7.2 KiB
7.2 KiB
ದೈವಭಕ್ತಿಯುಳ್ಳ, ದೈವಭಕ್ತಿ, ದೈವಭಕ್ತಿಯಿಲ್ಲದ, ದೈವಹೀನ, ಭಕ್ತಿಹೀನತೆ, ದೇವರಿಲ್ಲದಿರುವಿಕೆ
ಪದದ ಅರ್ಥವಿವರಣೆ:
“ದೈವಭಕ್ತಿಯುಳ್ಳ” ಎನ್ನುವ ಪದವನ್ನು ದೇವರು ಏನೆಂದು ತೋರಿಸುವ ವಿಧಾನದಲ್ಲಿ ಮತ್ತು ದೇವರನ್ನು ಘನಪಡಿಸುವ ವಿಧಾನದಲ್ಲಿ ಜೀವಿಸುವ ಒಬ್ಬ ವ್ಯಕ್ತಿಯನ್ನು ವಿವರಿಸುವುದಕ್ಕೆ ಉಪಯೋಗಿಸಲಾಗಿರುತ್ತದೆ. “ದೈವಭಕ್ತಿ” ಎನ್ನುವುದು ದೇವರ ಚಿತ್ತವನ್ನು ಮಾಡುವುದರ ಮೂಲಕ ದೇವರನ್ನು ಘನಪಡಿಸುವ ನಡತೆಯ ಗುಣ.
- ದೈವಿಕ ಗುಣಲಕ್ಷಣವನ್ನು ಹೊಂದಿರುವ ಒಬ್ಬ ವ್ಯಕ್ತಿ ಪವಿತ್ರಾತ್ಮನ ಫಲಗಳಾಗಿರುವ ಪ್ರೀತಿ, ಸಂತೋಷ, ಸಮಾಧಾನ, ಸಹನೆ, ದಯೆ ಮತ್ತು ಶಮೆದಮೆಗಳನ್ನು ತೋರಿಸುತ್ತಾನೆ.
ದೈವಭಕ್ತಿಯ ಗುಣವು ಒಬ್ಬ ವ್ಯಕ್ತಿಯು ಪವಿತ್ರಾತ್ಮನನ್ನು ಹೊಂದಿದ್ದಾನೆಂದು ಮತ್ತು ಅವನು ಆತನಿಗೆ ವಿಧೇಯನಾಗುತ್ತಿದ್ದಾನೆಂದು ತೋರಿಸುತ್ತದೆ.
“ದೈವಭಕ್ತಿಯಿಲ್ಲದ” ಮತ್ತು “ದೇವರಿಲ್ಲದ” ಎನ್ನುವ ಪದಗಳು ದೇವರಿಗೆ ವಿರುದ್ಧವಾಗಿ ತಿರಸ್ಕಾರ ಮಾಡುವ ಜನರನ್ನು ಸೂಚಿಸುತ್ತವೆ. ದೇವರ ಆಲೋಚನೆ ಇಲ್ಲದೇ ದುಷ್ಟ ಮಾರ್ಗದಲ್ಲಿ ಜೀವಿಸುವುದೆನ್ನುವುದು “ಭಕ್ತಿಹೀನತೆ” ಅಥವಾ “ದೇವರಿಲ್ಲದಿರುವಿಕೆ” ಎಂದೂ ಕರೆಯುತ್ತಾರೆ.
- ಈ ಪದಗಳಿಗೆ ಅರ್ಥಗಳೆಲ್ಲವು ಸಮಾನವಾಗಿರುತ್ತವೆ. ಆದರೆ, “ದೈವಹೀನ” ಅಥವಾ “ದೇವರಿಲ್ಲದಿರುವಿಕೆ” ಎನ್ನುವ ಪದಗಳು ಹೆಚ್ಚಿನ ತೀವ್ರ ಸ್ಥಿತಿಯನ್ನು ವಿವರಿಸುತ್ತಿವೆ, ಅಂದರೆ ಜನರಾಗಲಿ ಅಥವಾ ದೇಶಗಳಾಗಲಿ ದೇವರ ಕುರಿತಾಗಿ ಸ್ವಲ್ಪವು ಗೊತ್ತಿಲ್ಲದಿರುವುದನ್ನು ಅಥವಾ ಅವರನ್ನು ಆಳುವುದಕ್ಕೆ ಆತನಿಗೆ ಅಧಿಕಾರ ಇದೆಯೆನ್ನುವ ಚಿಕ್ಕ ಸಂಗತಿಯು ತಿಳಿದವರನ್ನು ಸೂಚಿಸುತ್ತಿವೆ.
- ದೇವರು ಭಕ್ತಿಹೀನರಾದ ಜನರ ಮೇಲೆ ಮತ್ತು ಆತನ ಮಾರ್ಗಗಳನ್ನು, ಆತನನ್ನು ತಿರಸ್ಕರಿಸುವ ಪ್ರತಿಯೊಬ್ಬರ ಮೇಲೆ ತನ್ನ ತೀರ್ಪನ್ನು ಮತ್ತು ಕೋಪವನ್ನು ಪ್ರಕಟಿಸುತ್ತಾನೆ,
ಅನುವಾದ ಸಲಹೆಗಳು:
- “ದೈವಭಕ್ತಿಯುಳ್ಳ” ಎನ್ನುವ ಮಾತನ್ನು “ದೈವಭಕ್ತಿಯುಳ್ಳ ಜನರು” ಅಥವಾ “ದೇವರಿಗೆ ವಿಧೇಯರಾಗುವ ಜನರು” ಎಂದೂ ಅನುವಾದ ಮಾಡಬಹುದು. (ನೋಡಿರಿ: ನಾಮಾಂಕಿತ)
- “ದೈವಭಕ್ತಿಯುಳ್ಳ” ಎನ್ನುವ ವಿಶೇಷಣವನ್ನು “ದೇವರಿಗೆ ವಿಧೇಯನಾಗುವ” ಅಥವಾ “ನೀತಿವಂತ” ಅಥವಾ ದೇವರನ್ನು ಮೆಚ್ಚಿಸುವ” ಎಂದೂ ಅನುವಾದ ಮಾಡಬಹುದು.
- “ದೈವಿಕ ಪದ್ಧತಿಯಲ್ಲಿ” ಎನ್ನುವ ಮಾತನ್ನು “ದೇವರಿಗೆ ವಿಧೇಯತೆ ತೋರಿಸುವ ವಿಧಾನದಲ್ಲಿ” ಅಥವಾ “ದೇವರನ್ನು ಮೆಚ್ಚಿಸುವ ಕ್ರಿಯೆಗಳು ಮತ್ತು ಮಾತುಗಳು” ಎಂದೂ ಅನುವಾದ ಮಾಡಬಹುದು.
- “ದೈವಭಕ್ತಿ” ಎನ್ನುವ ಪದವನ್ನು ಅನುವಾದ ಮಾಡುವ ವಿಧಾನಗಳಲ್ಲಿ “ದೇವರನ್ನು ಮೆಚ್ಚಿಸುವ ವಿಧಾನದಲ್ಲಿ ನಡೆದುಕೊಳ್ಳುವುದು” ಅಥವಾ “ದೇವರಿಗೆ ವಿಧೇಯತೆ ತೋರಿಸುವುದು” ಅಥವಾ “ನೀತಿಯುತ ಮಾರ್ಗದಲ್ಲಿ ಜೀವಿಸುವುದು” ಎನ್ನುವ ಮಾತುಗಳು ಒಳಗೊಂಡಿರುತ್ತವೆ.
- ಸಂದರ್ಭಾನುಸಾರವಾಗಿ “ದೈವಭಕ್ತಿಯಿಲ್ಲದ” ಎನ್ನುವ ಪದವನ್ನು “ದೇವರಿಗೆ ಮೆಚ್ಚಿಕೆಯಾಗದಿರುವುದು” ಅಥವಾ “ಅನೈತಿಕತೆ” ಅಥವಾ “ದೇವರಿಗೆ ಅವಿಧೇಯರಾಗುವುದು” ಎಂದೂ ಅನುವಾದ ಮಾಡಬಹುದು.
- “ದೈವಹೀನ” ಮತ್ತು “ದೇವರಿಲ್ಲದಿರುವಿಕೆ” ಎನ್ನುವ ಪದಗಳು “ದೇವರಿಲ್ಲ” ಜನರು ಅಥವಾ “ದೇವರ ಆಲೋಚನೆ ಇಲ್ಲದವರು” ಅಥವಾ “ದೇವರನ್ನು ಮರೆತು ನಡೆದುಕೊಳ್ಳುವುದು” ಎನ್ನುವ ಅಕ್ಷರಾರ್ಥಗಳಿವೆ.
- “ಭಕ್ತಿಹೀನತೆ” ಅಥವಾ “ದೇವರಿಲ್ಲದಿರುವಿಕೆ” ಎನ್ನುವ ಪದಗಳನ್ನು ಅನುವಾದ ಮಾಡುವ ಬೇರೊಂದು ವಿಧಾನಗಳಲ್ಲಿ “ದುಷ್ಟತನ” ಅಥವಾ “ಕೆಟ್ಟ” ಅಥವಾ “ದೇವರನ್ನು ತಿರಸ್ಕರಿಸುವುದು” ಎಂದು ಅನುವಾದ ಮಾಡಬಹುದು.
(ಈ ಪದಗಳನ್ನು ಸಹ ನೋಡಿರಿ : ಕೆಟ್ಟ, ಘನಪಡಿಸು, ವಿಧೇಯತೆ, ನೀತಿವಂತ)
ಸತ್ಯವೇದದ ಅನುಬಂಧ ವಾಕ್ಯಗಳು :
- ಯೋಬ.27:8-10
- ಜ್ಞಾನೋ.11:9-11
- ಅಪೊ.ಕೃತ್ಯ.03:11-12
- 1 ತಿಮೊಥೆ.01:9-11
- 1 ತಿಮೊಥೆ.04:6-8
- 2 ತಿಮೊಥೆ.03:10-13
- ಇಬ್ರಿ.12:14-17
- ಇಬ್ರಿ.11:7
- 1 ಪೇತ್ರ.04:17-19
- ಯೂದ.01:14-16
ಪದ ಡೇಟಾ:
- Strong's: H430, H1100, H2623, H5760, H7563, G516, G763, G764, G765, G2124, G2150, G2152, G2153, G2316, G2317