48 lines
4.6 KiB
Markdown
48 lines
4.6 KiB
Markdown
# 27. История лачё самарянино.
|
||
|
||
![Frame 27-01](https://cdn.door43.org/obs/jpg/360px/obs-en-27-01.jpg)
|
||
|
||
Екхвар ко Иисусо явья мануш, саво джинэл иудейско законо ваш дова, соб тэ сыкавэ манушэнгэ, со сыклярибэн Иисусоско сыс нанэ дасаво, пал дова ёв пхэндя: «Сыклымарё, со мэ тэ кэрав, соб тэ авав до вечно джиипэн?» и Иисусо лэстыр пучя: «А со чиндо дэ Дэвлэско Законо?»
|
||
|
||
![Frame 27-02](https://cdn.door43.org/obs/jpg/360px/obs-en-27-02.jpg)
|
||
|
||
Одова мануш пхэндя: «Дэ лэстэ пхэндо: “Кам пэскирэ Дэвлэс, сарэ илэса тырэса, сарэ зорьяса и годяса. И кам кон паш тутэ, сыр камэс кокоро пэс”». Иисусо пхэндя: «Ту чячё пхэндян! Сыр ту ада кэрэса, то авэла тукэ вечно джиипэн»
|
||
|
||
![Frame 27-03](https://cdn.door43.org/obs/jpg/360px/obs-en-27-03.jpg)
|
||
|
||
Мануш, саво куч джинэл законо камья тэ сыкавэл манушэнгэ, со лэскиро джиипэн чячуно, пал дава ёв пучя ко Иисусо: «А кон мангэ пэскиро?»
|
||
|
||
![Frame 27-04](https://cdn.door43.org/obs/jpg/360px/obs-en-27-04.jpg)
|
||
|
||
Иисуса роспхэндя адалэскэ манушэскэ екх история: «Екхвар екх евреё джялас Иерусалимостыр до Иерихоно.
|
||
|
||
![Frame 27-05](https://cdn.door43.org/obs/jpg/360px/obs-en-27-05.jpg)
|
||
|
||
Пир дром пэ лэстэ чурдынэпэ чёра. Ёнэ отлынэ саро, со лэстэ сыс, до мардэ адякэ со ёв гин мэя, а тэнче унашнэ.
|
||
|
||
![Frame 27-06](https://cdn.door43.org/obs/jpg/360px/obs-en-27-06.jpg)
|
||
|
||
Сыго пир дава дром проджялас еврейско рашай. Ёв дыкхья, со по дром пашло мануш, нэ пиригия пэ авир риг. Тэнче рашай гия дурэдыр пир пэскиро дром, на протырдыя лэскэ васт, и надыя лэскэ со трэби.
|
||
|
||
![Frame 27-07](https://cdn.door43.org/obs/jpg/360px/obs-en-27-07.jpg)
|
||
|
||
Тэнче пир дром проджялас левито. Левито – ада евреё родостыр Левия, саво кэрлас буты до кхыр Дэвлэско. Ёв подгия, подыкхья пэ далэ манушэстэ и гия дурэдыр на протырдыя лэскэ васт.
|
||
|
||
![Frame 27-08](https://cdn.door43.org/obs/jpg/360px/obs-en-27-08.jpg)
|
||
|
||
Пал левитостэ пир дава дром джялас мануш Самариятыр. Дэ долэ дэвэса самаряни и евреи на камэнас екх екхэс и на ракирэнас машкир пэстэ. Самарянино удыкхья по дром помардэс манушэс. Ёв полыя, со адава мануш евреё, нэ ёв всаек протырдыя лэскэ васт. Самарянино подгия кэ ёв и пирипхандя лэскирэ дукха.
|
||
|
||
![Frame 27-09](https://cdn.door43.org/obs/jpg/360px/obs-en-27-09.jpg)
|
||
|
||
Тэнче ёв гадыя лэс, чидя пэ пэскирэстэ ослостэ и отлыджия дэ гостиница, сави сыс пашо дром. Одой самарянино адякэ ж дыкхэлас пал лэстэ.
|
||
|
||
![Frame 27-10](https://cdn.door43.org/obs/jpg/360px/obs-en-27-10.jpg)
|
||
|
||
Пэ авир дэвэс самарянино трэби сыс тэ джял дурэдыр. Ёв дыя ловэ манушэскэ, саво сыс хулай дэ гостиница, и пхэндя: «Подыкх пал адалэстэ манушэстэ. Сыр ту роскэрэса бутыр долэстыр, со мэ тукэ дыём, мэ до покинава тукэ сыр рисёвава».
|
||
|
||
![Frame 27-11](https://cdn.door43.org/obs/jpg/360px/obs-en-27-11.jpg)
|
||
|
||
Иисусо пучя ко мануш, саво куч джинэл законо: «Сыр ту думинэс, кон лэндыр тринэндыр сыс пэскиро ваш манушэскэ, савэс обчёрдэ чёра и помардэ?» Ёв пхэндя: «Одова, саво на ачкирдя лэс до пхарипэн». Иисусо пхэпдя лэскэ: «Джя и кэр адякэ сыр ёв.».
|
||
|
||
_Библейско история Евангелия Лукастыр 10:25-37_
|