2.9 KiB
Roop khan laga motlob bodli hoise
Shaabdik laga anuvad khan likha khan laga roop ke rakhise udeshya laga likha khan te. Kunuba anuvad kora khna eitu koribole mon ase kelemane, amikhan shika laga te dikhise “Roop laga Dorkar,” ekta likha khan laga roop likha khan laga motlob ke lagaidise. Hoilebi, amikhan dimak te rakhibole lage junto manuh alak sanskrti pora roop khan laga motlob ke bojise. Alak sanskrti te, eki roop ke bisi alak rasta khan te bojibole pare. Karone eitu hobole para laga nohoi motlob ke bachabole asul laga roop khan ke rakhi kena. Khali rasta motlon ke bachabole asul laga roop ke notun laga roop te bodli koribole ase junto eki motlob ke notun sanskrti te jonaidei purana laga roop te kora purana sanskrti te.
Alak basa khan alak laga kotha khan aru shabh khan ke cholaise
Jodi tumi kotha ke tumar laga anuvad te rakhile, eitu bisi digdar hobo, aru ketiaba napara hobo, manuh kun tumar laga basa koise bojibole. Tumi prakrti laga kotha ke cholabole lage udeshya laga basa laga karone junto manuh likha khan laga motlob ke bojibole.
Alak basa khan alak basa khan aru bayan khan ke cholaise
Sob basa logote nijor laga basa khan aru dusra bayan khan ase, junto kotha khan junto awas khan nohoile mon dukh khan ke cholaise. Eitu bosto khan laga motlob ke bayan koribole, tumi eta basa nohoile bayan ke bassibole lage junto logote eki motlob ase udeshya laga basa te, khali sob kotha ke anuvad nokoribi. Jodi tumi sob kotha ke anuvad korile, basa nohoile bayan logote golti motlob thakibo.
Kunuba kotha khan logote eki thaka nai dusra sanskrti te
Bible te bisi kotha khan ase ginis khan nimite junto nathaka hoise, junto ase poila laga vajan khan (moidan, haath), poisa (dinar, stater) aru naap khan (hin, ephah). Janwar khan Shastro te nathakibo pare kunuba sansar laga hissa khan te (lomri, unt). Dusra kotha khan ke kunuba sanskrti te najanibo pare (himapaat, sunnot). Eitu hobole para nohoi eki kotha khan eitu kotha khan laga bodli koribole eitukhan halat khan te. Anuvad kora khan dusra rasta bisaribole lage asul motlob ke jonani koribole.
Bible ke bojibole bhabona thakise
Shastro laga gawah taikhan nijor dikhaise junto taikhan bojibole motlob thakise. Bible ke tinta basa khan te likhise kelemane basa junto Isor laga manuh ke alak somoi khan te cholaise. Ketia Yahudi khan ke ulaideya pora wapas ahise aru Hebrew yaad nokora hoise, purohit khan Purana Niyom khan ke anuvad korise Aramaic te karone taikhan bojibole (Neh 8:8). Pachote, ketia Notun Niyom ke likhise, eitu ke sadahran Koine laga Yonani te likhise, kunto basa thakise junto sob manuh eitu somoi te koise, Hebrew nohoile Aramaic laga bodli nohoile poila laga Yonani nisina, kunto sadahran manuh nimite tan hobo bojibole.
Eitu aru dusra karaan khan dikhaise junto Isor manuh ke tar laga kotha bojibole dibo mon ase. Karone amikhan janibole junto tai moikhan ke Bible laga motlob ke anuvad koribole dibo mon ase, roop ke dibole nohoi. Shastro khan laga motlob roop pora bisi dorkar ase.