48 lines
5.0 KiB
Markdown
48 lines
5.0 KiB
Markdown
# 27. Меҳрибон самариялик ҳақида ҳикоя
|
||
|
||
![Frame 27-01](https://cdn.door43.org/obs/jpg/360px/obs-en-27-01.jpg)
|
||
|
||
Бир куни Исонинг олдига яҳудийлар Қонунининг муаллими келиб, одамларга Исонинг таълимоти нотўғри эканини кўрсатмоқчи бўлади. Шунинг учун у шундай деди: “Устоз, абадий ҳаёттга эга бўлиш учун нима қилишим керак?”. Исо жавобан: “Худонинг Қонунида нима деб ёзилган?” — деди.
|
||
|
||
![Frame 27-02](https://cdn.door43.org/obs/jpg/360px/obs-en-27-02.jpg)
|
||
|
||
У одам шундай жавоб берди: “У ерда: “Эганг Худони бутун қалбинг, жону дилинг, онгинг ва кучинг билан сев. Яқинингни ўзингни севгандай сев” деб ёзилган”. Исо айтди: “Сен тўғри жавоб бердинг! Шуларни бажарсанг, абадий ҳаётга эга бўласан”.
|
||
|
||
![Frame 27-03](https://cdn.door43.org/obs/jpg/360px/obs-en-27-03.jpg)
|
||
|
||
Қонун муаллими одамларга ўзининг ҳаёт тарзи тўғри эканлигини кўрсатмоқчи бўлиб, Исодан: “Менинг яқиним ким?” — деб сўради.
|
||
|
||
![Frame 27-04](https://cdn.door43.org/obs/jpg/360px/obs-en-27-04.jpg)
|
||
|
||
Бунга жавобан Исо Қонун муаллимига бир ҳикоя сўзлаб берди: “Бир куни яҳудий инсон Қуддусдан Ерихога кетаётган эди.
|
||
|
||
![Frame 27-05](https://cdn.door43.org/obs/jpg/360px/obs-en-27-05.jpg)
|
||
|
||
Йўлда унга қароқчилар ҳужум қилди. Унинг бор нарсаларини олиб қўйиб, ўлгидек калтаклаб, сўнг ғойиб бўлдилар.
|
||
|
||
![Frame 27-06](https://cdn.door43.org/obs/jpg/360px/obs-en-27-06.jpg)
|
||
|
||
Кўп ўтмай, худди шу йўлдан яҳудий руҳонийси ўтарди. У йўлда ётган одамни кўриб, йўлнинг нариги тарафига ўтди. Сўнгра руҳоний бу одамга ёрдам бериш ўрнига ўз йўлида давом этди.
|
||
|
||
![Frame 27-07](https://cdn.door43.org/obs/jpg/360px/obs-en-27-07.jpg)
|
||
|
||
Кейин бу йўлдан леви ўтарди. Леви — маъбадда хизмат қиладиган, Левилар авлодидан бўлган яҳудийдир. У калтакланган одамнинг олдига келиб, унга қаради ва ёрдам бермасдан ўз йўлида давом эди.
|
||
|
||
![Frame 27-08](https://cdn.door43.org/obs/jpg/360px/obs-en-27-08.jpg)
|
||
|
||
Левидан кейин бу йўлдан Самариялик бир одам ўтиб кетарди. Ўша вақтда самарияликлар ва яҳудийлар бир-бирларидан нафратланардилар ва ҳатто бир-бирлари билан мулоқот қилмасдилар. Самариялик йўлда калтакланган одамни кўрди. У бу одамнинг яҳудийлигини билса ҳам, бари бир унга меҳр-шавқат кўрсатди. Самариялик калтакланган одамнинг олдига бориб, унинг яраларини боғлади.
|
||
|
||
![Frame 27-09](https://cdn.door43.org/obs/jpg/360px/obs-en-27-09.jpg)
|
||
|
||
Сўнг Самариялик одам уни кўтариб, эшагининг устига миндирди ва йўл бўйида жойлашган меҳмонхонага олиб борди. У ерда Самариялик бу одамни парвариш қилишни давом эттирди.
|
||
|
||
![Frame 27-10](https://cdn.door43.org/obs/jpg/360px/obs-en-27-10.jpg)
|
||
|
||
Кейинги кун Самариялик одам йўлини давом эттириши керак эди. У меҳмонхона эгасига пул берди-да, шундай деди: “Бу одамга ғамхўрлик қилишингизни сўрайман. Агар сизга берганимдан кўпроқ пул сарфласангиз, қайтганимда харажатларингизни қоплайман””.
|
||
|
||
![Frame 27-11](https://cdn.door43.org/obs/jpg/360px/obs-en-27-11.jpg)
|
||
|
||
Исо Қонун муаллимидан сўради: “Нима деб ўйлайсан, таланган ва калтакланган одам учун шу уч кишидан қайси бири яқини бўлиб чиқди?” Қонун муаллими: “Унга раҳм-шафқат кўрсатиб, ёрдам бергани” — деб жавоб берди. Исо унга деди: “Бориб, сен ҳам шундай қил”.
|
||
|
||
_Муқаддас Китоб ҳикояси Луқо Хушхабари 10:25-37 дан олинган_
|