7.4 KiB
48. Иисус – ада Мессия
Сыр Дэвэл скэрдя свэто, саро сыс бидошако. Пэ свэто насыс бэзэх. Адамо и Ева камэнас Дэвлэс и камэнас екх екхэс. Пэ пхув на насвалёнас и на мэрэнас. Дэвэл кэрэлас, соб свэто дасаво и тэ авэл.
Нэ бэнг хохадя Ева, сапэса подгия кэ ёй и заракирдя ласа, Адамо Еваса кэрдэ бэзэх ангил Дэвлэстэ. Пал дова со ёнэ кэрдэ бэзэх, пэ пхув лынэ тэ мэрэн мануша.
Пал дава бэзэх Адамо и Ева ачнэ врагэнса Дэвлэскэ, и на камэнас тэ кандэн Лэс. Тэнче сарэ мануша, сыр чаворэ Адамоскирэ и Евакирэ, латхэнпэ до бэзэх. Бэзэх надэл манушэнгэ тэ кандэн Дэвлэс и тэкэрэ Лэскири вол.Ёв марэлпес Дэвлэса накандэл Лэс. Машкир Дэвлэстэ и манушэндэ хасия миро. Нэ Дэвэл камэл тэ риськирэ адава хаскирдо миро, палэ сыр исыс Лэстэ манушэнса.
Дэвэл ракирдя со екх мануш Евакирэ родостыр розмарэла бэнгэскэ шэро, а бенг дандырла лэс пал пятка. И бэнг умарэла Мессияс, нэ Дэвэл риськирэла Лэскэ джиипэн. И Мессия пэ сарэ дэвэса розмарла бэнгэскири власть. Прогия бут бэрш Дэвэл бичядя манушэнгэ Мессияс. И адава Мессия сыс Иисусо.
Бут бэрш кэ дава сыр латцяпэ Иисусо, Дэвэл припхэндя Ноёскэ тэ кэрэл ковчего, соб семья лэскири тэ заракхэлпэ тэ натасадёл до паны, саво Дэвэл камья тэ бичявэ пэ Пхув. Дэвэл камья тэ хаськирэ свэто панеса пал дова со мануша кэрэнас бэзэх. Ноё патяндыя Дэвлэскэ и кэрдя ковчего. Ноё и лэски семья зракхнэпэ. Дякэ ж и дадэвэс - сарэ мануша молэн тэ мэрэн, пал дова со мануш дживэл дэ бэзэха и на кандэл Дэвлэс. Нэ Дэвэл бичядя Иисусос, соб тэ заракхэл сарэн, кон дэ Лэстэ патяла.
Бэршэнса рашая янэнас Дэвлэскэ жертва соб тэ зморэн бэзэха. Жертвы сыкавэнас манушэнгэ, со ёнэ кэрэн бэзэха ангил Дэвлэстэ. Нэ жертвы на зморэнас бэзэха екхвар и пэсаро джюипэн. Иисусо кэрдя дова, со на кэрдя ни екх рашай. Ёв отдыя Пэско джюипэн екхаса жертваса, и дая жертва зморэл манушэско бэзэх екхвар и пэ саро джюипэн. Иисусо прылая пэ пэстэ дукх, сави трэби тэ авэл пэ амэндэ пал амарэ бэзэха. Пал дава Иисусо – сын Баро Рашай.
Сыр пэ Пхув дживэлас Авраамо, Дэвэл лэскэ пхэндя: «Мэ дэ тутэ дава бахт сарэнгэ манушэнгэ пэ Пхув». Иисусо сыс родостыр Авраамоскирэстэр. Дадэвэс дэ Аврамостэ Дэвэл дэл бахт сарэнгэ манушэнгэ, сыр ёнэ лэна тэ патян дэ Иисусостэ. Дэвэл заракхэл и на марэл лэн пал бэзэха и гинэл лэн духовнонэ родоса Авраамоскирэса.
Екхвар Дэвэл пхэндя Авраамоскэ тэ янэ дэ жертва пэскирэс чавэс Исаакос. Нэ, здыкхья со ёв кандэл Лэс, то бичядя лэскэ бакрорэс тэ янэл дэ жертва пал Исаакостэ. Амэ сарэ молас тэ мэрас пал амарэ бэзэха, Нэ Дэвэл бичядя Иисусос дэ жертва, соб Ёв тэ мэрэл пал амэндэ. Гэна пал со амэ кхарас Иисусос Дэвлэскиро Бакроро.
Сыр Дэвэл бичядя бида по Египто, Ёв припхэндя сарэ семьи израилёскирэ тэ зачинэн бакрорэс. Ада заракхья израильтянэн бидатыр сыр до Египто мэя пхурэдыр чаво дэ семья. Бакрорэс савэс янэнас дэ жертва трэби тэ авэл би дошако. Евреи трэби тэ помакхэн ратэса бакрорэскирэса пэскирэ вудары. Сыр Дэвэл дыкхэлас адава рат, Ёв проджялас дурэдыр и бида на заджялас дэ дава кхэр. Ада кхарэласпэ Патради.
Иисусо на кэрэлас бэзэх и насыс банго ни дэ со. Ёв счурдэлпэ пэ патрадитконэ Бакрорэстэ, Савэс за чиндэ по свэнко Патради. Сыр мануш лэл тэ патял дэ Иисусостэ, то рат Иисусоскиро кэрэлпэ тимин пал бэзэх адалэскирэ манушэскэ и Дэвэл на марэл лэс. Дэвэл сыр бы пролыджял манушэс бидатыр.
Дэвэл кэрдя завето израильтянэнса, пал дова ёнэ сыс манушэнса, савэн Ёв выкэдыя ваш Пэскэ. Нэ Дэвэл кэрдя Нэво Завето, ваш сарэнгэ манушэнгэ. Кана мануш, саво заджял до Нэво Завето, гинэлпэ Далэскиро мануш. Пал дова со патяндыя дэ Иисусостэ.
Маисеё сыс баро пророко, саво пиредэлас Дэвлэско Лав барэ зорьяса. Нэ Иисусо барэдыр сарэндыр пророкэндыр. Ёв — Дэвэл, пал дава саро, со Ёв кэрэлас и ракирэлас, сын Кокорэстыр Дэвлэстыр. Гэнакэ пал со дэ Библия Иисусо кхарэлпэ Дэвлэскиро Лав
Дэвэл ракирдя царёскэ Давидоскэ, со Екх лэскирэ родостыр авэла вечно хулай кэ Дэвлэскирэ мануша. Иисусо и сын Дова Родо Давидоско. Ёв Дэвлэскиро Чаво и Мессия,саво авэла хулай вечно.
Давидо сыс царёса до Израилё, нэ Иисусо – Царё пир саро Свэто! Ёв явэла и вечно лэла тэлыджял Пэскиро Царство до миро и чачибэн.
Библейско история Бытие 1-3, 6, 14, 22, Исход 12, 20, 2-й Царств, 7 глава, послания Павла к Евреям 3:1-6, 4:14-5:10, 7:1-8:13, 9:11-10:18 и Откровения Иоанна, 21 глава