3.9 KiB
22. Сыр бияндыя Иоано
Бут бэрша Дэвэл ракирэлас Пэскирэнса пророкэнса, соб ёнэ тэ пиридэн Лэскирэ лава манушэнгэ. Нэ тэнче явнэ 400 бэрш штылыпэн, дэ далэ бэрша Ёв ничи на ракирэлас манушэнгэ. И Дэ екх дэвэс Дэвэл бичядя ангелос ко рашай савэс кхарэнас Захария. Захария и лэскири ромны Елисавета полэнас Дэвлэс. Сарэ дуй ёнэ сыс до бэрша и лэндэ на сыс чаворэн.
Ангело явья ко Захария, сыр ёв сыс дэ Дєвлєско Кхєр, и пхэндя: «Кэ тыри ромны биянэлапэ чаворо. Ту дэса лэскэ лав Иоанно. Дэвэл бичявэла пэ лэстэ Свэнто Духо, и Иоанно подлыджяла манушэн кэ дова сыр явэла Мэссия»! Захария пхэндя: Сыр мэ тэ уджинав кай дава авэла? Амэ ромняса дрыван пуранэ, соб амэндэ тэ авэн чаворэ!»
Ангело пхэндя лэскэ: «Ман бичядя Дэвэл, соб мэ тэ пхэнав тукэ лачо лав. Пал дова со ту на патяндыян мирэ лавэскэ, ту на лэса тэ ракирэс кэ дова дэвэс сыр на биянэлапэ чаворо». И Захария пирьячья тэ ракирэл. Ангело угия, а Захария рисия кхэрэ. Сыго лэскири ромны запхария.
Сыр Елисавета сыс пэ шовто чён пхари, одова ж ангело явья кэ манушны сави исыс пэскири Елисаветаки, савья кхарэнас Мария. Мария сыс чаёрьяса, засватано пало манушэстэ савэс кхарэнас Иосифо. Ангело пхэндя: «Ту авэса пхари биянэса чаворэс. Дэ Лэскэ лав Иисусо. Ёв авэла Чаво Баро Дэвлэскиро и авэла хуласа вечно».
Мария пхэндя лэскэ: «Сыр адава авэла, сыр мэ сын чаёри?» Ангело пхэндя: «кэ ту явэла Свэнто Духо, и Дэвлэски зор зджяла пэ тутэ. Пал дова Чаворо авэла свэнто, Ёв авэла Дэвлэскирэ Чавэса». И Мария патяндыя одолэскэ, со пхэндя ангело.
Сыго Мария гия кэ Елисавета. Сыр Мария поприветствовалась ласа, чаворо Елисаветако лошаса замардяпэ дэ латэ. Свэнто Духо сгия пэ Елисаветатэ, и ёй полыя, со паш латэ тэрды дай чаворэскири саво явэла Мессия. Джувля сыс лошалэ и пхэнэнас наис Дэвлэскэ пал дова, со Ёв скэрдя ваш лэнгэ. Мария сыс кэ Елисавета трин чёна, и рисия кхэрэ.
Прогинэ дэвэса и Елисавета бияндя чаворэс. Захария и Елисавета кхардэ чаворэс Иоанноса, сыр пхэндя лэнгэ ангело. И Дэвэл дыя со Захария заракирдя. Захария пхэндя: «Славинав Тут Дэвла пал дова, со Ёв явьян кэ пэскирэ мануша и набистырдя лэн! Ту, миро чаво, авэса Баро Дэвлэскирэ пророкоса. Ту роспхэнэса манушэнгэ пал дова сыр мануша заракхэнапэ пэскирэ бэзэхэндыр!»
Библейско история Лукастыр шеро 1