2.2 KiB
31. Иисусо джял пиро паны
Сыр Иисусо чалякирдя манушэн Ёв пхэндя сыклякирдэнгэ тэ бэшэн дэ лодка и тє уджян пэ авир авир риг рэка. Иисусо отмекья манушэн кхэрэ, а Кокоро гадыяпэ пэ бэрга, соб тэ помангэпэ. Одой Ёв очяпє кокоро и мангэласпэ кэ само рат.
Тэнче Иисусо пирьячья тэ мангэпэ и гия ко сыклякирдэ. Ёв джялас кэ лэнгири лодка пиро паны.
Сыр сыклякирдэ удыкхнэ Лэс, ёнэ дрыван здарандынэ, пал дова со думинэндэ,со ада призрако. Иисусо удыкхья, со ёнэ здарандынэ и пал дава пхэндя лэнгэ: «Надарэн. Ада Мэ!»
Тэнче Петро пхэндя Иисусоскэ: Сыклымарё, сыр ада Ту, припхэн мангэ тэ джяв кэ Ту пиро паны. Иисусо пхэндя Петроскэ: «Джя!»
Петро выгия лодкатыр и гия ко Иисусо пиро паны. Нэ сыр прогия набут ёв отлыджия якха Иисусостыр и дыкхэлас сыр пхурдэл бари бавал и савэ сыс барэ волны
Петро здарандыя и лыя тэ тасадёл до паны. Ёв загодлыя: «Сыклымарё, зракх ман!» Иисусо дыя лэскэ васт и гадыя лэс. Ёв пхэндя Петроске: «Кэ ту навхтылэл патябэн! Соскэ ту лыян тэ напатяс?»
Тэнче Петро и Иисусо бэшнэ дэ лодка, бавал пириачя тэ пхурдэл, а паны заштылыя. Сыклякирдэ дрыван дивиндэпэ. Ёнэ поклониндэпэ Иисусоскэ и пхэндэ: «Ту чачё Дэвлэскиро Чаво!»
Библейскири история Еванглия Матфеёстыр 14: 22-33, Маркостыр 6: 45-52 и Иоанностыр 6: 16-21