6.4 KiB
15. Пхув пал сави ракирдя Дэвэл
Явья дэвэс израильтянэнгэ тэ заджя пэ Пхув сави ракирдя Дэвэл — до Ханаано. Пэ доя пхув сыс форо саво кхарелпэ Иерихоно. Лэс заракхэнас барэ стены. Иисусо, чаво Навиноскиро, бичядя дуен манушэн тэ угалён дэ Иерихоно. Дэ дова форо дживэлас лубны ла кхэрэнас Раав. Ёй гарадя адалэн манушэн кэ пэ до кхэр, и дыя лэнгэ тэ уджя форостыр. Ёй кэрдя дава пал дова, со патяндыя дэ Дэвлэски зор израильтянэнги. Адалэ дуй мануша пхэндэ со заракхэна Раав и лакири семья, сыр израильтяни розмарэна Иерихоно.
Соб тэ заджя дэ доя Пхув, израильтянэнгэ трэби сыс тэ пириджян рэка сави кхарэлпэ Иордан. Дэвэл пхэндя Иисусоскэ, чавэскэ Навиноскирэскэ: «Мэк ангил джяна рашая». Сыр рашая загинэ дэ рэка Иордано, о паны пирьяча тэ тхадэл и израильтяни пиригинэ пэ явир риг рэка пир шуко дром.
Тэнче сыр мануша пиригинэ рэка Иордано, Дэвэл пхэндя Иисусоскэ, чавэскэ Навиноскирэскэ, кай ёнэ лэна тэ заухтылэн дрыван зорало форо Иерихоно. Дэвэл пхэндя Иисусоскэ, соб ёнэ шов дэвэс рашая и мануша савэ лэна тэ марэнпэ, тэ обджян форо екхвар до дэвэс. Ёнэ кэрдэ дякэ сыр пхэндя Дэвэл.
Дэвэл дякэ ж пхэндя, со по эфтато дэвэс израильтяни трэби тэ обжян кругом форо эфта молы. Тэнче рашая трэби тэ пхурдэн дэ трубы а мануша тэ гадэн бари годла. Тэнче стены Иерихоноскирэ ппэрэна и ёнэ лэна форо. Израильтяни дяки и кэрдэ.
Сыр ёнэ кэрдэ саро со лэнгэ пхэндэ, стены Иерихоноскирэ пэнэ! Израильтяне дэ форо умардэ сарэн, сыр лэнгэ пхэндя Дэвэл. Ёнэ заракхнэ Раав и лакири семья, сави тэнче явья кэ израильска мануша. Сыр шундэ, со израильтяне розмардэ Иерихоно, то мануша савэ ачнэпэ до Ханаано здарандынэ, со ёнэ умарэна и лэн.
Дэвэл припхэндя израильтянэнгэ тэ накэрэ ни савэ договоро манушэнса Ханааностыр. Но екх родо дэ Ханаано хохадя Иисусос, чавэс Навиноскирэс. Ада сыс гаваонитяне. Ёнэ пхэндэ, со дживэн дур Ханаанэостыр и мангнэ Иисусос, тэкэрэ лэнса договоро. Иисусо, и авир мануша Израиля кэрдэ договоро с гаваонитянэнса, на пучнэ кэ Дэвэл,чи дякэ ёнэ кэрдэ..
Прогия трин дэвэс и израильтяне уджиндэ, со гаваонитяне дживэн до Ханаано. Ёнэ холясынэ пэ лэндэ пал дова со ёнэ лэн хохадэ. И всаек израильтяне рикирэнас мирно договоро, саво кэрдэ лэнса, пал дова со пхэндэ ада ангил Дэвлэстэ. Прогинэ дэвэса и цари аморреевска, авирэскирэ родоскирэ дэ Ханаано, шундэ, со гаваонитяне кэрдэ израильтянэнса договоро. Адалэ цари скэдынэ манушэн и гинэ тэ марэпэ пэ Гаваонэндэ. Тэнче гаваонитяне явнэ кэ Иисусо чаво Навиноскиро, тэ мангэн лэс тэ заракхэл лэн.
Иисусо, чаво Навиноскиро, скэдыя израильсконэн манушэн савэ лэна тэмарэнпэ. Ёнэ джянас сари рат кэ гаваонитяне. И кай э зоря ёнэ лынэ аморреевсконэн манушэн и помардэ лэн.
Дэ дова дывэс Дэвэл марэласпэ пало Израилё. Ёв кэрдя дякэ со ёнэ ничи на полынэ и бичядя баро градо, саво умардя бутэн лэнгирэн манушэн.
И тэрдякирдя Дэвэл кхам до болыбэн, соб кэ Израилё тэ авэл барэдыр дэвэс ваш дова соб саро тэ розмарэ кэ аморреи. Дэ дова дывэс Дэвэл выкхэлдя дава марибэн ваш Израилёскэ.
Сыр Дэвэл розмардя адалэн манушэн, бут авир хананейска роды скэдынэпэ хкэтанэ соб тэ марэ Израилёс. Нэ Иисусо чаво Навиноскиро манушэнса израильтянэнса, гинэ пэ лэндэ и умардэ лэн.
Сыр прогия дава марибэн Дэвэл дыя сарэнгэ родэнгэ Израильтянонэнгэ пэскиро котыр Пхув сави Ракирэлас и дыя дэ Израилё миро и сарэнса кон паш лэндэ дживэлас.
Сыр Иисусо, чаво Навиноскиро пураныя ёв скхардя сарэн Израилёскирэн манушэн. Ёв пхэндя израильтянэнгэ соб ёнэ тэ набистрэн, со ёнэ пхэндэ Дэвлэскэ, кай лэна тэ дживэн до завето саво Дэвэл скэрдя лэнса пэ бэрга Синай. Мануша пхэндэ со авэна чачунэ Дэвлэскэ и тэдживэ лэна пир Лэскирэ лава.
Библейско история Иисусостыр Навиноскиро 1-24