40 lines
5.2 KiB
Markdown
40 lines
5.2 KiB
Markdown
# 4. Завето Дэвлэско Аврамоса.
|
||
|
||
![Frame 04-01](https://cdn.door43.org/obs/jpg/360px/obs-en-04-01.jpg)
|
||
|
||
Прогинэ бут бэрша сыр Дэвэл зачидя всаро панеса и тэнче пэ пхув бияндынэ бут мануша, и ёнэ всаек сыс захалэ и кэрэнас бэзэха ангил Дэвлэстэ и ангил екх екхэстэ. Тэнче сарэ мануша ракирэнас пэ екх чип. И сыр Дэвэл пхэндя манушэнгэ тэ дживэн пир сари пхув, ёнэ, накандынэ, скэдынэпэ кэтанэ и прылынэпэ кэ буты тэ скэрэн форо.
|
||
|
||
![Frame 04-02](https://cdn.door43.org/obs/jpg/360px/obs-en-04-02.jpg)
|
||
|
||
Мануша сыс дрыван пхуткирдэ. Ёнэ на камэнас тэ шунэн Дэвлэс и тэ дживэн адякэ сыр Ёв ракирэл. Ёнэ лынэ тэ кэрэ бари башня кэ само болыбэн, соб тэ гадэн пэскиро лав и тэ нарозджяпэ пир саро свэто. Дэвэл удыхья, сыр ёнэ авэна дурэдыр тэ кэрэн пэскири буты, то кэрэна пэ бут бутыр бэзэха.
|
||
|
||
![Frame 04-03](https://cdn.door43.org/obs/jpg/360px/obs-en-04-03.jpg)
|
||
|
||
Тэнче Дэвэл парудя екх чип манушэнги пэ бут авирта чиба и росчурдыя манушэн пир саро свэто. Форо, саво ёнэ лынэ тэ скэрэн, прокхардэ Вавилоно, со ракирэл «сарэ кэхтанэ».
|
||
|
||
![Frame 04-04](https://cdn.door43.org/obs/jpg/360px/obs-en-04-04.jpg)
|
||
|
||
Прогинэ бут шэла бэрша Дэвэл пропхэндя лав ко мануш савэс кхарэн Аврамо. Дэвэл пхэндя лэскэ: «Ачяв пэскиро форо и пэскирэн пэскиро родо и джя пэ пхув, сави Мэ сыкавава тукэ. Мэ дава тукэ бахт и тутыр джяла баро родо. Мэ гадава тыро лав упрэ. Бахтало авэла кон благословит тыро лав, и бибахтало авэла дова кон проклининэла тут. Сарэ мануша пэ пхув авэна бахталэ пал тутэ».
|
||
|
||
![Frame 04-05](https://cdn.door43.org/obs/jpg/360px/obs-en-04-05.jpg)
|
||
|
||
Аврамо кандыя Дэвлэс. Ёв лыя пэскирья ромня Сара, сарэн пэскирэн бутярнэн, саро со лэскиро сыс, и гия дэ Ханаано – пхув, пэ сави пхэндя лэскэ Дэвэл.
|
||
|
||
![Frame 04-06](https://cdn.door43.org/obs/jpg/360px/obs-en-04-06.jpg)
|
||
|
||
Сыр Аврамо явья до Ханаано. Дэвэл пхэндя лэскэ: «Подыкх пэ кадая пхув. Мэ Дава тукэ ла сари и тыро родо авэна хулаенса пэ латэ вечно». Тэнче Аврамо дживэлас пэ кадая пхув.
|
||
|
||
![Frame 04-07](https://cdn.door43.org/obs/jpg/360px/obs-en-04-07.jpg)
|
||
|
||
Одой сыс мануш савэс кхарэнас Мелхиседеко — рашай Барэ Дэвлэскиро. Екхвар сыс марибэн и сыр ёнэ залынэ пэскирэс племяникос пленостыр Аврамо дыкхьяпэ Милхисидекоса. Ёв благословил Аврамос и пхэндя: «Мэк Баро Дэвэл, Саво Хулай до болыбэн и пэ пхув, дэла тукэ бахт Аврамо!» Тэнче Аврамо дыя Милхисидекоскэ дэшитко доля сарэстыр, со кэ ёв сыс.
|
||
|
||
![Frame 04-08](https://cdn.door43.org/obs/jpg/360px/obs-en-04-08.jpg)
|
||
|
||
Прогинэ бут бэрша, нэ кэ Аврамо и Сара на сыс чяворэн. Дэвэл заракирдя кэ Аврамо и пхэндя, со кэ ёв авэла чяво и адякицы родо, скицык чергэня до болыбэн. Аврамо патяндыя Дэвлэскирэ лавэскэ, и Дэвэл пхэндя, со Аврамо чячуно пал дова со ёв патяндыя дэ Лэскиро Лав.
|
||
|
||
![Frame 04-09](https://cdn.door43.org/obs/jpg/360px/obs-en-04-09.jpg)
|
||
|
||
Тэнче Дэвэл скэрдя завето Аврамоса. Завето кэрэлпэ дуенса манушэнса, савэ доракирэнпэ машкир пэстэ тэ кэрэн варисави пэскири буты. Нэ адава моло Кокоро Дэвэл доракирдяпэ Аврамоса и дыя лав, со лэстэ биянэлапэ чяво, кэ саво пириджяла саро Аврамоскиро . Дэвэл Пэскирэ Лавэса, отдыя пхув Ханаано родоскэ Аврамоскирэскэ. Тэнче дэ суно Дэвэл откэрдя, со авэла родоса Аврамоскирэса. Прогия бут бэрш, нэ кэ Аврамо адякэ и на сыс чявэс.
|
||
|
||
_Библейско история Бытие 11-15_
|