4.5 KiB
4. Завето Дэвлэско Аврамоса
Прогинэ бут бэрша сыр Дэвэл зачудя всаро панеса и тэнчи пэ пхув бияндынэ бут мануша, и ёнэ всаек сыс захалэ и кэрэнас бэзэха ангил Дэвлэстэ и ангил ек екхэстэ. Тэнче сарэ мануша ракирэнас пэ екх чип. И сыр Дэвэл пхэндя манушэнгэ тэ дживэ пир сари пхув, ёнэ, накандынэ, скэдынэпэ кэтанэ и прылынэпэ кэ буты тэ скэрэн форо.
Мануша сыс дрыван пхуткирдэ. Ёнэ на камэнас тэ шунэн Дэвлэс и тэ дживэ дякэ сыр Ёв ракирэл. Ёнэ лынэ тэ кэрэ бари башня кэ само болыбэн, соб тэ гадэ пэскиро лав и тэ нарозджяпэ пир саро свэто. Дэвэл удыхья, сыр ёнэ авэна дурэдыр тэкэрэн пэскири буты, то кэрэна пэ бут бутыр бэзэха.
Тэнче Дэвэл парудя екх чип манушэнги пэ бут авирта чиба и росчурдыя манушэн пир саро свэто. Форо саво ёнэ лынэ тэ скэрэн, прокхардэ Вавилоно, со ракирэл «сарэ кэхтанэ».
Прогинэ бут шела бэрша Дэвэл пропхэндя лав ко мануш савэс кхарэн Аврамо. Дэвэл пхэндя лэскэ: «Ачав пэскиро форо и пэскирэн пэскиро родо и джя пэ пхув, сави Мэ сыкавава тукэ. Мэ дава тукэ бах и тутыр джяла баро родо. Мэ гадава тыро лав упрэ. Бахтало авэла кон благословит тыро лав, и бибахтало авэла дова кон проклининэла тут. Сарэ мануша пэ пхув авэна бахталэ пал тутэ».
Аврамо кандыя Дэвлэс. Ёв лыя пэскирья ромня Сара, сарэн пэскирэн бутярнэн, саро со лэскиро сыс, и гия дэ Ханаано – пхув, пэ сави пхэндя лэскэ Дэвэл.
Сыр Аврамо явья до Ханаано. Дэвэл пхэндя лэскэ: «подык пэ кадая пхув. Мэ Дава тукэ ла сари и тыро родо авэна хулаенца пэ латэ вечно». Тэнче Аврамо дживэлас пэ кадая пхув.
Одой сыс мануш савэс кхарэнас Мелхиседеко- рашай Барэ Дэвлэскиро. Екхвар сыс марибэн и сыр ёнэ залынэ пэскирэс племяникос пленостыр Аврамо дыкхьяпэ Милхисидекоса. Ёв благословил Аврамос и пхэндя: «Мэк Баро Дэвэл, Саво Хулай до болыбэн и пэ пхув, дэла тукэ бахт Аврамо!» Тэнче Аврамо дыя Милхисидекоскэ дэшитко доля сарэстыр, со кэ ёв сыс.
Прогинэ бут бэрша, нэ кэ Аврамо и Сара на сыс чаворэн. Дэвэл заракирдя кэ Авравмо и пхэндя со кэ ёв авэла чаво и дякицы родо, кицы чэргэня дэ болыбэн. Аврамо патяндыя Дэвлэскирэ лавэскэ, и Дэвэл пхэндя со Аврамо чачуно пал дова, со ёв патяндыя дэ Лэскиро Лав.
Тэнче Дэвэл скэрдя завето Аврамоса. Завето кэрэлпэ дуенца манушэнца, савэ доракирэнпэ машкир пэстэ тэ кэрэн варисави пэскири буты. Нэ адава моло Кокоро Дэвэл доракирдяпэ Аврамоса и дыя лав, со лэстэ биянэлапэ чаво,кэ саво пиреджяла саро Аврамоскиро. Дэвэл Пэскирэ Лавэса, отдыя пхув Ханаано родоскэ Аврамоскирэскэ. Тэнче дэ суно Дэвэл откэрдя, со авэла родоса Аврамоскирэса. Прогия бут бэрш, нэ кэ Аврамо дякэ и на сыс чавэс.
Библейско история с Бытия 11-15