64 lines
6.3 KiB
Markdown
64 lines
6.3 KiB
Markdown
# 9. Дэвэл прикхарэл Маисеёс.
|
||
|
||
![Frame 09-01](https://cdn.door43.org/obs/jpg/360px/obs-en-09-01.jpg)
|
||
|
||
Сыр мэя Иосифо саро лэскиро родо ачяпэ до Египто. Ёнэ и саро лэнгиро родо дживэнас одой бут бэрша и лэндэ сыс бут чяворэн. Лэн прокхарэнас израильтяне.
|
||
|
||
![Frame 09-02](https://cdn.door43.org/obs/jpg/360px/obs-en-09-02.jpg)
|
||
|
||
Прогия бут молы по шэл бэрш. Манушэн израильтянэн кэрдяпэ дрыван бут. Египтяне уже на рипирэнас Иосифос и саро, со ёв кэрдя ваш лэнгэ. Израильтянэн кэрдяпэ адякэ бут, со египтяне лынэ тэ дарэн лэндыр. И фараоно, саво дэ долэ дэвэса сыс правителё до Египто, кэрдя израильтянэн пэскирэ бутярнэнса.
|
||
|
||
![Frame 09-03](https://cdn.door43.org/obs/jpg/360px/obs-en-09-03.jpg)
|
||
|
||
Израильтяне сыс бутярнэ кэ египтяне, и кэрэнас кхэра и форы. Джиипэн лэндэ кэрдяпэ дрыван пхаро. Нэ Дэвэл благословлял лэн, и лэндэ сыс бут чяворэн.
|
||
|
||
![Frame 09-04](https://cdn.door43.org/obs/jpg/360px/obs-en-09-04.jpg)
|
||
|
||
Фараоно удыкхья, со лэндэ бияндён дрыван бут чяворэн. И тэнче ёв припхэндя пэскирэ манушэнгэ соб ёнэ тэ умарэн сарэн чяворэн савэ биянэнапэ кэ ёнэ, тэ чурдэн лэн дэ рэка Нил.
|
||
|
||
![Frame 09-05](https://cdn.door43.org/obs/jpg/360px/obs-en-09-05.jpg)
|
||
|
||
Дэ долэ дэвэса кэ екх израильтянка бияндыя чяворо, и ёй гаравэлас лэс.
|
||
|
||
![Frame 09-06](https://cdn.door43.org/obs/jpg/360px/obs-en-09-06.jpg)
|
||
|
||
Сыр тэ гаравэ лэс на сыс кай, дай чудя лэс дэ корзина и очядя дэ чяр пэ рэка Нил, соб тэ заракхэл тэ на умарэн лэс. Пхурэдыр пхэн чяворэски дыкхэлас пал лэстэ, со авэла дурэдыр.
|
||
|
||
![Frame 09-07](https://cdn.door43.org/obs/jpg/360px/obs-en-09-07.jpg)
|
||
|
||
Тэнче чяй фараоноскири явья кэ рэка, соб тэ морэлпэ. Ёй удыкхья корзина и подыкхья со дэ латэ машкирал. Удыкхья чяворэс, лакэ кэрдяпэ дор лэс. Пхурэдыр пхэн чяворэскири сави сыс одой, пхэндя лакэ соб ёй тэ лэл израильтянка кай тэ выдыкхэл лэс. И ёй лыя да манушня сави дэлас тэха чяворэскэ и на джиндя, со ада лэскири дай. Сыр чяворо потбария дай рискирдя лэс кэ фараоноскири чяй, и ёй кэрдя лэс пэскирэ чяворэса и дыя лэскэ лав Моисей.
|
||
|
||
![Frame 09-08](https://cdn.door43.org/obs/jpg/360px/obs-en-09-08.jpg)
|
||
|
||
Маисеё выбария. Екхвар ёв удыкхья, сыр египтянено марэл бутярнэс израильтяненос. Маисеё камья тэ заракхэл лэс пал дава, со ёв сыс израильтянено сыр ёв.
|
||
|
||
![Frame 09-09](https://cdn.door43.org/obs/jpg/360px/obs-en-09-09.jpg)
|
||
|
||
Подыкхья, со никонэс нанэ, Маисеё умардя египтяненос и загарадя лэс дэ пхув. Нэ адава удыкхнэ мануша.
|
||
|
||
![Frame 09-10](https://cdn.door43.org/obs/jpg/360px/obs-en-09-10.jpg)
|
||
|
||
Пал одова со кэрдя Маисеё шундя кокоро фараоно. Ёв припхэндя тэ умарэн Маисеёс, нэ Маисеё унастя Египтостыр дэ пустыня. Фараоноскирэ мануша на попэнэ лэс одой.
|
||
|
||
![Frame 09-11](https://cdn.door43.org/obs/jpg/360px/obs-en-09-11.jpg)
|
||
|
||
Дэ пустыня дур Египтостыр, Моисею сыс пастухоса. Ёв лыя пэскэ ромня одолэ штэтэндыр, и лэндэ бияндынэ дуй чявэ.
|
||
|
||
![Frame 09-12](https://cdn.door43.org/obs/jpg/360px/obs-en-09-12.jpg)
|
||
|
||
Моисею ракхэлас бакрэн кэ пэскиро тестё. Екхвар ёв удыкхья екх набаро дэмбо, саво хачёл и на схачёлас. Маисеё подгия кэ ёв тэ подыкхэл пэ лэстэ. Сыр ёв подгия пашэдыр, Дэвэл заракирдя кэ Маисеё: «Маисеё, слэ тэрах тыри! Ту тэрдо пэ свэнто пхув».
|
||
|
||
![Frame 09-13](https://cdn.door43.org/obs/jpg/360px/obs-en-09-13.jpg)
|
||
|
||
Тэнче Дэвэл пхэндя: «Мэ удыкхьём сыр пхаро Мирэ манушэнгэ. Мэ бичявав тут ко фараоно, соб ту тэ вылыджяс мирэн манушэн Египтостыр, кай ёнэ сын бутярнэнса. Мэ дава лэнгэ пхув Ханаано — пхув, пал сави ракирдём Араамоскэ, Исаакоскэ и Иаковоскэ».
|
||
|
||
![Frame 09-14](https://cdn.door43.org/obs/jpg/360px/obs-en-09-14.jpg)
|
||
|
||
Маисеё пучя: «А сыр ёнэ закамэна тэ уджинэ, кон бичявдя ман? Со мэ лэнгэ тэ пхэнав?» Дэвэл пхэндя: «МЭ ДОВА КОН МЭ СЫН. Пхэн лэнгэ: “ОДОВА, КОН, СИН, бичявдя ман кэ тумэ”. Адякэ ж пхэн лэнгэ: “Мэ Яхвэ, Дэвэл тумарэ дадэнгиро — Авраамоско, Исаакоско и Иаковоско. Ада Миро лав пэ сарэ бэрша”».
|
||
|
||
![Frame 09-15](https://cdn.door43.org/obs/jpg/360px/obs-en-09-15.jpg)
|
||
|
||
Маисеё здарандыя и на камья тэ джял ко фараоно, пал дова со на джинэлас куч тэ ракирэл. Пал адава Дэвэл бичявдя лэскэ Ааронос Маисеёскирэс пшалэс.
|
||
|
||
_Библейско история сыр Выджянас 1-4_
|