7.6 KiB
21. Пророчество со явєла Мисия
Сыр Дэвэл скэрдя свэто, Ёв джиндя со вариколи бичявэла пэ пхув Мессияс. Дэвэл ракирэлас адава Адамоскэ и Евакэ. Ёв пхэндя, со биянэлапэ мурш Еватыр, саво умарла сапэс до шэро. Адава сап сыс бэнг.Ёв явья сыр сап и хохадя Ева. И сыр Дэвэл ракирэлас, со мануш Евакирэ родостыр умарла до шэро сапэс, ада Ёв ракирлас пало Мессия, саво явэла и умарла бэнгэс.
Дэвэл дыя лав Авраамоскэ, со пал Мисия авэна благословена сарэ мануша до свэто. Дэвэл дэла пэскиро благословение, сыр бичявэла Лэс. Месия зракхэла бэзэхэндэр манушен сарэ свэтостыр.
Дэвэл дыя лав Моисеёскэ, со дурэдыр Ёв бичявэла авирэс пророкос,дасавэс сыр Моисеё. Адякэ Дэвэл дыя лав со бичявэла Мессия.
Дякэ Дэвэл пхэндя и царёскэ Давидоскэ, со лэскирэ родостыр авэла Мессия. Дэвэл ракирэлас, со дава Мурш авэла Царёса и вечно авэла Хуласа пэ Дэвлэскирэндэ манушэндэ.
Пророкоскэ Иеремияскэ Дэвэл пхэндя, со кэрла Нэво Завето манушэнса. Нанэ дякэ сыр до пурано завето, саво Дэвэл кэрдя Израилёса пэ бэрга Синаё, до Нэво Завето мануша авэна тэ джинэн Дэвлэс. Дэвэл пхэндя, со Ёв чивэла Пэскирэ законы до ило манушэнгэ. И ёнэ авэна тэ камэн Дэвлэс и тэ камэн тэ ракхэн Лэскирэ законы. Ёв авэла лэнгирэ Дэвлэса, и ёнэ Лэскирэнса манушэнса, пал одова кай Дэвэл простинэла бэзэха манушэшгирэ и бутыр на зрипирэла лэн. Дава Нэво Завето манушэнса кэрла Месия.
Дэвлытка пророки ракирэнас, со одова Мессия авэла Пророкоса, Рашаса и Царёса. Пророко - ада мануш, саво шунэл лава Дэвлэскирэ и пиридэл лэн манушэнгэ. Мессия пал савэстэ ракирдя Дэвэл авэла пророко би дошакиро. Ёв авэла тэ шунэл Дэвлытка лава, тэ полэ лэн и тэ сыклякирэл манушэн.
Израильска Рашая мангэнаспэ Дэвлэскэ пал манушэндэ и янэнас жертвы Дэвлэскэ манушэндыр. Адалэ жертвы янэнаспэ, соб Дэвэл тэ на марэл пал бэзэха манушэн. Мануша янэнас ко рашая ското би дошакиро, а рашая янэнас лэн дэ жертва Дэвлэскэ. Мессия трэби тэ авэл екхэрашаса би дошакиро, саво отдэл Пэс дэ жертва Дэвлэскэ. Кэ Мессия на авэла ни саво бэзэх и Ёв отдэла Пэс дэ жертва, и тэнче на трэби тэ янэ нисавэ жертвы пало бэзэха.
Кэ сарэ мануша сыс пэскирэ цари и шералэ. Ёнэ нанэ сарэ молы кандэнас Дэвлэс и кэрэнас нанэ дякэ сыр трэби. И сыр Давидо сыс хулай екхэнгэ израильтянэнгэ, то Мессия родо Давидоско, авэла хулай всарэ свэтоскэ. Ёв авэла чачуно хулай авэла годявир и вечно!
Дэвлэскирэ пророки роспхэнэнас, саво авэла Мессия. И пророко Малахия пхэндя, сыр тэ авэл Мессия явэла пророко Илия. Лэскири буты авэла дрыван бари. Пророко Исая джинэлас, со Мэссия биянэлапэ кэ чай сави на джиндя ромэс. А пророко Михеё ракирэлас, со Мэссия биянэлапэ до форо Вифлиемо.
Пророко Исая пхэндя, со Мессия авэла тэ дживэл дэ Галилея. Ёв авэла тэ подрикирэл манушэн савэнгэ пхаро и кон спхандо тэ отмэкэл пэ воля. Мессия авэла тэ дэл зор насвалэнгэ манушэнгэ, и долэнгэ, савэ кашукэ, корорэ, кон на ракирэл и на пхирэл гэрэнса.
Пророко Исаия ракирдя, со накамэна тэдыкхэн пэ Лэстэ и отпхэнэнапэ Лэс тэ прылэн. Пророки ракирэнас, со Мессияс здэла пэскиро мануш. А пророко Захария пхэндя, со мануш саво здэла лэс лэла пал дава 30 рупунэ ловэ. Пророки ракирэнас, со мануша умарна Мессияс и авэна тэ чурдэн жрэбиё пал дова, конэскэ дорэсэлапэ Лэскири идя.
Пророки роспхэнэнас пал дова, сыр Мессия мэрла. Исаия ракирэлас, со мануша авэна тэ чунгардэн пэ Лэстэ, тэ санпэ Лэстыр и тэ марэн Лэс. Ёнэ пропусавэна Лэс барьяса чурьяса, и Ёв мэрэла дэ бари дукх, а Ёв на кэрдя ни саво дылныпэн.
Пророки ракирэнас, со кэ Мессия на авэла бэзэх. Ёв авэла мануш би дошако. Нэ Мисия мерла пал дова со Дэвэл марэла Лэс, пал бэзэха сарэ манушэнгирэ. Лэскири смэрть янэла миро машкир Дэвлэстэ и манушэндэ. Пал дова Дэвэл домэкэла кай Мессия тэ мэрэл.
Пророки ракирэнас пал дова, со Дэвэл гадэла мулэндыр Мессияс. Ада ракирэлпэ амэнгэ, со мэя и вштыя мулэндыр Иисусо, адякэ кхарэна Мессияс саво биянэлапэ, адава закамья Дэвэл соб тэ скэрэ Нэво Завето. Адякэ Дэвэл закамья тэ зракхэл манушэн савэ кэрэнас бэзэх ангил Лэстэ.
Дэвэл сыкадя манушэнгэ бут чачибэн пал Мессиястэ, нэ ни кон лэндэр на до джинджя кэ дова дэвэс сыр бияндыя Мессия. Прогинэ 400 бэрш сыр сыс последнё пророчество и явья дэвэс Дэвэл бичядя пэ свэто Мессияс.
Библейско история с Бытие 3: 15, Второзок. 18: 15, 2 Царств 7, Иеремия 31, Исая 59: 16, Данила 7, Малахии 4: 5, Исаи 7: 14, Михея 5: 2. Исаи 9. 1-7, 61, 53, Псалмов 21: 19. 34: 19, 68: 5, 40: 10, Захарии 11: 12-13, Исаии 50: 6, Псалмов 16: 10-11.