3.1 KiB
29. Роспхэнэлпэ пал нанэ ковло ило бутярнэско
Екхвар Петро пучя ко Иисусосо: «Сыклымарё, скитцык молы мэ трэби простинав мирэс пшалэс, сыр ёв кэрэл бэзэх мангэ? Эфта молы?» Иисусо пхендя: «Нанє эфта молы, а эфтадэша молы по эфта!» Иисусо пхэндя, со амэ трэби тэ простинас сарэн бут молы. Тэнче Иисусо роспхэндя дасави история.
«Дэвлытко Царство счурдэлпэ Екхє царёскє, саво закамья, соб лэскирэ бутярнэ тэ выпокинэн лэскэ сарэ пэскирэ бангипэна. Екх бутярно сыс бут банго 200 000 бэрш трэби тэкэрэл буты соб тэ отдэл бангипэн.
Дякэ сыр кэ бутярно на сыс со тэ отдэл, царё пхэндя: «Бикнэн до рабы, адалэс манушэс и лэскири семья, соб тэ плоскирэл бангипэн».
Тэнче бутярно пэя ангил царёстэ пэ чанга и лыя тэ мангэл лэс: «Подужакир мангэ, и мэ выпокинава саро, со тукэ банго». Царёстэ росковлыя ило и ёв простиндя лэскэ саро бангипэн и отмэкья лэс.
Сыр бутярно выгия царёстыр, ёв удукхья авирэс бутярнэс, саво сыс банго лэскэ. Адава бангипэн сыс сыр плоскирэн пало штар чёна буты. Бутярно вхтылдя лэс поло колын и пхэндя «Отдэ мангэ мирэ ловэ, савэ ту мангэ банго! «
Одова пэя лэскэ пэ чанга и лыя тэ мангэл лэс: «Подужакир мангэ, и мэ отдава саро, со мэ тукэ банго» Нэ ёв чурдыя лэс до бэшибэн, тэ отдэл лэскиро саро бангипэн.
Авирта бутярнэ удыкхнэ, со кэрдяпэ, и лэнгэ адава на чалыя. Ёнэ гинэ ко царё и саро роспхэндэ лэскэ.
Тэнче царё кхардя долэс бутярнэс и пхэндя: “Ту захало бутярно! Мэ умэкьём тукэ бангипэн, пал дова со ту мангьян ман дрыван. Соскэ ту на умэкьян лэскэ сыр мэ тукэ”. «Царё росхолясыя, и чурдыя захалэс бутярнэс до бэшибэн, кэ дова сыр ёв отдэла саро пэско бангипэн»
Иисусо пхэндя: «Адякэ кэрэла Миро Болыбнытко Дад, сарэнса кон на простинэла пэскирэн пшалэн сарэстыр илэстыр».
Библейско история Еванглия Матфеёстыр 18:21-35