3.8 KiB
Khobor
Ekta chinha laga kaam kiba ase junto kunuba korise ekta bhabona ke bayan koribole. Udahran te, kunuba sanskrti khan te manuh taikhan laga matha ke uthaise aur mane “Hoi” nohoile taikhan laga matha ke ghurabole kinar pora kinar te mane “Nohoi. Chinha laga kaam khan mane eki bosto khan nohoi sob sanskrti te. Bible te, ketiaba manuh chinha laga kaam korise aru ketiaba taikhan khali chinha laga kaam ke koise.
Chinha kaam khan laga udahran
- Kunuba sanskrti khan te manuh haath milaise ketia taikhan log kore dikhabole junto taikhan satti hobole icha ase.
- Kunuba sanskrti te manuh niche kore ketia taikhan log kore ek dusra ke aadar koribole.
Karaan eitu ekta anuvad laga samasya ase
Eta kaam logote ekta motlob thakibo ekta sanskrti, aru ekta alak motlolob nohoile eku motlob nathaka sob dusra sanskrti te. Udahran te, kunuba sanskrti te bhaun ke utha mane “Ami asorit ase” nohoile “Tumi ki koise?” Dusra khan laga sanskrti te eitu laga motlob “Hoi” ase.
Bible te manuh eitu ginis khan korise junto logote motlob khan ase taikhan laga sanskrti te. Ketia amikhan Bible ke purhise amikhan bojibole napare kunuba laga ki motlob ase jodi amikhan kaam laga koile eitu moikhan nijor laga sanskrti te ki motlob ase.
Anuvad kora khan bojibole lage manuh Bible te ki motlob ase ketia taikhan chinha laga kaam khan ke cholaise. Jodi eta kaam mane eki ginis nohoi taikhan nijor laga sanskrti te, taikhan janibole lage keneka anuvad koribo kaam laga motlob ki thakise.
Udahran khan Bible pora
Jairus Jisu’ laga theng te gherise. (Luke 8:41 ULT)
Chinha kaam laga motlob. Tai eitu korise Jisu nimite dangor aadar dikhabole.
Sabi, Ami duarja te khara korise aru khatkaise. Jodi kunuba moi laga awas hunikena aru duarja ke khulile, Ami tar laga ghor te ahibo, aru tai logote bhojan khabo, aru tai moi logote. (Revelation 3:20 ULT)
Chinha kaam laga motlob: Ketia manuh kunuba jun ke taikhan laga ghor te swagat koribole mom ase, taikhan duarja te khara korikena aru khatkhaise.
Anuvad laga Tarika khan
Jodi manuh thik pora bojile chinha laga motlob ki ase manuh logote Bible te, eitu ke cholabole bhabona rakhibi. Jodi nohoile, yate kunuba tarika khan ase eitu ke anuvad koribole.
- Kobi ki manuh korise aru tai kele korise.
- Nokobi ki manuh korise, hoilebi kobi tai laga motlob ki ase.
- Eta kaam ke tumar nijor laga sanskrti pora cholabi junto logote eki motlob ase. Eitu khali kavita, dristant khan, aru prosar te koribi. Eitu ke nokoribi ketia tate asul te manuh thakise kun ekta alak kaam korise.
Anuvad Tarika Halideya laga Udahran khan
- Kobi ki manuh korise aru tai kele korise.
-
Jairus Jisu’ laga theng te gherise. (Luke 8:41 ULT)
-
Jairus Jisu’ laga theng te gherise dikhabole junto tai pora taike dangor aadar kore.
-
Sabi, Ami duarja te khara korikena aru khatkaise. (Revelation 3:20 ULT)
-
Sabi, Ami duarja te khara korise aru eitu te khatkaise, tumike hudise moi bitor te ahibole.
- Nokobi ki manuh korise, hoilebi kobi tai laga motlob ki ase.
-
Jairus Jisu’ laga theng te gherise. (Luke 8:41)
-
Jairus pora Jisu ke dangor aadar dikhaise.
-
Sabi, Ami duarja te khara korikena aru khatkaise. (Revelation 3:20)
-
Sabi, Ami duarja te korise aru tumike hudise moi bitor te ahibole.
- Eta kaam ke cholabole tumar nijor laga sanskrti pora junto logote eki motlob ase.
-
Jairus Jisu’ laga theng te gherise. (Luke 8:41 ULT)- Kelemane Jairus eitu asul te korise, amikhan eta kaam laga nokoribo moikhan nijor laga sanskrti pora.
-
Sabi, Ami duarja te khara korise aru khatkaise. (Revelation 3:20 ULT)- Jisu asul duarja te khara koranai. Tai manuh logote sonban thakibole laga kotha koi thakise. Karone sanskrti te kote eitu nomro ase ekjun laga gola ke safa koribole ketia eitu ekta ghor te anibole, tumi eitu ke cholabole pare.
-
Sabi, Ami duarja te khara korise aru moi laga gola ke safa koribole.