3.2 KiB
33. Мануш саво обкэрэлас пхув
Екхвар Иисусо сыс пашэ рэка. Ёв сыклякирэлас манушэн. Тэ шунэн Иисусос явнэ бут мануша, Ёв бэстя дэ лодка сави сыс до паны соб Лэс куч тэ дыкхэн и тэ шунэн. Сыр бэстя дэ лодка, Ёв лыя тэ сыклякирэл манушэн.
Иисусо роспхэндя манушэнгэ, савэ шунэнас Лэс дасави история: «Екх мануш саво обкэрэл пхув выгия тэ росчурдэл зёрно дэ пхув. Сыр ёв росчурдэлас зёрны, на бут зёрны пэнэ по дром. Явнэ чирикля и поханэ адалэ зёрны.
Авир зёрны пэнэ пэ баруны пхув. Ёнэ сыго выбаринэ нэ корни на гинэ дэ пхув. Сыр припэкья кхам ёнэ зашутинэ и хасинэ.
Сыс зёрны савэ пэнэ дэ сувьитко чар. Ёнэ лынэ тэ пробарьён, нэ сувьитко чар замардя лэн. Пал дова зёрно савэ пробаринэ машкир сувья, надыя нисаво плодо.
Сыс дасавэ зёрны, савэ пэнэ дэ лачи пхув. Ёнэ выбаринэ и яндэ дэ 30, 60 и савэ и дэ 100 молы бутыр зёрно, долэндыр со чурдыя дэ пхув. Кон камэл тэ джял пал Дэвлэстэ, мэк лэла дэ годы одова со Мэ ракирав!
Сыклякирдэ на полэнэ кэсо дая история, нэ Иисусо роспхэндя лэнгэ сыр ёнэ ачнэпэ кокорэ.: «Зёрно — ада Дэвлэскиро Лав. Дром — ада мануш, саво шунэл Дэвлэскиро лав, нэ на полэл лэс. И бэнг чёрэл кэ ёв Лав, соб мануш тэ напатял и тэ на зракхэлпэ.
Баруны пхув — ада мануш, саво шунэл Дэвлэскиро лав и лошаса прылэл лэс. Нэ сыр явэн пхарэ дэвэса и сыр авир мануша кэрэн лэскэ холы тэнчи ёв отджял Дэвлэстыр.
Пхув дэ сувьитко чар — ада мануш, саво шунэл Дэвлэскиро Лав. Нэ ёв дрыван бут думинэл пало джюипэн сыр тэ закэрэл бутыр ловэ и тэ кэрэл пэскэ миштыпэн.Проджян дэвэса и ёв пирьячел тэ камэл Дэвлэс. И дова со ёв сыклёлас Дэвлэскирэ Лавэстыр забистрэлпэ сыр тэпхирэ ангил Дэвлэс тэ. Дасаво мануш сыр марытко чар би зёрноско.
Нэ зёрно дэ лачи пхув — ада мануш, саво шунэл Дэвлэскиро Лав, патял лэскэ и янэл плодо».
Библейско история Еванглия Матфеёстыр 13:1-8, 18-23, Еванглия Маркостыр 4:1-8, 13-20 и Еванглия Лукастыр 8:4-15