40 lines
4.3 KiB
Markdown
40 lines
4.3 KiB
Markdown
# 24. Иоанно болэл Иисусос.
|
||
|
||
![Frame 24-01](https://cdn.door43.org/obs/jpg/360px/obs-en-24-01.jpg)
|
||
|
||
Иоанно, чяво Захариёско и Елисаветако, выбария и ачя пророко. Ёв дживэлас дэ пустыня, и халас дико ягвин и саранчя и урьеласпэ дэ верблюжо шэрсть.
|
||
|
||
![Frame 24-02](https://cdn.door43.org/obs/jpg/360px/obs-en-24-02.jpg)
|
||
|
||
Бут манушэн явэнас дэ пустыня тэ шунэн Иоаннос. Ёв ракирэлас лэнгэ адякэ:Ачявэн пэскирэ бэзэха, адякэ сыр Дэвлэскиро Царство пашил!
|
||
|
||
![Frame 24-03](https://cdn.door43.org/obs/jpg/360px/obs-en-24-03.jpg)
|
||
|
||
Бут мануша савэ шунэнас Иоаннос мангэнаспэ пал пэскирэ бэзэха и Иоанно болэлас лэн дэ рэка Иордано. Явэнас тэ болэнпэ и бут религиозна шэралэ, нэ ёнэ на камнэ тэ приджинэнпэ дэ пэскирэ Бэзэха.
|
||
|
||
![Frame 24-04](https://cdn.door43.org/obs/jpg/360px/obs-en-24-04.jpg)
|
||
|
||
Иоанно ракирэлас лэнгэ: «Тумэ — сапа! Парувэнте пэскиро джиипэн. Дэвэл счингирэла и чурдэла дэ яг о дова дэмбо, саво на дэл лачо плодо». Бут мануша прылэнас Иоаннос пророкоса Дэвлэстыр и полэнас лэс патываса. Иоанно кэрдя дова со ракирэнас пророки: «Дыкх! Мэ бичявава ангил Тутэ Мирэс манушэс, саво прочивэла тукэ дром. Мэк сарэ овраги авэна пхэрдэ, и бэрги обмэкэнапэ, извилиста дрома вырисёна».
|
||
|
||
![Frame 24-05](https://cdn.door43.org/obs/jpg/360px/obs-en-24-05.jpg)
|
||
|
||
Варисавэ религиозна шэралэ пучэнас ко Иоанно:Ту Мессия? Иоанно ракирэлас:Мэ нанэ Мессия. Ёв явэла пал мандэ. Ёв барэдыр по бут мандыр, мэ на молав тэ лавпэ пал Лэскирэ гэра.
|
||
|
||
![Frame 24-06](https://cdn.door43.org/obs/jpg/360px/obs-en-24-06.jpg)
|
||
|
||
Пэ авир дэвэс ко Иоанно явья Иисусо, соб тэ болэнпэ лэстыр. Сыр Иоанно удыкхья Лэс, то пхэндя: «Дыкхэнте! Гэна Дэвлэско Бакроро, Саво слэла бэзэх сарэ свэтостыр».
|
||
|
||
![Frame 24-07](https://cdn.door43.org/obs/jpg/360px/obs-en-24-07.jpg)
|
||
|
||
Тэнче Иоанно пхэндя Иисусоскэ: «Мэ на молав Тут тэ болав. Ада Ту трэби ман тэ болэс». Нэ Иисусо пхэндя: «Нат. Ту трэби тэ болэс Ман, пал дова со адякэ авэла кэрды Дэвлэскири воля». Тэнче Иоанно болдя Лэс, нэ ко Иисусо на сыс нисаво бэзэх.
|
||
|
||
![Frame 24-08](https://cdn.door43.org/obs/jpg/360px/obs-en-24-08.jpg)
|
||
|
||
Сыр Иисусо болдяпэ и гадыяпэ панестыр, Дэвлэско Духо змекьяпэ болыбнастыр сыр голумбо и бэстя пэ Иисусостэ. И шундо сыс глос Дэвлэскири болыбнастыр: «Ада Миро Чяво! савэс Мэ камам!»
|
||
|
||
![Frame 24-09](https://cdn.door43.org/obs/jpg/360px/obs-en-24-09.jpg)
|
||
|
||
Дэвэл ракирэлас Иоанноскэ, со адякэ саро и авэла: «Свэнто Духо зджяла и обмэкэлапэ пэ екхэстэ Манушэстэ, Савэс ту болэса. Одова Мануш и авэла Дэвлэскирэ Чявэса». Адая история сыкавэл амангэ, со сын Екх Дэвэл, нэ дэ трин муя. И сыр Иоанно болэлас Иисусос, ёв шундя, сыр ракирэлас Дэвэл‐Дад дыкхья Дэвлэс‐Чявэс, и Дэвлэс‐Свэнтонэс Духос.
|
||
|
||
_Библейско история Евангелия Матфеёстыр 3, Евангелия Маркостыр 1:9-11, Евангелия Иоанностыр 1:6-34 и Лукастыр 3:1-23_
|