2.2 KiB
25. Бэнг камэл тэ залыджял Иисусос до бэзэх Иисусос
Сыр Иисусо болдяпэ Свэнто Духо Лыджия Лэс дэ пустыня. Иисусо сыс одой 40 дэвэса и 40 ратя. И сыр ёв пробокхалыя кэ Ёв подгия бэнг камья тэ залыджял Лэс до бэзэх.
Нэ Иисусо пхэндя: «Дэ Дэвлэско Лав чиндо: “Соб тэ дживэ манушэнгэ трэби нанэ екх маро, а саро со ракирла Дэвэл!”»
Тэнче бэнг лыя Иисусос и гадыя упрэ пэ Дэвлэскиро Кхэр и пхэндя: «Сыр Ту - Дэвлэскиро Чаво, чурдэпэ дэ пхув, чиндо дэ Лав Дэвлэскиро: “Дэвэл прыпхэнэла пэскирэнгэ ангелэнгэ тэ лыджян Тут соб тэри герой тэ пикадёл пиро бар “».
Нэ Иисусо на кэрдя адава, со камья Лэстыр бэнг. Ёв пхэндя: «Дэвэл ракирэл сарэнгэ: “Не испытывай тырэс Дэвлэс”».
Тэнче бэнг яндя Иисусос пэ дрыван учи бэрга и сыкадя Лэскэ саро форы по свэто, лэнгири зор и барвалыпэн. Бэнг пхэндя Иисусоскэ: «Мэ дава Тукэ саро адава, сыр Ту, пэрэса мангэ до чанга».
Нэ Иисусо пхэндя: «Уджя мандыр бэнг! Дэ Девлэско лав Дэвэл припхэнэл пэскирэ манушэнгэ: “Поклонинэнпэ Дэвлэскэ, тумарэ Дэвлэскэ. Лэс полэн сыр Дэвлэс”».
Иисусо наподдыяпэ пэ дова со бэнг камья тэзалыджял Лэс до бэзэх, и бэнг очядя Лэс. Тэнче ко Иисусо явнэ ангелы и подрикирдэ Лэс.
Библейско история Еванглия Матфеёстыр 4:1-11, Еванглия Маркостыр 1:12-13 и Еванглия Лукастыр 4:1-13