7.7 KiB
16. Сэндарья
Сыр мэя Иисусо, чаво Навиноскиро, израильтяне перьячнэ тэ кандэ Дэвлэс и тэ дживэ пир Лэскиро лав. Израильтяне на вытрадынэ манушэн савэ ачнэпэ дэ Ханаано и лынэ тэ поклонинэнпэ хананейсконэнгэ дэвлэнгэ, а нанэ Яхвэ, чачунэ Дэвлэскэ. Кэ израильтяни на сыс царёс, пал дова мануша дживэнас дякэ сыр кон камэнас.
Эфта бэрш мадианитяне залэнас кэ израильтяни саро маро Израильтяни дживэнас даранэс и гаравэнаспэ до бэрги, соб медианитяне тэ на попэрэн лэн. И ёнэ заракирдэ ко Дэвэл и мангэнас Лэс тэ заракхэл лэн.
Дэ дола дэвэса дживэлас израильтянино кхарэнас лэс Гедеоно. Екхвар сыр ёв гаравэласпэ мадианитянэндыр, и соб никон тэ надыкхэл ёв вымарэлас маро, кэ ёв явья ангило Дэвлэстыр и пхэндя: «Зороло мануш, туса Дэвэл! Джя и эаракх Израилё мадианитянэндыр».
Ко дад Гедеоноско сыс жертвеннико, скэрдо ваш идалоскэ. Дэвэл припхэндя Гедеоноскэ тэ розмарэл адава жертвеннико и тэ чивэл жертвеннико Дэвлэскэ Яхвэ. Нэ Гэдионо дарэласпэ манушэндыр, пал дова ёв подужакирдя рат и розмардя жертвеннико по котыра. Пэ дава штэто кай розмардя жертвеннико, Гэдионо кэрдя жертвеннико Дэвлэскэ и яндя пэ лэстэ жертва.
Сыр мануша удыкхнэ, со жертвеннико розмардо, ёнэ дрыван росхолясынэ и гинэ по кхер ко Гедеоно, тэ умарэн лэс. Нэ дад Гэдионоско пхэндя: «Соскэ тумэ камэн тэ заракхэн пэскирэс дэвлэс? Сыр ёв дэвэл, то мэк заракхэл кокоро пэс!» Шундэ адалэ лава, мануша и пхэндэ на ласа тэ умарэ Гедеонос.
Сыго мадианитяне явнэ тэ обчёрэн израильтянэн. Мадианитянэн сыс дякэ бут, со лэн напогинэса. Гэдионо скхардя израильтянэн, соб тэ марэпэ мадианитянэнса. Ёв мангья ко Дэвэл дуй знаки, соб тэ уджинэ со, Дэвэл чачибэн прыкхарэл лэс тэ заракхэл Израилё мадианитянинэндыр.
Ваш перво знако Гедеоно чидя пэ пхув бакрытко шерсть и помангья Дэвлэс, соб утроса роса тэ авэл пэ шерсть, а пхув сари тэ авэл шуки. Дэвэл дякэ и кєрдя. Пэ авир рат Гедеоно помангья Дэвлэс, соб пхув тэ авэл кинды, а шерсть шуки. Дэвэл кэрдя дякэ. Адалэ дуй знаки дынэ тэ полэ Гэдеонэскэ, со Дэвэл чачибэн прыкхарэл лэс тэ заракхэл Израилё мадианитянэндыр.
Тэнче Гедеоно кхардя кэпэ манушэн, и кэ ёв явнэ 32 барья манушэн. Нэ Дэвэл пхэндя лэскэ, со ада дрыван бут. Тэнче Гедеоно бичядя кхэрэ 22 барья манушэн, савэ дарэнаспє тэ марэнпэ. Дэвэл пхэндя Гедеоноскэ, со лэстэ всаек бут манушэн. Тэнче Гедеоно выкэдыя 300 манушэн савэ лэна тэ марэнпэ, пэ савэндэ сыкадя лэскэ Дэвэл, а сарэн авирэн бичядя кхэрэ.
Дэ доя рат Дэвэл пхэня: «Поджья кэ лэнгирэ шатры и пошун со ракирэн мадианитяне. Сыр ту шунэса, пал со ёнэ ракирэн, то пирьячеса тэ дарэс тэ джя пэ лэндэ». Ратяко Гэдеоно подгия ко шатры и шундя, сыр екх мануш-мадианитянино роспхэнэлас авирэскэ суно, сыр пир мадианитянско лагирё кругло ячменно маро и розмардя шатра. Авир мануш пхэндя: «Адава суно кэ дова, со мануша Гедеонаоскирэ розмарэна амэн мадианитянэн!» Шундя адава, Гедеоно поклониндяпє Дэвлэскэ.
Тэнче Гедеоно рисия кэ пэскирэ мануша и пхэндя, Дэвэл отдэл мадианитянэн дэ лэнгирэ васта. И Гедеоно дыя кожнонэскэ рого, глинатыр чаро и факело. Ёнэ гинэ облынє лагерё, дэ саво совэнас мадианитяне. Трин шела манушэн Гедеоноскирэ рикирэнас захачкирдэ факелы до чарэ, соб мадианитяне тэ наявэл душлы лэнгири яг.
Тэнче сарэ мануша Гедеоноскирэ розмардэ чарэ — и кэрдяпэ душло ягатыр кай хачёнас факелы. Мануша пикадэ до трубы и загодлынэ: «Мечё Яхвэ и Гедеоноскиро!»
Дэвэл кэрдя со мадианитяне на полынэ со кэрэлпэ, и лынэ ёнэ тэ умарэ екх екхэс. Гедеоно на дужакирэлас а бичядя манушэн, соб ёнэ тэ кхарэн бутыр израильтянэн, и ёнэ тэ явэн и тэ традэн мадианитянэн. Израильтяне умардэ бут лэнгирэн манушэн, а савэ ачнепэ джидэ вытрадынэ лэн пэскирэ пхувьятыр. До дава дэвэс хасия 120 барья мадианитян и Дэвэл заракхья Израилё!
Мануша закамнэ тэ кэрэн Гедеонос пэскирэса царёса. Нэ Гедеоно на закамья, а помангья лэндыр сумнакунэ ангрусня, савэ ёнэ залынэ кэ мадианитяни. Мануша яндэ Гедеоноскэ бут сумнакай.
Дякэ исыс бут молы: израильтяне кэрэнас бэзэх - Дэвэл лэн марэлас, ёнэ мангэнас тэ простинэл лэн - и Дэвэл бичявэлас лэнгэ сэндарёс, саво заракхэлас лэн. И бут бэрша Дэвэл дэлас израильтянэнгэ бутэн сэндарен, савэ заракхэнас лэн врагэндыр.
Сыр враги бут молы джянас пэ лэндэ, то израильтяни мангнэ ко Дэвэл царёс, сыр кэ сарэ авир мануша. Ёнэ камнэ царёс, саво лэла лэн тэ лыджял до марибэн. Дэвлэскэ на чалыя со ёнэ мангнэ царёс, нэ Ёв всаек дыя лэнгэ царёс, сыр ёнэ мангнэ.
Библейско история с Сындарья 1-3; 6-8