3.6 KiB
34. Иисусо сыклякирэл манушэн, роспхэнэл лэнгэ истории
Иисусо роспхэнэлас бут истории пал Дэвлэскиро Царство. Ёв ракирэлас: «Дэвлэскиро Царство сыр горчично зёрно, саво мануш чудя дэ пхув дэ пэскирэ маля. Тумэ джинэн, со горчично зёрно — и сын тэкнэдыр сарэндыр.
Нэ сыр горчично зёрно выбарьёл, ёв ачел учедыр сарэндыр, кэрэлпэ дрыван баро дэмбо со чирикля явэн и кэрэн пэ лэстэ гнёзды».
Иисусо роспхэндя екх история: «Дэвлэскиро Царство сыр хумэр, сави джювлы чивэл дэ тясто, и хумэр гадэл саро тясто.
Адякэ Дэвлэскиро Царство сыр сунакай саво сыс загарадо пэ маля. Екх мануш попэя адава сунакай, и лэскэ закамьяпэ тэлэ лэс пэскэ. Пал дава ёв заганадя лэс соб никон тэ напопэрэл. А тэнче, лошало со попэя, гия, бикиндя саро, со лэстэ сыс, и киндя адая мал, кай сыс загарадо барвалыпэн.
Дэвлэскиро Царство сыр мануш, саво скинэл дрога бара, ёв родэлас жемчуго би дошако. Сыр ёв попэян жемчужина, то гия и бикиндя саро, со лэстэ сыс, и киндя ла».
Мануша, савэ пхирэнас пал Иисусостэ,машкир лэндэ исыс дасавэ, савэ гинэнас пэс чачунэдыр авирэндыр, пал дова со ёнэ кэрэнас лаче рынды.Адалэ мануша пхутёнас ангил долэндэ кон накэрэлс лаче рынды. Иисусо роспхэндя лэнгэ дасави история: «Дуй мануша явнэ до Дэвлэскиро Кхэр тэ помангэпэ. Екх лэндыр скэдэлас ловэ, а авир — фарисеё.
Фарисеё мангэласпэ дякэ: “Дэвла, наис Тукэ пал дова со мэ нанэ до бэзэха, сыр авир мануша: чёра, хоханэ, нанэ чачунэ, или сыр адава саво скэдэл ловэ манушэндыр.
Мэ на хав дуй молэ дэ курко, отдав Тукэ дэшитко котыр мирэ ловэндыр и сарэстыр со мандэ сын.
Авир мануш саво скэдэлас ловэ манушэндыр тэрдёлас дурэдыр фарисеёстыр. Ёв ладжятыр нагадэлас якха кэ болыбэн, нэ марэлас пэс дэ колын и мангэласпэ: “Дэвла, мангав, зракх ман, пал дова со мэ дживав дэ бэзэх”».
Иисусо пхэндя: «Ракирав тумэнгэ, со Дэвэл гинэла чачунэса долэс кон скэдэлас ловэ манушэндыр, а на нэ фарисеёс. Пал дова со, кон пхутёл пашэ манушэндэ авэла ладжакирдо, а кон гинэл пэс тыкнэса, долэс Дэвэл гадэла».
Библейско история Еванглия Матфеёстыр 13:31-33, 44-46, Евангелия Маркостыр 4:30-32 и Евангелия Лукастыр 13:18-21; 18:9-14