6.5 KiB
45. Стефано и Филиппо
Кхангири барьёлас и апостолы выкэдынэ манушэн пэскэ савэ лэна тэ подрикирэн васта дэ кхангири. Екхэс манушэс лэндэр савэс кхарэнас Стефано, сарэ мануша кэ ёв отлыджянаспэ патываса. Ёв сыс пхэрдо зорьяса и годяса Святого Духа и кэрэлас бут чуды. Бут мануша тэрдёнас Иисусокирэ сыклякирдэнса сыр роспхэнэлас Стефано.
Екхвар, сыр Стефано сыклякирэлас пал Иисусостэ, иудеи савэ на патянас дэ Иисусостэ авирэ форэндыр лынэ лэса тэ заханпэ, нэ ничи на попэнэ со тэ пхэнэ лэскирэ лавэнгэ. Тэнче ёнэ зракирдэпэ тэ ракирэн, со Стефано пхэндя на лаче лава пэ Маисеёстэ и Дэвлэстэ. Адава адала лава росхолякирдэ пураныпэн сыклымарен законоскирэн. Ёнэ росхолясынэ вхтылдэ Стефанос и яндэ лэс ко баро рашай. Дякэ ж дорик явнэ хоханэ мануша савэ йивья ракирэнас пэ Стефанностэ.
Баро рашай пучел ко Стефано: «Чачё ракирэн адалэ мануша пал тутэ?» Стефано саро роспхэндя барэ рашаскэ, сыр Дэвэл бут кэрэлас чуды ваш израильсконэ манушэнгэ, сыр дживэлас Авраамо и ко дэвэса Иисусоскирэ. Нэ мануша на камнэ тэ шунэн Дэвлэс и кэрэнас нанэ пир Лэскиро. Стефано пхэндя: «Тумэ на камэн тэ шунэн Дэвлэс и нанэ кандунэ мануша! Тумэ на прылэн Свэнтонэс Духос, сыр тумарэ дада на прылэнас Дэвлэс, и умарэнас Лэскирэн пророкэн! Нэ тумэ бутыр кэрдэ лэндыр! Тумэ умардэ Мессияс!»
Сыр шундэ адалэ лава мануа савэ сыс одой росхолясынэ дякэ, со закэрдэ кана и дрыван загодлынэ, чурдынэпэ пэ Стефаностэ. Ёнэ вылыджинэ лэс форостыр и лынэ тэ чурдэн дэ лэстэ бара, и ёв мэя.
Сыр Стефанос домарнас барэнса, ёв ракирэлас: «Иисус, прылэ миро духо!» Тэнче тэрдыя пэ чанга, и дрыван прогодлыя: «Иисусо, на гин лэнгэ адава бэзэх!» Пхэндя далэ лава и мэя.
Дэ долэ дэвэса бут мануша до Иерусалимо лынэ тэ традэн сыклякирдэн Иисусоскирэн, пал дава патянкунэ роспрастандынэ дэ Иудея и Самария. Нэ, надыкхэнас пэ дова со лэн традэнас, ёнэ всаек роспхэнэнас пал Иисусостэ одой кай ёнэ сыс.
Кэ апостолы явья мануш савэс кхарэн Филиппо тэ подрикирэл лэн. Ёв дякэ ж настя Иерусалимостр, сыр, авир сыклякирдэ. Филиппо гия дэ Самария, одой роспхэнэлас манушэнгэ пал Иисусостэ. Бут мануша савэ патяндынэ лэскэ заракхнэ. Екхвар ко Филиппо явья Дэвлытко ангело и прыпхэндя лэскэ тэ джял пир дром кай нанэ манушэн. Филиппо дякэ и кэрдя. Сыр ёв джялас пирэ дава дром то дыкхья манушэс, саво традэлас по вурдэн. Ада исыс патывало баро мануш с Эфиопии. Свэнто Духо пхэндя Филиппоскэ, соб ёв тэ поджял кэ дава мануш и тэ поракирэл лэса.
Филиппо подгия ко вурдэн и шундя, сыр эфиопо гинэлас Дэвлэскиро Лав. Ада сыс лава пророкоскирэ Исаии: «Ёнэ лыджянас Лэс, сыр бакрорэс тэ умарэн. И сыр бакроро штыл, дякэ и ёв нэ пхэндя ни лав. Ёнэ ладжякирдэ Лэс, нанэ чачунэс сэндякирдэ и залынэ Лэстыр джюипэн»
Филиппо пучя ко эфиопо: «Ту полэс одова, со гинэс?» Эфиопо пхэндя лэскэ: «Нат. Мэ на полава, сыр мангэ никон на роспхэнэла. Мангав тут, подгадыпэ и бэш паш мандэ. Исая чинэлас пал пэстэ чи пал вариконэстэ авирэстэ?»
Филиппо бэстя до вурдэн и роспхэндя эфиопоскэ, со Исая чинэлас пророчество пал Иисусотэ. Филиппо дякэ ж роспхэндя пал бут авир штэты дэ Дэвлэско Лав, передыя одолэ манушэскэ Лачё Лав пал Иисусостэ.
Филиппо и эфиопо традэнас пашил панестэ. Эфиопо пучя: «Подык, гэна паны. Со надомэкэл ман тэ болэпэ?» Филиппо пхэндя лэскэ: «Сыр ту патяс сарэ илэстыр, то кэр дава». Эфиопо пхэндя: «Да, мэ патяв, со Иисусо— Када Чаво Дэвлэскиро» Тэнче ёв припхэндя тэ тэрдякирэн вурдэн.
Ёнэ загинэ до паны, Филиппо болдя эфиопос. Сыр ёнэ выгинэ панестыр, Свэнто Духо перелыджия Филиппос пэ авир штэто. Одой Филиппо дурэдыр роспхэнэлас манушэнгэ пал Иисусостэ.
А эфиопо традыя кхэрэ. Ёв сыс бахтало долэстыр, со уджиндя пал Иисусостэ.
Библейско история апостолэнгири буты 6:8-8:5; 8:26-40