2.5 KiB
6. Дэвэл заботиться пало Исаакосте.
Джянас дэвэса. Авраамо дрыван пураныя, а лэско чаво Исаако кэрдяпе до бэрша мануш. Екхвар Авраамо бичядя екхэс пескирэс бутярнэс дэ пхув, кай дживэлас лэскиро родо, соб дова тэ попэрэл ромня Исаакоске.
Бутярно дрыван бут джялас кэ пхув кай Араамоскиро родо, и сыр ёв явья, Дэвэл яндя лэс кэ Ревека. Ёй сыс Аврамоскирэ пшалэски внучка.
Ревека закамья тэ ачкирэл пэскири семья и тэ утрадэ бутярнэса кэ Исаако. Сыр ёй явья дорик, Исаако дэ дова дэвэс лыя ла пало ром.
Прогинэ дрыван бут дэвэса. Авраамо мэя, и Дэвэл благословил Исаакос, чавэс Араамоскирэс, пир дова завето, саво Ёв скэрдя Араамоса. Дэ дава завето Дэвэл дыя лав, со ко Авраамо авэла драван баро родо. Нэ кэ Ревека, ромны Исаакоскири, на сыс чаворэн.
Исаако мангья Дэвлэс пал Ревекатэ, и Дэвэл дыя лакэ соб ёй тэ авэл пхари дуе чаворэнса. Дуй чаворэ кэ дай дэ ди лынэ тэ маранпэ екх екхэса. Тэнче Ревекка пучэлас Дэвлэстыр пал одова, со кэрэлпэ.
Дэвэл пхэндя Ревеккакэ: Ту биянэса дуен чаворэн. Кадалэ чаворэндыр авэна дуй роды. Адалэ дуй роды авэна тэ джян екх пэ екхэстэ. Нэ родо саво авэла пхурэдырэ чавэстыр, прыджялапэ тэ покоринэнпэ родоскэ тэкнэдырэ чавэскэ.
Cыр явья дэвэс, Ревекка бияндя дуен чаворэн савэ счурдэнаспэ екх пэ екхэстэ. Пхурэдыр чаворо бияндяпэ рыжо и саро до бала. Лэскэ дынэ лав Исаво. А тэкнэдыр чаворо саво бияндяпэ пал лэстэ и рикирэласпэ пал лэскири гэрой. Лэскэ дынэ лав Иаково.
Библейско история Бытие 24: 1-25: 26