4.3 KiB
23. Сыр бияндыя Иисусо
Мария сыс засватано пал манушэстэ савэс кхарэнас Иосифо. Сыр ёв уджиндя, со Мария пхари, лэскэ кэрдяпэ ла дор и ёв камья тэ отмэкэл ла соб никон тэ наджинэл, соб тэ на авэл лакэ ладжяво манушэндыр. Нэ сыр дава тэкэрэл кэ ёв дэ суно явья ангело и заракирдя лэса.
Ангело пхэндя: «Иосифо, нандырша тэлэ Мария ромняса. Чаворо, Саво дэ латэ - Свэнтонэ Духостыр. Ёй биянэла Чавэс. Кхар Лэс Иисусо (со ракирэл «Яхвэ заракхэла»), пал дава со Ёв заракхэла манушэн лэнгирэндыр бэзэхэндыр».
Иосифо яндя Мария сыр ромня пэскэ до кхэр, нэ на сутя ласа кэ дова, сыр ёй на бияндя.
Дэ долэ дэвэса римско рай закамья тэ погинэ сарэн манушэн до Израилё. Ёв прыпхэндя, соб сарэ тэ традэн одорик катхыр сыс лэнгиро родо.Родо Марияко и Иосифоско сыс царё Давидо, саво бияндыя до Вифлиемо, пал дова ёнэ гинэ одорик. до Вифлеемо, и одой Мариякэ подгия дэвэс тэ биянэл.
Дэ Вифлиемо Мариякэ и Иосифоскэ на сыс кай тэ тэрдён пэ рат, и лэнгэ прыгияпэ тэ раткирэн дэ штала кай о ското. Одой Мария бияндя Чаворэс. Ёй чидя Лэс до ясли пал дова со на сыс кай Лэс тэ чивэ. Мария и Иосифо кхардэ чаворэс Иисусо.
Дэ доя рат нанэ дур пастухи ракхэнас пэ маля бакрэн. Катхыр лыяпэ паш лэндэ сияющё ангело. Пастухи дрыван здарандынэ, нэ ангело пхэндя: «На дарэнтэ, мандэ сын кэ тумэ лачо лав. До Вифлиемо бияндыя Мессия Дэвэл!
Тумэ попэрэна Чаворэс дэ штала Ёв авэла тэ пасёл до ясли». Болыбэн пхэрдыя ангелэнса. Ёнэ славиндэ Дэвлэс и ракирдэ: «Слава Дэвлэскэ до болыбэн! А пэ пхув миро и Дэвлэскири благосклоность ко мануша!»
Тэнче ангелы угинэ. Пастухи ачкирдэ пэскирэн бакрэн и гинэ тэ подыкхэ Чаворэс. Сыгэс ёнэ явнэ кэ дова штэто, кай сыс Иисусо, и попэнэ лэс до ясли, сыр ракирдя лэнгэ ангело. Пастухи дрыван сыс дэ лош. Ёнэ роспхэндэ Иосифоскэ И Мариякэ пал дова, со шундэ пал адалэ Чаворэстэ ангелэндыр. Тэнче пастухи рисинэ по маля кэ пэскирэ бакрэ, и прославиндэ Дэвлэс пал саро, со дыкхнэ и шундэ.
Дур пэ востоко дживэнас годявир мануша. Ёнэ сыклэ сыс тэ гинэн пиро чергэня. Екхвар годявир мануш удыкхнэ до болыбэн нанэ дасави чэргэн. Ёнэ полынэ, со ёй сыкавэлас со биянэлапэ баро еврейско Царё.Пал дава ёнэ закамнэ тэ джян до дром соб тэ поклонинэпэ Лэскэ. Ёнэ дрыван бут прогинэ и явнэ до Вифлиемо и попэнэ кхэр, кай дживэна Иисусо и Лэскирэ дад и дай.
Сыр ёнэ удыкхнэ Иисусос и лэскирья да, то пэнэ пэ пхув и поклониндэпэ Лэскэ. Тэнче ёнэ дынэ Иисусоскэ дрога подарки и рисинэ кхэрэ.
Библейско история Еванглия Матфеёстыр,шэро 1, и Еванглия Лукастыр, шеро 2