1.4 KiB
Asul Kagos khan laga Likha khan
Bible ke bisi soh sal khan agete likhise Isor laga bhabobadi khan aru apostle khan pora Isor pora taikhan ke likhibole dise. Israel laga manuh Hebrew koise, karone sob Purana Niyom laga kitab khan ke Hebrew te likhise. Ketia taikhan alohi khan nisina thakise Assyria aru Babylon te, taikhan Aramaic kobole shikise, karone Purana Niyom laga kunuba hissa khan ke Aramaic te likhise.
Tinsoh sal Khrista naha agete, Yonani dangor jonani laga basa hoise. Bisi manuh Europe aru Madhy Purob Yonani laga koise dusra basa nisina. Karone Purana Niyom ke Yonani te anuvad korise. Ketia Khrista ahise, bisi manuh eitukhan sansar laga jagah khan te etiabhi Yonani ke dusra basa nisina koise, aru Notun Niyom laga kitab khan ke sob Yonani te likhise.
Tetia tate eku mudrak khan thakanai, karone likha manuh khan eitu kitab khan ke haath pora likhise. Eitu asul kagos khan thakise. Eitukhan kun eitu kagos khan ke likhise taikhan bhi haath pora likhise. Eitu bhi kagos khan ase. Eitu kitab khan ekdom dorkar ase, karone likha khan khas shikibole paese aru bisi hoshiar taikhan ke thik pora likhibole.
Soh sal khan te, manuh Bible kitab khan laga hazar bonaidise. Kagos khan junto ke likha manuh khan pora asul te likhise sob haraise nohoile gheri jaese, karone amikhan logote nai. Hoilebi amikhan logote bisi likha khan laga ase junto ke haath pora lamba somoi agete likhise. Kunuba eitu likha khan laga bisi soh aru hazar sal khan te bachise.