3.2 KiB
28. Барвало патывало чаво
Екхвар барвало патывало чаво подгия ко Иисусо и пучя Лэстыр: «Сыклымарё лачё со мэ трэби тэ кэрав, соб мандэ тэ явэл вэчно джюипэн?» Иисусо пхэпдя лэскэ: «Соскэ кхарэс Ман лачеса? Лачё сын Дэвэл. Сыр ту камэс тэ авэл кэ ту вэчно джюипэн, джив пир Дэвлэскирэ заповеди».
Чаво пхэндя «Пир савэ заповеди мэ трэби тэ дживав?» Иисусо пхэндя: «На умар. Напасёв чужонэ ромняса ромнякэ. На чёр. На хохав. Полэ пэскирэн дадэс и да и тэ камэс долэс кон паш тутэ, дякэ сыр ту камэс кокоро пэс».
Тэрно чаво пхэндя: «Мэ дживав пир сарэ адалэ заповеди тыкнэ бэршэндыр. Со мангэ навхтылэл тэ кэрав, соб тэ дживав вэчно?» Иисусо подыкхья пэ лэстэ и пхэндя.
Иисусо пхэндя «Сыр ту камэс тэ авэс би дошакиро, джя и бикин саро, тыро барвалыпэн, и роздэ чёрорэнгэ. И авэса барвало до болыбэн. Тэнче яв и джя пал Мандэ»
Сыр чаво шундя, со лэскэ пхэндя Иисусо, ёв дрыван холясыя и угия Иисусостыр. Пал дава, со ёв сыс дрыван барвало мануш и на камья тэ отдэл саро, со лэстэ сыс.
Иисусо пхэндя конас сыклякирэлас: «Дрыван пхаро барвалэнгэ тэ заджян до Дэвлэско Цорство! Локхэдыр верблюдоскэ тэ проджя до кан сувьяко, чём барвалэ манушэскэ тэ заджя до Дэвлэско Царство».
Сыр сыклякирдэ шундэ адалэ лава савэ пхэпдя Иисусо, то друван думинэнас сыр дава тэ полэ. Ёнэ пучнэ: «кон тэнче зракхэлапэ?»
Иисусо подыкхья пэ сыклякирдэндэ и пхэндя: Манушэнгэ нашты тэ заракхэн пэс. Нэ нанэ ничи пхаро ваш Дэвлэскэ».
Тэнче Петро пучя ко Иисусо: «Амэ, ачкирдям саро и гиям пал Тутэ. Со амэнгэ авэла пал дова, со амэ кэрдям?»
Иисусо пхэндя: «Сарэ кон, ачкирдя пэскиро кхэр, пшалэн, пхэнен, дадэс, да, чаворэн или барвалыпэн паш Мангэ, то лэла дэ шел молы бутыр. Лэскэ дава вечно джиипэн. И бут ангилтунэ тэрдёна палал, а палатунэ – ангил».
Библейско история Еванглия Матфеёстыр 19:16-30, Еванглия Маркостыр 10:17-31 и Еванглия Лукастыр 18:18-30