4.2 KiB
10. Дэш Египетска биды
Дэвэл пхэндя Моисеёскэ, со фараоно на закамэла тэ отмэкэл лэскирэн манушэн Египтостыр. Моисеё и Аароно гинэ ко фараоно и пхэндэ лэскэ: «Дякэ ракирэл Дэвэл: “Отмэк мирэн манушэн!”». Нэ фараоно на кандыя лэн. Ёв на мэкья лэн а припхэндя лэнгэ тэ кэрэн бутыр буты.
Моисеё и Аароно явэнас кэ фараоно нанэ екхвар, нэ всарэ молы фараоно отпхэнэлас лэнгэ тэодмэкэл манушэн. Пал дова Дэвэл бичядя пэ Египто дэш барэ биды. Адалэ бидэнса Дэвэл мардя фараонос и сыкадя лэскэ и всарэ Египтоскэ, со Ёв зоралэдыр фараоностыр и всарэ дэвлэндыр до Египто.
Перво бида сыс дасави: Дэвэл кэрдя паны дэ рэка Нило ратэса. Нэ фараоно на одмэкья израильтянэн.
Тэнче Дэвэл бичядя пэ Египто дрыван бут жабэн. Фараоно мангэласпэ кэ Моисеё тэ улэл лэн Египтостыр. Нэ тэнчи, сыр Мисеё помангья Дэвлэс тэ на авэн жабы и ёне повымэнэ, фараоно холясыя дрыванэдыр и на закамья тэ одмэкэл манушэн Египтостыр.
Пал дова Дэвэл бичядя пэ Египто мошкэн, нэ фараоно на мэкэлас лэн. Тэнче Дэвэл бичялдя бурлен. Фараоно кхардя Моисеёс и Ааронос и пхэндя лэнгэ, со сыр ёнэ улэна адая бида, то израильтяне уджяна Египтостыр. Моисеё помангьяпэ, и Дэвэл улыя бурлен Египтостыр. Нэ фараоно холясыя дрыванэдыр и на мэкья манушэн.
Тэнче Дэвэл бичядя насвалыпэн пэ сари скотина сави лэндэ сыс. И дава моло фараоно холясыя сарэ илэстэр и на мэкья манушэн
Тэнче Дэвэл пхэндя Моисеёскэ тэ чурдэл прахо упрэ ангил фараоностэ. Сыр Моисеё кэрдя адава, кэ египтяне явья насвалыпэн язва пэ цыпа, а ко израильтянэ на сыс адава. Дэвэл бутыр кэрдя холы дэ ило фараоноскэ, и ёв на мэкья манушэн.
Тэнче Дэвэл бичядя градо, саво хаскирдя саро урожаё дэ Египто и умардя саро джидо, со сыс тало болыбэн. Фараоно кхардя Моисеёс и Ааронос и пхэндя лэнгэ: Мэ кэрдём бэзэх. По мангэнпэ Дэвлэскэ, соб тэ пирьячэл градо и мэ одмэкава тумэн. Моисеё помангьяпэ, и градо пирьячья.
Нэ фараоно кэрдя бэзэх и холясыя. Ёв на мэкья израильтянэн.
Тэнче Дэвэл бичядя саранча пэ Египто. Ёй схая саро урожаё, саво ачкирдяпэ, сыр прогия градо.
Тэнче Дэвэл бичядя калы рат,сави сыс трин дэвэс. И на сыс ничи душло и египтяне на выджянас кхэрэстыр. А кай джювэнас израильтяне сыс саро душло.
И сыр прогинэ далэ иня биды фараоно отпхэнэласпэ тэ отмэкэл манушэн Египтостыр. Дякэ сыр фараоно на камья тэшунэл Дэвлэс, Дэвэл бичядя авир бида. Адая бида трэби сыс тэ кэрэл кай фараоно тэ одмэкэла израильтянэн.
Библейско история сыр Выджянас 5-10