4.7 KiB
26. Иисусо лыджял пэскири буты
Сыр Иисусо перелыджия пхарэ дэвэса бэнгэстыр, Ёв рисия дэ Галилея, одорик кай и дживэлас. Свэнто Духо дэлас лэскэ бари зор. Иисусо пхирэлас пир Галилея форостыр ко форо, сыс дэ бут штэты и подрикирэлас манушэн. Сарэ дрыван куч ракирэнас пал Лэстэ.
Екхвар Иисусо гия до форо Назарето, кай пролыджия Пэскирэ тыкнэ бэрша. Дэ суббота Иисусо гия дэ синагога, штэто кай мангэнпэ Дэвлэскэ. Одой дынэ лэскэ лыл пророкоско Исаи, соб ёв тэ прогинэл, тэ шунэн мануша со чиндо до лыл. Иисусо розкэрдя лыл и лыя тэ гинэл.
Ёв прогиндя: «Дэвэл дыя Мангэ Пэскиро Духо, соб Мэ тэ пхэнав лачё лав чёрорэнгэ. Ёв бичядя Ман тэ отмэкав пэ свобода, корорэ тэ дыкхэн и тэ одмэкэ одолэн, конэскэ пхаро. Ада дэвэса, сыр Дэвэл сыкавэла Пэско ковло ило и подрикирэла амэн».
Тэнче Иисусо прибэстя. Сарэ, кон сыс одой, дыкхэнас сарэ пэ Лэстэ. Ёнэ джиндэ, со штэто саво сыс чиндо дэ лыл Дэвлэскиро саво гиндя Иисусо сыс пал Мессия. Иисусо пхэндя: «Явья дэвэс тэ авэл саро дякэ сыр Мэ тумэнгэ прогиндём.» Сарэ мануша ничи на полынэс. «Ада Ёв нанэ чаво Иосифоско?»- ракирэнас ёнэ.
Тэнче Иисусо пхэндя: «чачибэн мануша на прылэн пророкос до дова форо, кай ёв выбария. До дэвэса Илии до Израилё сыс бут ромнен савэндэ мэя ром. Нэ сыр трин пашэса бэрш на сыс брышинд, Дэвэл на бичядя Илияс ко ромня Израилёстыр, нэ бичядя Ильяс к ромны авирэ родостыр».
Иисусо ракирэлас дурэдыр: «И дэ дэвэса сыр сыс пророко Елисеё до Израилё сыс бут манушэн, савэ сыс насвалэ цыпаса. Нэ Елисеё ни конэс-лэндыр на састякирд.Ёв састякирдя екхескири Нееманос, саво сыс баро рай кэ враги Израилёскирэ». Мануша, савэ шунэнас Иисусос, сыс евреи. Пал дава сыр ёнэ шундэ Лэстыр далэ лава, ёнэ росхолясынэ.
Мануша с Назарета вхтылдэ Иисусос и вылыджинэ Лэс с синагоги. Ёнэ яндэ Лэс пэ бэрга и камнэ Лэс тэ счурдэн бэргатыр. Нэ Иисусо прогия машкир лэндэ и угия с Назарета.
Тэнче Иисусо пхирэлас пир сари галилея, дрыван бут мануша явэнас кэ Ёв. Ёнэ янэнас бут насвалэн манушэн, а дякэ ж корорэн, кашукэн, савэ наракирэнас. И Иисусо састякирэлас лэн.
Дякэ ж кэ Иисусо лыджянас бутэн манушэн дэ савэндэ сыс бэнга. Иисусо припхэнэлас бэнгэнгэ тэ выджян лэндыр, и ёнэ выджянас. Бут молы бэнга годлэнас: «Ту — Чаво Дэвлэскиро!» Нэ Ёв запхэнэлас лэнгэ тэ ракирэн, Кон Ёв. Бут манушэн дрыван дивиндэпэ и прославляли Дэвлэс пал зор и власть, сави сыс кэ Иисусо.
Дрыван бут манушэн пхирэлас пал Иисусостэ, и кон савэ лэндыр тэрдёнас лэскирэса сыклякирдэнса. Машкир пэскирэндэ конэс Ёв сыклякирэлас выкэдыя 12 манушэн,савэн Ёв кхардя «апостолонса». Апостолы пхирэнас Иисусоса сыклёнас кэ Ёв.
Библейско история Еванглия Матфеёстыр 4:12-25, Еванглия Маркостыр 1:14-15, 35-39; 3:13-21 и Еванглия Лукастыр 4:14-30, 38-44