3.5 KiB
7. Дэвэл благословляет Иаковос
Пшала барьёнас. Исаво исыс охотнико, а Иаково бэшелас кхэрэ, Исаако камелас Исавос а Ревекка камэлас бутыр Иаковос.
Екхвар Исаво явья бутятыр дрыван бокхало. Ёв пхэндя Иаковоскэ: «Дэ мангэ хабэн саво ту карадян». Иаково пхэндя: «Ту дэ мангэ лав, со ту дэса мангэ тэ гинавпэ пхурэдырэса дэ семья». Исаво дыя лав, со дэла лэскэ тэ гинэлпэс пхурэдырэса. Тэнче ёв дыя лэскэ тэха.
Исаако камья благословить Исавос, нэ благословил Иаковос, пал дова со Ревекка и Иаково хохадэ лэс. Иаково явья ко дад и выдыя пэс пал Исавостэ. Ёв уридяпэ сыр Исаво и чудя пэ васта и пэ мэн пэскэ козытко цыпа до бала. Исаако сыс пурано и на додыкхэлас, и пал адава на полыя со лэс хохадэ.
Иаково явья кэ Исаако и пхэндя: «Мэ - Исаво. Мэ явьём, соб ту тэ благословишь ман». Исаако лыяпэ вастэса палэ бала козытка и накхэса ушундя сыр кхандэлас идя, и подуминдя со када Исаво а благословил Иаковос.
Исаво холясыя пэ Иаковостэ пал дова, со Иакова хохаибнаса лыя благословение, саво трэби тэ авэл лэскиро. Пал дава Исаво пхэндя, со сыр Дад мэрэла умарэла Иаковос.
Нэ Рэвека галыя со Исаво камэл тэкэрэл, и лынэ Исаакоса и отбичялдэ Иаковос дур кэ родо Ревекако.
Иаково проджиндя одой бут бэрша. Пал адава время Ёв лыя ромня, и лэстэ бияндынэ дэшудуй чавэ и екх чай. Дэвэл кэрдя лэс дрыван барвалэса.
Сыр проджиндя дуйдэша бэрш дур дадэскирэ кхэрэстыр, Иакова закамья тэрисёл палэ дэ Ханаано пэскирэ семьяса, бутярнэнса и пэкирэ скотинаса.
Иаково дрыван даралас Исавостыр, ёв думиндя со Исаво камэл тэумарэл лэс. Пал одова ёв бичядя Исавоскэ дрыван бут ското. Бутярнэ яндэ ското кэ Исаво и ракирэн: Тэро рабо Иаково отдэл тукэ када ското. Ёв и кокоро сыго явэла.
Нэ Исаво кана на камэлас кокоро тэ умарэл Иаковос. И исыс кокоро лошало тэдыкхэл пэскирэс пшалэс. Тэнче кадалэ пшала полэнас екх екхэс и бутыр накушэнаспэ и дживэнас дэ Ханаано. Сыр Исаако мэя, пшала гарадэ лэс. Лав пир завето, саво Дэвэл дыя Авраамоскэ, пиригия Исаакостыр кэ Иаково.
Библейско история с Бытия 25:27-33:20