2.8 KiB
11. Патради
Дэвэл бичядя Маисеёс и Ааронос ко фараоно тэ пхэнэн лэскэ, соб ёв тэ одмэкэл израильтянэн. Ёнэ пхэндэ фараоноскэ, со сыр ёв на одмэкэла израильтянэн, то Дэвэл мулякирла дэ Египто сарэн муршэн савэ бияндынэ перва: сыр кэ мануша, дякэ и ко ското. Шундя адава, фараоно всаек на патяндыя Дэвлэскэ и на кандыя Лэс.
Египтяненэн дужакирлас бари бида.Нэ важ израильска мануша савэ бияндынє перва Дэвэл выкэдыя авирто дром саво лэн заракхэла. Сарэ семьи трэби тэ выкэдэн бакрорэс би дошакиро и тэ зачинэн лэс.
Дэвэл пхэндя израильтянэнгэ тэлэн бакрорэскиро рат и тэ помакхэн лэса удара дэ пэскирэ кхэра, а мас тэ запэкэн пэ яг и сыгэдыр тэ схан марэса саво пэкло би закваскако. Ёв пхэндя лэнгэ, соб ёнэ тэ скэдэнпэ тэ уджян Египтостыр, сыр схана мас и маро.
Израильтяне саро кэрдэ дякэ, сыр пхэндя лэнгэ Дэвэл. Дэ паш рат Дэвэл прогия пир Египто и мулякирдя сарэн муршэн савэ бияндынэ перва.
До кхэра кэ сарэ израильтяни по удара сыс рат бакрорэско, и Дэвэл прогия дурэдыр адалэ кхэрэстыр, Сарэ кон сыс дэ далэ кхэра, заракхнэпэ. Ёнэ заракхнэпэ пал дова со рат бакрорэско сыс пэ лэнго кхэр.
Фараоно на патяндыя Дэвлэскэ и на кандыя Лэс, пал дава Дэвэл холясыя пэ Египто. Ёв мулякирдя сарэн первонэн чаворэн до Египто
Сарэ египетска пэрвынцы муршитконэ родостыр мэнэ: манушэндыр савэ до бэшибэн, кэ первенцо фараоноско. Пир саро Египто мануша ровэнас барэ бидатыр.
Дэ доя рат фараоно кхардя Маисеёс и Ааронос и пхэндя: «Скэдэн сарэн израильтянэн и сыгэдыр уджяньтэ Египтостыр! «Египтяне камнэ, соб израильтяни сыгэдыр тэ уджян.
Библейско история с выджянас 11: 1-12: 32