7.1 KiB
13. Завето Дэвлэско Израилёса
Сыр Дэвэл пролыджия израильтянэн пир Лоло морё, Ёв лыджия лэн пир пустыня кэ бэрга сави кхарэласпэ Синай. Адая бэрга кай Маисеё дыкхья сыр хачёлас набаро дэмбо. Мануша росчурдынэ пэскирэ шатры пашэ бэрга Синай.
Дэвэл пхэндя Маисеёскэ и сарэнгэ манушэнгэ Израиля: «Сыр тумэ лэна тэшунэн Ман и тэ ракхэн завето, саво Мэ скэрава тумэнца, то тумэ авэна ваш Мангэ дрога, «мирэ рашая и «свэнта манушэнца»
Дэвэл припхэндя Маисеёскэ соб ёв тэ освятинэл манушэн кэ трито дэвэс тэ дыкхэнпэ Лэса. Мануша дуй дэвэс скэдэнаспэ соб тэ дыкхэнпэ Дэвлэса. Пэ трито дэвэс явья Дэвэл упрэ пэ бэрга Синай. Сыр Ёв джялас сыс баро громо, молнии, тхув и бари трубытко глос. Дэвэл кхардя Маисеёс и Маисеё гадыяпэ пэ бэрга.
Пэ бэрга Синай Дэвэл кэрдя манушэнца завето и дыя лэнгэ Дэш Заповеди. Ёв пхэндя: «Мэ – Яхвэ, тумаро Дэвэл. Мэ заракхьём тумэн сыр сыс тумэ бутярнэ до Египто. Намангэнпэ кэ авирта дэвэла ».
«На кэрэн пэскэ идалэн и напэрэн по чанга ангил лэндэ, пал дова со Мэ, Яхвэ, трэби тэ авав тумэндэ екх Дэвэл. На ракирэн миро Лав би патывако. Рипирэнте, со суббото – Када свэнто дэвэс. Кэрэнте пэскири буты дэ шов дэвэс, а эфтато дэвэс, суббота, на кэрэнте ничи а думинэн пал Дэвлэстэ».
«Полэн пэскирэн дадэн и даен. На умарэн.На пасёв чужонэ ромняса. На чёрэнте. На хохавэнте. На камэн чужона ромня, нанэ пэско кхэр и саро, со нанэ тумаро».
Сарэ мануша прылынэ заповеди, савэ дыя лэнгэ Дэвэл. Сарэ закамнэ тэ авэн лэскирэ манушэнса и Тэпрылэ Лэс екхэс Дэвлэс и тэ поклонинэпэ Лэскэ.
Дэвэл пхэндя израитянэнгэ, соб ёнэ тэ кэрэн бари шатра – Шатра Тэскэдэнпэ. Дэвэл саро роспхэндя лэнгэ, Сыр тэ кэрэн ла и со дэ латэ тэ чивэн. Дэвэл прыпхэндя лэнгэ тэ скэрэн бари цэрга, сави лэла тэроскэрэл шатра по дуй. Дэвэл пхэндя, со Ёв явэла дэ шатра, сави палэ цэрга, и ачкирлапэ дэ латэ. Дэ дая шатра на заджял никон, ек баро рашай
Дэвэл выкэдыя Пэскэ рашаса Ааронос, пшалэс Моисеёскирэс, и лэскиро родо. Мануша трэби сыс тэ скэрэн жертвеннико ангил Шатра Тэскэдэнпэ. Сарэ, кон на кандыя Дэвлэско Законо, трэби тэ янэн пэ адава жертвеннико ското. Рашай трэби тэ лэл и тэ зачинэл адава ското и тэ схачкирэл пэ жертвеннико дэ жертва Дэвлэскэ, Дэвэл пхэндя со рат скотоско прыкэрла бэзэх адалэ манушэско, пал дова Ёв на дыкхэла адава бэзэх. Пал дая жертва мануш тэрдёла жужо дэ якха Дэвлэскирэ.
Дэвэл дыя манушэнгэ бут авирта законы сыр тэдживэ и тэлыджя пэскиро джюипэн. Дэвэл дыя лав со дэла лэнгэ бах и лэла лэн тэ эаракхэл, сыр ёнэ лэна тэ дживэн пир Лэскиро законо. А сыр на лэна тэ дживэ пир далэ законы, то Дэвэл пхэнэл со Ёв лэла лэн тэпомарэл. Дэвэл чингирдя Дэш Заповеди пэ дуй бара и пхэндя Маисеёскэ, соб ёв тэ гадэлпэ пэ бэрга Синай и тэ лэл лэн.
Маисеё бут дэвэса сыс пэ бэрга Синай и ракирэлас Дэвлэса. Мануша кхинынэ тэ дужакирэн лэс. Ёнэ яндэ Аароноскэ сунакай и помангнэ лэс тэ скэрэ лэнгэ идалос, савэскэ ёнэ лэна тэ поклонинэнпэ, а нанэ Дэвлэскэ. Дякэ ёнэ кэрдэ баро бэзэх ангил Дэвлэстэ.
Аароно кэрдя сумнакунэс идалос дэ облико гуровытко.ануша сыр дылынэ лынэ тэмангэнпэ ангил гурувэстэ лынэ тэянэн лэскэ жэртвы. Дэвэл дрыван холясыя пэ лэндэ пал дава бэзэх. Ёв пхэндя Маисеёскэ, со камэл тэ хаскирэл лэн. Нэ Маисеё мангьяпэ Дэвлэскэ, соб Ёв тэ на хаскирэл лэн. Дэвэл шундя лэскиро мангипэн и на хаскирдя манушэн.
Сыр Маисеё змэкэласпэ бэргатыр Синай, ёв лыджялас до васта дуй тбара), пэ савэндэ Дэвэл чингирьдя Дэш Заповеди. Удыкхья идалос, Маисеё дякэ росколясыя, со розмардя адалэ дуй бара.
Тэнче Маисеё схачкирдя идалос розмардя лэс до прахо. Ёв чурдыя прахо до паны и припхэндя манушэнгэ тэ пьен паны. Дэвэл бичядя пэ манушэндэ насвалыпэна, и бут лэндыр по мэнэ.
Дэвэл припхэндя Маисеёскэ тэ кэрэл нэвэ бара ваш Дэш Заповеди поштэто одолэнгэ савэ ёв розмардя. Маисеё дякэ и кэрдя. Ёв гадыяпэ пэ бэрга и помангьяпэ,соб Дэвэл тэ простинэл манушэн. Дэвэл ушундя лэс, простиндя израильтянэн и зачиндя Дэш Заповеди пэ нэвэ бара. Маисеё рисия бэргатыр адалэнса барэнца. Тэнче Дэвэл отлыджия израильтянэн бэргатэр Синай кэ Пхув пал сави Ёв лэнгэ ракирлас.
Библейско история сыр Выджянас 19-34