40 lines
4.6 KiB
Markdown
40 lines
4.6 KiB
Markdown
# 40. Иисусос примардэ ко трушул.
|
||
|
||
![Frame 40-01](https://cdn.door43.org/obs/jpg/360px/obs-en-40-01.jpg)
|
||
|
||
Тэнче сыр счингирдэ чукненса римска мануша лыджинэ Иисусос, соб тэ прымарэн Лэс по трушул. Ёнэ дынэ Лэскэ тэ лыджял трушул, пэ саво Лэс прымарэна.
|
||
|
||
![Frame 40-02](https://cdn.door43.org/obs/jpg/360px/obs-en-40-02.jpg)
|
||
|
||
Иисусос яндэ по штэто, саво кхарэлпэ Голгофа, пэ саво ракирэн «Черепо». Одой Лэс примардэ ко трушул, примардэ Лэскирэ васта и гэра. Иисусо подыкхья до болыбэн и пхэндя: «Дадо, простинэ лэн, пал дава со на джинэн, со кэрэн». Римска мануша примардэ табличка паш шэро Иисусоско. Пэ латэ сыс чиндо «Царё иудейско», сыр припхэндя тэ чинэ Пилато.
|
||
|
||
![Frame 40-03](https://cdn.door43.org/obs/jpg/360px/obs-en-40-03.jpg)
|
||
|
||
Римска мануша чурдэнас жребиё, соб тэ джинэн, конэскэ дорэсэлапэ Иисусоскири идя. Адякэ сыс сыр пхэндэ пророки дэ Дэвлэско Лав: «Ёнэ росчурдынэ идя машкир пэстэ и чурдэнас пал латэ жребиё».
|
||
|
||
![Frame 40-04](https://cdn.door43.org/obs/jpg/360px/obs-en-40-04.jpg)
|
||
|
||
Паш Иисусостэ сыс примардэ дуй чёра, чудэ лэнгирэ трушила пэ дуй рига Лэстыр. Екх чёр лыя тэ подсал Иисусос, а авир пхэндя лэскэ: «Хиба ту на дарэс, кай Дэвэл марла тут? Амэ бангэ дэ дова со кэрдям дэ, а адава Мануш нанэ банго ни дэсо». Тэнче ёв пхэндя Иисусоскэ: «Мангав Тут, зрипир ман, сур явэса дэ Пэскиро Царство». Иисусо пхэндя лэскэ: «Дадэвэс ту авэса Манса дэ раё».
|
||
|
||
![Frame 40-05](https://cdn.door43.org/obs/jpg/360px/obs-en-40-05.jpg)
|
||
|
||
Сарэ мануша, и барэ рашая, мануша савэ куч джинэн Законо и пхурэ мануша подсанас Иисусос. Ёнэ ракирэнас Лэскэ: «Сыр Ту — Дэвлэскиро Чяво, то зджя трушулэстыр и заракх кокоро Пэс! Тэнче амэ патяса дэ Тутэ».
|
||
|
||
![Frame 40-06](https://cdn.door43.org/obs/jpg/360px/obs-en-40-06.jpg)
|
||
|
||
И болыбэн покалыя, а и сыс ада машкир дэвэс. И дава калыпэн джялас трин чясы.
|
||
|
||
![Frame 40-07](https://cdn.door43.org/obs/jpg/360px/obs-en-40-07.jpg)
|
||
|
||
Тэнче Иисусо дрыван пхэндя: «Скэрдяпэ! Дад, Мэ одав Миро Духо дэ Тырэ васта». Тэнче Ёв обмэкья шэро и мэя. И лыя тэ тринскирэлпэ пхув. А дэ Кхыр Дэвлэско бари цэрга, сави закэрэл манушэн Дэвлэстыр, росчиндяпэ пэ дуй рига упрал кэ низо.
|
||
|
||
![Frame 40-08](https://cdn.door43.org/obs/jpg/360px/obs-en-40-08.jpg)
|
||
|
||
Кана сыр Иисусо мэя Ёв откэрдя дром манушэнгэ, соб сарэ тэ явэн ко Дэвэл. Сыр римско мануш, саво ракхэлас Иисусос, удыкхья саро, со сыс, ёв пхэндя: «Адава Мануш чячё сыс нанэ банго! Ёв — Дэвлэско Чяво».
|
||
|
||
![Frame 40-09](https://cdn.door43.org/obs/jpg/360px/obs-en-40-09.jpg)
|
||
|
||
Тэнче дуй мануша — Иосифо мануш иудейсконэ шэралэндыр и фарисеё Никадимо — явнэ ко Пилато тэ мангэн кэ ёв трупо Иисусоско. Ёнэ патянас со Иисусо сыс Мессия. Иосифо и Никадимо закэрдэ трупо дэ цэрга, отлыджинэ кэ гробница, сови кэрды дэ бэрга, и чидэ Лэс одорик. Тэнче ёнэ причидэ баро бар кэ гробница, соб тэ на заджял ни кон.
|
||
|
||
_Библейско история Евангелия Матфеёстыр 27:27-61, Евангелия Маркостыр 15:16-47, Евангелия Лукастыр 23:26-56 и Евангелия Иоанностыр 19:17-42_
|