3.8 KiB
27. История лачё самарянино
Екхвар ко Иисусо явья мануш, саво джинэл иудейско законо ваш дова, соб тэ сыкавэ манушэнгэ, со сыклярибэн Иисусоско сыс нанэ дасаво, пал дова ёв пхэндя: «Сыклымарё, со мэ тэ кэрав, соб тэ авав до вечно джюипэн?» и Иисусо лэстыр пучя: «А со чиндо дэ Дэвлэско Законо?»
Одова мануш пхэндя: «Дэ лэстэ пхэндо: “Кам пэскирэ Дэвлэс, сарэ илэса тырэса, сарэ зорьяса и годяса. И кам кон паш тутэ, сыр камэс кокоро пэс”». Иисусо пхэндя: «Ту чачё пхэндян! Сыр ту ада кэрэса, то авэла тукэ вэчно джиипэн»
Мануш саво куч джинел законо камья тэ сыкавэл манушэнгэ, со лэскиро джюпэн чачуно, пал дава ёв пучя ко Иисусо: «А кон мангэ пэскиро?»
Иисуса роспхэндя адалэскэ манушэскэ екх история: «Екхвар екх евреё джялас Иерусалимостыр до Иерихоно.
Пир дром пэ лэстэ чурдынэпэ чёра. Ёнэ отлынэ саро, со лэстэ сыс, до мардэ дякэ со ёв гин мэя, а тэнче унашнэ.
Сыго пир дава дром проджялас еврейско рашай. Ёв дыкхья, со по дром пашло мануш, нэ перегия пэ авир риг. Тэнче рашай гия дурэдыр пир пэскиро дром, на протырдыя лэскэ васт, и надыя лэскэ со трэби.
Тэнче пир дром проджялас левито. Левито – ада евреё родостыр Левия, саво кэрлас буты до кхэр Дэвлэско. Ёв подгия, подыкхья пэ далэ манушэстэ и гия дурэдыр на протырдыя лэскэ васт.
Пал левитостэ пир дава дром джялас мануш Самариятыр. Дэ дола дэвэса самаряни и евреи на камэнас екх екхэс и на ракирэнас машкир пэстэ. Самарянино удыкхья по дром помардэс манушэс. Ёв полыя, со адава мануш евреё, нэ ёв всаек протырдыя лэскэ васт. Самарянино подгия кэ ёв и перепхандя лэскирэ дукха.
Тэнче ёв гадыя лэс, чидя пэ пэскирэстэ ослостэ и отлыджия дэ гостиница, сави сыс пашо дром. Одой самарянино дякэ ж дыкхэлас пал лэстэ.
Пэ авир дывэс самарянино трэби сыс тэ джял дурэдыр. Ёв дыя ловэ манушэскэ, саво сыс хулай дэ гостиница, и пхэндя: «Подык пал адалэстэ манушэстэ. Сыр ту роскэрэса бутыр долэстыр, со мэ тукэ дыём, мэ до покинава тукэ сыр рисёвава».
Иисусо пучя ко мануш саво куч джинэл законо: «Сыр ту думинэс, кон лэндыр тринэндыр сыс пэскиро ваш манушэскэ, савэс обчёрдэ чёра и помардэ?» Ёв пхэндя: «Одова, саво на ачкирдя лэс дэ пхарипэн: «джя и кэр дякэ сыр ёв.».
Библейско история Еванглия Лукастыр 10:25-37