68 lines
6.9 KiB
Markdown
68 lines
6.9 KiB
Markdown
# 1. Сыр кэрдяпэ свэто.
|
||
|
||
![Frame 01-01](https://cdn.door43.org/obs/jpg/360px/obs-en-01-01.jpg)
|
||
|
||
Гэна сыр сыс ангил сарэстыр и сыр саро скэрдяпэ. Пало шов дэвэс Дэвэл скэрдя свэто и саро, со дэ лэстэ. Дэ перво дэвэс Дэвэл скэрдя Пхув. Пхув сыс дэ калыпэн и ничи пэ латэ на сыс, пал дова со Дэвэл ничи пэ латэ на скэрдя. Нэ Дэвлэскиро Духо сыс упрал панестыр.
|
||
|
||
![Frame 01-02](https://cdn.door43.org/obs/jpg/360px/obs-en-01-02.jpg)
|
||
|
||
Тэнче Дэвэл пхэндя: «Мэк явэла яг кай тэ авэл душло!» — и кэрдяпэ яг. Дэвэл удыкхья, со яг — ада дрыван куч, и кхардя Дэвэл яг, сыр душло, «дэвэсэса». Ёв откэдыя яг калыпнастыр, и калыпэн кхардя «ратяса». Ада сыс перво дэвэс.
|
||
|
||
![Frame 01-03](https://cdn.door43.org/obs/jpg/360px/obs-en-01-03.jpg)
|
||
|
||
Пэ второ дэвэс Дэвэл пхэндя: «Мэк явэл куполо упрэ панестыр!» — и кэрдяпэ куполо. И кхардя лэс Дэвэл «болыбэн».
|
||
|
||
![Frame 01-04](https://cdn.door43.org/obs/jpg/360px/obs-en-01-04.jpg)
|
||
|
||
Пэ трито дэвэс Дэвэл пхэндя: «Мэк саро паны скэдэлпэ кэтанэ и авэла шуко штэто!» И кхардя шуко штэто «Пхув», а паны кхардя «морё». Дэвэл подыкхья, со скэрдо Лэса и удыкхья, со када куч.
|
||
|
||
![Frame 01-05](https://cdn.door43.org/obs/jpg/360px/obs-en-01-05.jpg)
|
||
|
||
Тэнче Дэвэл пхэндя: «Мэк пэ пхув барьён вэша и сарэ чярья!» Адякэ саро и сыс. Подыкхья Дэвэл, со скэрдо Лэса и удыкхья, со када куч.
|
||
|
||
![Frame 01-06](https://cdn.door43.org/obs/jpg/360px/obs-en-01-06.jpg)
|
||
|
||
Пэ штарто дэвэс Дэвэл пхэндя: «Мэк авэна яга до болыбэн!» И до болыбэн лыяпэ кхам, чён и чергэня. Дэвэл скэрдя лэн ваш дова, соб ёнэ тэ сыкавэн ратяко пхув и соб тэ полас кай дэвэс кай рат, бэрш и сави пора бэршитко. Дэвэл подыкхья, со скэрдо Лэса и удыкхья, со када куч.
|
||
|
||
![Frame 01-07](https://cdn.door43.org/obs/jpg/360px/obs-en-01-07.jpg)
|
||
|
||
Пэ панджьто дэвэс Дэвэл пхэндя: «Мэк до паны авэна сарэ маче и до болыбэн авэна чирикля!». Адякэ Дэвэл скэрдя сарэн кон дживэл до паны, и сарэн чириклен. Дэвэл подыкхья пэ лэндэ и удыкхья, со када куч, и благословил лэн.
|
||
|
||
![Frame 01-08](https://cdn.door43.org/obs/jpg/360px/obs-en-01-08.jpg)
|
||
|
||
Пэ шовто дэвэс Дэвэл пхэндя: «Мэк пэ пхув авэна сарэ животна!» — и адякэ скэрдяпэ, сыр пхэндя Дэвэл. Екх животна сыс кхэратунэ, авир сыс вэшитка, а трита пхирэнас по пыр пирэ пхув. Дэвэл подыкхья пэ лэндэ и удыкхья, со када куч.
|
||
|
||
![Frame 01-09](https://cdn.door43.org/obs/jpg/360px/obs-en-01-09.jpg)
|
||
|
||
Тэнче Дэвэл пхэндя: «Скэраса манушэн пир Амаро образо, дасавэн сыр Амэ. Ёнэ авэна барэ мануша и авэна хулаенса пэ Пхув и сарэнса кон дживэл пэ латэ».
|
||
|
||
![Frame 01-10](https://cdn.door43.org/obs/jpg/360px/obs-en-01-10.jpg)
|
||
|
||
Дэвэл лыя пхув, и скэрдя латыр манушэс и пхурдыя дэ лэстэ джиипэн. Адалэс манушэс кхарэнас Адам. Тэнче Дэвэл кэрдя баро садо, и яндя дэ садо Адамос, соб ёв тэ дыкхэл пал лэстэ.
|
||
|
||
![Frame 01-11](https://cdn.door43.org/obs/jpg/360px/obs-en-01-11.jpg)
|
||
|
||
Машкир садо барьёнас дуй дэмбы екх — дэмбо джиипэн авир дэмбо, соб тэ уджинэ лачипэн и дылныпэн. Дэвэл пхэндя Адамоскэ ха плодо всарэстыр садостыр, а на ха плодо дэмбостыр, саво дэл тэ уджинэ лачипэн и дылныпэн. Ёв пхэндя Адамоскэ, со кон схала плодо адалэстыр дэмбостыр, дова мэрэла.
|
||
|
||
![Frame 01-12](https://cdn.door43.org/obs/jpg/360px/obs-en-01-12.jpg)
|
||
|
||
Тэнче Дэвэл пхэндя: «Нанэ куч тэ авэл мануш кокоро. Адамоскэ трэби помощнико». Дэвэл подлыджялас кэ Адамо животнонэн, соб ёв тэ дэл лэнгэ лава. Нэ ни екх животно на подгия Адамоскэ дэ помощники.
|
||
|
||
![Frame 01-13](https://cdn.door43.org/obs/jpg/360px/obs-en-01-13.jpg)
|
||
|
||
Тэнче Дэвэл дыя Адамоскэ баро соибэн. Сыр ёв сыс суто, Дэвэл лыя лэскиро пашваро, и кэрдя лэстыр джювля и яндя ла кэ Адамо.
|
||
|
||
![Frame 01-14](https://cdn.door43.org/obs/jpg/360px/obs-en-01-14.jpg)
|
||
|
||
Сыр удыкхья Адамо джювля, ёв пхэндя: «Гэна ёй! Ёй дасави, сыр и мэ! Мэк кхарэлпэ джювляса, пал одова со ёй муршитконэ пашварэстыр ромэскирэстыр». Пал дава ачявэла мурш дадэс и да и авэна екх пэскирэ ромняса.
|
||
|
||
![Frame 01-15](https://cdn.door43.org/obs/jpg/360px/obs-en-01-15.jpg)
|
||
|
||
Пало дова сыр Дэвэл скэрдя муршэс и джювля пир Пэскиро образо. Ёв благословил лэн и пхэндя: «Мэк тумэндэ авэла бут чяворэн и внукэн! Мэк авэла тумэн бут пэ Пхув!» Дэвэл подыкхья, со скэрдя Ёв и удыкхья, со када куч, и сыс дрыван лошало. Саро ада сыс дэ шовто дэвэс.
|
||
|
||
![Frame 01-16](https://cdn.door43.org/obs/jpg/360px/obs-en-01-16.jpg)
|
||
|
||
Кэ эфтато дэвэс Дэвэл скэрдя сари Пэскири буты. И благословил Ёв эфтато дэвэс и кэрдя лэс свэнтонэ дэвэсэса, пал дава со дэ дава дэвэс Ёв скэрдя сари буты. Адякэ сыс скэрдо Свэто и саро, со пэ лэстэ.
|
||
|
||
_Библейско история Бытие 1-2_
|