3.3 KiB
Khobor
Tate alak kisim laga khobor ase junto ke kisah laga hekh te dibole pare. Bisi bak eitu jonaideya laga khobor ase. Eitu jonaideya laga khobor kaam khan pora alak ase junto dangor kisah laga hissa ke bonaise. Bible laga ekta kitab bisi bak bisi chutu kisah khan pora bonaise junto dangor kisah kitab laga hissa ase. Udahran te, Jisu’ jonom laga kisah ekta chutu kisah ase Luke kitab laga dangor kisah te. Sob eitu kisah khan, dangor nohoile chutu, logote jonaideya laga khobor ase eitu laga hekh te.
Alak bhabona khan kisah khobor laga hekh te
- Kisah ke katha koribole
- Ekta jowab dibole kisah te ki hoise
- Ekta chutu kisah ke dangor kisag logote juribole ekta hissa ase
- Purhi thaka khan ke kobole ekta khas charitr logote ki hobo dangor kisah laga hissa hekh hoa pachote
- Kaam laga kobole junto suru hoise dangor kisah laga hissa hekh hoa pachote
- Kobole ki hoise kisah laga pachote gatna khan laga parinam te junto kisah te hoise
Karaan khan eitu ekta anuvad laga samasya ase
Alak basa khan logote alak rasta khan ase eitu kisim laga khobor ke dikhabole. Jodi anuvad kora khan taikhan basa laga rasta khan ke nacholai eitu koribole, purhi thaka khan eitu ginis khan ke najanibo:
- Junto eitu khobor kisah ke hekh korise
- Khobor ki bhabona ase
- Khobor keneka kisah logote sonban ase
Anuvad laga Niyom khan
- Khas kisim laga khobor ke anuvad koribi ekta kisah laga hekh te tumar basa eitu kisim laga khobor ke bayan kora nisina.
- Eitu ke anuvad koribi karone junto manuh bojibole keneka eitu kisah logote sonban ase.
- Jodi parile, kisah laga hekh ke ekta rasta te anuvad koribi junto manuh janibo kote eitu kisah hekh hoise aru dusra suru hoise.
Udahran khan Bible pora
- Kisah ke katha koribole
Tetia dusra manuh pichha koribo, kunuba foli khan, aru kunuba dusra bosto khan jahas pora. Eitu rasta te eitu hobo junto moikhan sob bachikena mati te ahise. (Acts 27:44 ULT)
- Ekta likhibole kisah te ki hoa laga
Bisi kun jadoo khan shikise taikhan laga kitab khan ke eki logote anise aru taikhan ke sobjun dikha te jolaidise. Ketia taikhan pora taikhan laga daam ke ghinti korise, eitu pachas hazar chandi laga tukra thakise. Karone Probhu laga kotha hokti rasta khan te bisi dangor phelijaese. (Acts 19:19-20 ULT)
- Purhi thaka khan ke kobole ekta khas charitr logote ki hobo dangor kisah laga hissa hekh hoa pachote
Mary koise, “Moi laga atma Probhu ke prosonsa korise, aru moi laga atma Isor logote anand korise moi laga trankorta…” Mary Elizabeth logote thakise tin moina tok aru tetia tar laga ghor wapas jaese. (Luke 1:46-47, 56 ULT)
- Kaam laga kobole junto suru hoise dangor kisah laga hissa hekh hoa pachote
Sob kun eitu ke hunise asorti hoise taikhan ke ki laga koise mer roikhya khan pora. Hoilebi Mary sob ginis khan laga bhabona kori thakise tae hunise, taikhan ke tarr laga mon te
- Kobole ki hoise kisah laga pachote gatna khan laga parinam te junto kisah te hoise
“Tumi Yahudi niyom khan laga guru khan logote mon dukh, kelemane tumi gyan laga chabi ke loi jaese; tumi pora tumar nijor logote naghusei, aru tumi eitukhan ke rokhaise kun ghusibole korise.” Jisu tate ja pachote, shastri khan aru Pharisees khan taike aputi korise aru tai logote bisi bosto khan laga bahes korise, taike nijor laga kotha khan te phasabole korise. (Luke 11:52-54 ULT)