40 lines
4.4 KiB
Markdown
40 lines
4.4 KiB
Markdown
# 33. Деҳқон ҳақидаги ҳикоя
|
||
|
||
![Frame 33-01](https://cdn.door43.org/obs/jpg/360px/obs-en-33-01.jpg)
|
||
|
||
Бир куни Исо кўлнинг бўйида эди. У оломонга таълим берарди. Уни тинглаш учун жуда кўп одам йиғилди. Шунинг учун У сувдаги қайиққа тушиб, одамлар уни бемалол эшитишлари ва кўришлари учун, бироз сузиб кетди. Қайиққа ўтириб, У одамларни ўқита бошлади.
|
||
|
||
![Frame 33-02](https://cdn.door43.org/obs/jpg/360px/obs-en-33-02.jpg)
|
||
|
||
Исо Уни тинглаётган одамларга шундай ҳикоя сўзлаб берди: “Бир деҳқон уруғ экишга чиқди. У уруғ сепаётганида, уруғнинг бир қисми тасодифан йўл бўйига тушди. Қушлар келиб, уруғларни чўқиб кетишди.
|
||
|
||
![Frame 33-03](https://cdn.door43.org/obs/jpg/360px/obs-en-33-03.jpg)
|
||
|
||
Бошқа уруғлар тупроқ кам бўлган тошлоқ ерга тушди. Тошли ердаги уруғлар тезда униб чиқди, аммо уларнинг илдизлари тупроққа чуқур кира олмади. Қуёш кўтарилиб, иссиқ бўлганида, ниҳоллар қуриб, нобуд бўлди.
|
||
|
||
![Frame 33-04](https://cdn.door43.org/obs/jpg/360px/obs-en-33-04.jpg)
|
||
|
||
Тиканли буталар орасига тушган уруғлар ҳам бор эди. Бу уруғлар униб чиқа бошлаганди, аммо тиканлар уларни бўғиб қўйди. Шунинг учун тиканлар орасида ўсган ўсимликлар ҳеч қандай дон ҳосил қилмади.
|
||
|
||
![Frame 33-05](https://cdn.door43.org/obs/jpg/360px/obs-en-33-05.jpg)
|
||
|
||
Яхши тупроққа тушган уруғлар ҳам бор эди. Улар ўсиб, экилганидан 30, 60 ва ҳатто 100 баравар кўп уруғ келтирди. Ким Худога эргашишни хоҳласа, Менинг гапларимга эътибор берсин!”
|
||
|
||
![Frame 33-06](https://cdn.door43.org/obs/jpg/360px/obs-en-33-06.jpg)
|
||
|
||
Шогирдлар бу ҳикояни тушунмадилар, аммо Исо улар билан ёлғиз қолганда унинг маъносини тушунтирди: “Уруғлар — бу Худонинг Каломи. Йўл — бу Худонинг каломини эшитадиган, лекин уни тушунмайдиган одам. Шу сабабли шайтон одам ишонмаслиги ва нажот топмаслиги учун ундан Сўзни ўғирлайди.
|
||
|
||
![Frame 33-07](https://cdn.door43.org/obs/jpg/360px/obs-en-33-07.jpg)
|
||
|
||
Тошлоқ ер — шундай одамки, у Худонинг Сўзини эшитади ва уни севинч билан қабул қилади. Бироқ қийинчилик келганида ёки бошқа одамлар уни азоб чекишга мажбур қилганида, у Худодан қайтади. Худога ишонч билдирмай қўяди.
|
||
|
||
![Frame 33-08](https://cdn.door43.org/obs/jpg/360px/obs-en-33-08.jpg)
|
||
|
||
Тиканакли ер — шундай одамки, у Худонинг Сўзини эшитади. Аммо у турли нарсалар ташвишига тушиб, кўпроқ пул топишга ҳаракат қилади ва анча нарсага эга бўлишга уринади. Бир оздан сўнг у Худони севмай қўяди. Худонинг Сўзидан ўрганганлари эса Худони мамнун қилишга ёрдам бермай қўяди. Бундай одам дони бўлмаган буғдой поясига ўхшайди.
|
||
|
||
![Frame 33-09](https://cdn.door43.org/obs/jpg/360px/obs-en-33-09.jpg)
|
||
|
||
Яхши тупроқдаги уруғлар эса шундай одамки, у Худонинг Сўзини эшитади, бу Сўзга ишонади ва шу сабабли ҳосил келтиради”.
|
||
|
||
_Муқаддас Китоб ҳикояси Матто Хушхабари 13:1-8, 18-23, Марк Хушхабари 4:1-8, 13-20 ва Луқо Хушхабари 8:4-15 дан олинган_
|