ୍ଣନା କରିବାକୁ ବ୍ୟବହାର କରାଯାଏ ।
- ନୂତନ ନିୟମରେ, “ବିଧିସଙ୍ଗତ ନୁହେଁ” ଶବ୍ଦକୁ କେବଳ ଈଶ୍ୱରଙ୍କର ବ୍ୟବସ୍ଥାକୁ ଖଣ୍ଡନ କରିବାକୁ ହିଁ ଦର୍ଶାଏ ନାହିଁ କିନ୍ତୁ ଅନେକ ସମୟରେ ଯିହୁଦୀମାନଙ୍କର ନିର୍ମିତ ନିୟମ ଖଣ୍ଡନ କରିବାକୁ ମଧ୍ୟ ଦର୍ଶାଏ।
- ଅନେକ ବର୍ଷ ମଧ୍ୟରେ ଯିହୂଦୀମାନେ ଈଶ୍ୱରଙ୍କର ବ୍ୟବସ୍ଥାରେ ଆଉ ଅନେକ ନିୟମ ସଂଯୁକ୍ତ କରି ଚାଲିଲେ। ଯିହୂଦୀ ନେତାମାନେ ଅନେକ ସମୟରେ ଅନେକ ବିଷୟକୁ “ବିଧିସଙ୍ଗତ ନୁହେଁ” ବୋଲି ବିବେଚନା କରୁଥିଲେ ଯଦି ଏହା ମନୁଷ୍ୟ ନିର୍ମିତ ନିୟମ ଅନୁସାରେ ନ ଥାଏ।
- ଯେବେ ଯୀଶୁ ଓ ତାହାଙ୍କର ଶିଷ୍ୟମାନେ ବିଶ୍ରାମ ଦିନରେ ଶସ୍ୟ ଛିଡାଉଥିଲେ ସେତେବେଳେ ଫାରୂଶୀମାନେ ସେମାନଙ୍କୁ ଦୋଷାରୋପ କରି କହିଲେ ଯେ ଏହା “ବିଧିସଙ୍ଗତ ନୁହେଁ” କାରଣ ବିଶ୍ରାମ ଦିନରେ କାର୍ଯ୍ୟ କରିବା ଯିହୂଦୀ ନିୟମ ବାହାରେ ଥିଲା।
- ପିତର ଯେବେ କହିଲେ ଅଶୁଚି ଖାଦ୍ୟ ଭୋଜିନ କରିବା ତାହା ନିମନ୍ତେ “ବିଧିସଙ୍ଗତ ନୁହେଁ,” ତାହାର କହିବାର ଅର୍ଥ ଯଦି ସେ ଏହି ପ୍ରକାରର ଖାଦ୍ୟ ଖାଏ ତେବେ ସେ ଈଶ୍ୱରଙ୍କର ବିଧି ଖଣ୍ଡନ କରେ ଯାହା ଇସ୍ରାଏଲ ଲୋକମାନଙ୍କୁ କେତେକେ ଖାଦ୍ୟ ଭୋଜନ କରିବାରୁ ନିବୃତ ରଖେ।
“ବ୍ୟବସ୍ଥାହୀନ” ଶବ୍ଦ ଜଣେ ବ୍ୟକ୍ତିକୁ ବର୍ଣ୍ଣନା କରେ ଯିଏ ନିୟମ କିମ୍ବା ବ୍ୟବସ୍ଥାକୁ ପାଳନ କରେ ନାହିଁ । ଯେବେ କୌଣସି ଦେଶ ବା ଗୋଷ୍ଠୀ “ବ୍ୟବସ୍ଥାହୀନ” ଅବସ୍ଥାରେ ଥାଆନ୍ତି, ସେତେବେଳେ ବ୍ୟାପକ ଅବମାନନା, ବିଦ୍ରୋହ କିମ୍ବା ଅନୈତିକତା ଦେଖିବାକୁ ମିଳେ ।
- ଜଣେ “ବ୍ୟବସ୍ଥାହୀନ” ବ୍ୟକ୍ତି ବିଦ୍ରୋହୀ ଅଟେ ଏବଂ ଈଶ୍ଵରଙ୍କ ଆଜ୍ଞା ପାଳନ କରେ ନାହିଁ।
- ପ୍ରେରିତ ପାଉଲ କହନ୍ତି ଯେ ଅନ୍ତିମ ଦିନରେ “ବ୍ୟବସ୍ଥାହୀନ ବ୍ୟକ୍ତି” କିମ୍ବା ଲୋକେ “ବିଧିହୀନ” ହେବେ, ଯିଏ ଶୟତାନ ଦ୍ୱାରା ପ୍ରଭାବିତ ହୋଇ ସମସ୍ତ ମନ୍ଦ କର୍ମ କରିବେ।
ଅନୁବାଦ ପ୍ରସ୍ତାବଗୁଡ଼ିକ:
- “ବିଧିସଙ୍ଗତ ନୁହେଁ” ଶବ୍ଦକୁ “ବ୍ୟବସ୍ଥାହୀନ” କିମ୍ବା “ନିୟମ ଖଣ୍ଡନ” ବୋଲି ଅନୁବାଦ କରାଯାଏ।
- “ବିଧିସଙ୍ଗତ ନୁହେଁ” ବାକ୍ୟାଂଶକୁ “ଅନୁମତି ନାହିଁ” କିମ୍ବା “ଈଶ୍ୱରଙ୍କର ନୀୟମାନୁସାରେ ନୁହେଁ“ କିମ୍ବା “ଆମ୍ଭ ନିୟମ ଅନୁସାରେ ନୁହେଁ” ବୋଲି ଅନୁବାଦ କରାଯାଇପାରେ।
- “ନିୟମ ବିରୋଧୀ” ଅଭିବ୍ୟକ୍ତିକୁ “ବିଧିସଙ୍ଗତ ନୁହେଁ” ବୋଲି ଅନୁବାଦ କରାଯାଇପାରେ ।
- “ବ୍ୟବସ୍ଥାହୀନ” ଶବ୍ଦକୁ “ବିଦ୍ରୋହୀକାରୀ” କିମ୍ବା “ଅନାଜ୍ଞାକାରୀ” କିମ୍ବା “ନିୟମ ଖଣ୍ଡନକାରୀ” ବୋଲି ଅନୁବାଦ କରାଯାଇପାରେ I
- “ଅରାଜକତା” ଶବ୍ଦକୁ “କୌଣସି ନିୟମକୁ ନମାନିବା” କିମ୍ବା ବିଦ୍ରୋହ “(ଈଶ୍ୱରଙ୍କର ନିୟମର) କରିବା”ବୋଲି ଅନୁବାଦ କରାଯାଇପାରେ I
- “ବ୍ୟବସ୍ଥାହୀନ ମନୁଷ୍ୟ” ବାକ୍ୟାଂଶକୁ “ଯେଉଁ ବ୍ୟକ୍ତି କୌଣସି ନିୟମ ପାଳନ କରେ ନାହିଁ” କିମ୍ବା “ମନୁଷ୍ୟ ଯେ ଈଶ୍ୱରଙ୍କର ନିୟମ ବିରୁଦ୍ଧରେ ବିଦ୍ରୋହ କରେ” ବୋଲି ଅନୁବାଦ କରାଯାଇ ପାରେ ।
- ଯଦି ସମ୍ଭବ ତେବେ ଏହି ଶବ୍ଦରେ “ନିୟମର” ଧାରଣା ରଖିବା ଆବଶ୍ୟକ ଅଟେ।
- ମନେ ରଖନ୍ତୁ “ବିଧିସଙ୍ଗତ ନୁହେଁ” ଶବ୍ଦର ଏହି ଅର୍ଥରୁ ଭିନ୍ନ ଅର୍ଥ ମଧ୍ୟ ଅଛି।
(ଦେଖନ୍ତୁ: ନିୟମ, ବ୍ୟବସ୍ଥା, ମୋଶା, ବିଶ୍ରାମ ଦିନ)
ବାଇବେଲ ପଦପର୍ବ:
- ମାଥିଉ ୭:୨୧-୨୩
- ମାଥିଉ ୧୨:୨
- ମାଥିଉ ୧୨:୪
- ମାଥିଉ ୧୨:୧୦
- ମାର୍କ ୩:୪
- ଲୂକ ୬:୨
- ପ୍ରେରିତ ୨:୨୩
- ପ୍ରେରିତ ୧୦:୨୮
- ପ୍ରେରିତ ୨୨:୨୫
- ୨ ଥେସଲନୀକୀୟ ୨:୩
- ତୀତସ ୨:୧୪
- ୧ ଯୋହନ ୩:୪-୬
ଶବ୍ଦବିନ୍ୟାସ:
- Strong’s: H6530, G01110, G01130, G02660, G04580, G04590, G18320, G35450